शनिवार, 31 ऑक्टोबर 2026
ग्राहकांना दिलासा! सलग तिसऱ्या महिन्यात जागतिक खाद्य किमती कोसळल्या..; पण धान्य मात्र महाग (फोटो-सोशल मीडिया)
Food Price Index: जागतिक चलनवाढीच्या दबावादरम्यान, नोव्हेंबर महिना ग्राहकांसाठी दिलासा देणारा ठरला. संयुक्त राष्ट्रांच्या अन्न आणि कृषी संघटनेच्या (एफएओ) मते, जागतिक अन्नधान्याच्च्या किमती सलग तिसऱ्या महिन्यात घसरल्या. दूध, तेल, साखर आणि मांस यासारख्या प्रमुख वस्तू स्वस्त झाल्या, तर धान्य गटात वाढ झाली असून सोयबिनच्या देखील किंमती वाढल्या आहेत. एफएओचा जागतिक अन्न किंमत निर्देशांक नोव्हेंबरमध्ये १२५.१ अंकांवर होता, जो ऑक्टोबर २०२५ च्या तुलनेत १.२ टक्के कमी आहे आणि मार्च २०२२ च्या त्याच्या विक्रमी उच्चांकापेक्षा जवळजवळ २२ टक्के कमी आहे.
हेही वाचा : आधारची फोटोकॉपी आता अजिबात चालणार नाही, हॉटेलपासून इव्हेंटपर्यंत; सगळीकडे QR Scan ने होणार ओळख
एफएओच्या सप्टेंबर २०२५ च्या ताज्या अहवालात असे दिसून आले आहे की, वाढत्या जागतिक महागाईच्या पार्श्वभूमीवर नोव्हेंबरमध्ये अन्नधान्याच्या चर किमतींमध्ये लक्षणीय घट झाली. ऑक्टोबरच्या तुलनेत निर्देशांक घसरला आणि वार्षिक आधारावर, नोव्हेंबर २०२४ च्या तुलनेत २.१ टक्के कमी होता. पाम, सूर्यफूल आणि रेपसीड तेलाच्या किमतीत घट झाली, तर ब्राझीलमध्ये बायोडिझेलची मागणी वाढल्यामुळे सोयाबीन तेल थोडे महाग झाले. मलेशियामध्ये अपेक्षेपेक्षा जास्त पाम तेलाचे उत्पादन झाल्याचा परिणाम दिसतो.
दुसरीकडे, गहू, मक्याच्या दरात वाढ झाली आहे. नोव्हेंबरमध्ये धान्य किमत निर्देशांक १०५.५ व होता, जो ऑक्टोबरच्या तुलनेत १.८% आणि एकूण १.३ वाढला. तथापि, तो गेल्या वर्षीपेक्षा ५.३% कमी आहे जागतिक गव्हाच्या किमती २.५% वाढल्या.
ब्राझीलमध् मजबूत मागणी आणि अर्जेंटिना आणि ब्राझीलमध्ये पावसामुळे पुरवठा खंडित झाल्यामुळे मक्याच्या किमती वाढल्या, बाजारी आणि ज्वारीच्या किमतीही वाढल्या, ज्याचा थेट परिणाम जागतिक सोयाबीनच्या किमती वाढण्यावर झाला.
या वाढीला अनेक कारणे आहेत. डॉलर-रुपया यांच्यातील चढ-उतार, अमेरिकेने लावलेले अतिरिक्त टॅरिफ आणि जागतिक स्तरावरील व्यापारावर होणारे बदल या सगळ्यांचा खाद्य किंमतीवर परिणाम झाला आहे. तसेच, आयात-निर्यात यांमधील घट देखील खाद्य किंमतीवर परिणाम केल्याचे दिसून येत आहे. यावर सरकार काय उपाययोजना करते याकडे सर्वांचे लक्ष लागून आहे. मात्र यामुळे ग्राहकांना काही प्रमाणात दिलासा मिळाला आहे तर काही प्रमाणात त्यांच्या खिशाला कात्री लागण्याची शक्यता आहे.
