शुक्रवार, 23 ऑक्टोबर 2026
फोटो सौजन्य- सोशल मीडिया
या भरतीसाठी ऑनलाइन अर्ज करण्याची प्रक्रिया १० सप्टेंबर २०२६ पासून अधिकृत संकेतस्थळावर सुरू होत असून, अर्ज करण्याची अंतिम तारीख २५ सप्टेंबर २०२६ निश्चित करण्यात आली आहे. वयोमर्यादा, शैक्षणिक पात्रता आणि अनुभवाचे निकष तपासण्यासाठी ०१ ऑगस्ट २०२६ ही कट-ऑफ तारीख ठरवण्यात आली आहे.
शैक्षणिक पात्रतेमध्ये प्रामुख्याने अभियांत्रिकी पदवी (B.E./B.Tech), MCA, M.Sc. (Computer Science/IT) किंवा पदवानुसार कायद्याची पदवी (LLB) असणे आवश्यक आहे. याशिवाय, विविध तांत्रिक आणि व्यवस्थापकीय पदांसाठी संबंधित क्षेत्रातील अनुभवाची अट देखील लागू करण्यात आली आहे.
निवड प्रक्रियेमध्ये उमेदवारांना ऑनलाईन परीक्षा आणि त्यानंतर मुलाखतीला सामोरे जावे लागेल. जनरल, ओबीसी आणि ईडब्ल्यूएस प्रवर्गातील उमेदवारांसाठी अर्ज शुल्क १,१८० रुपये असून एससी, एसटी आणि महिला उमेदवारांसाठी १७५ रुपये शुल्क आकारले जाईल.
निवड झालेल्या उमेदवारांना स्केलनुसार आकर्षक वेतनश्रेणी दिली जाणार असून, उच्च पदांसाठी कमाल वेतन १,२०,९४० रुपयांपर्यंत असणार आहे. नोकरीचे ठिकाण संपूर्ण भारत असणार असून, इच्छुकांनी अंतिम मुदतीपूर्वी बँक ऑफ इंडियाच्या अधिकृत संकेतस्थळावरून आपले अर्ज ऑनलाइन पद्धतीने सादर करणे आवश्यक आहे.
१. बँक ऑफ इंडियाच्या अधिकृत संकेतस्थळाला (bankofindia.co.in) भेट द्या.
२. करिअर सेक्शनमधील ‘Recruitment Process’ वर क्लिक करा.
३. संबंधित भरतीची जाहिरात वाचून ऑनलाईन अर्ज भरा.
४. आवश्यक कागदपत्रे अपलोड करून अर्ज शुल्क भरा आणि फॉर्म सबमिट करा.
५. भविष्यातील संदर्भासाठी अर्ज केलेल्या फॉर्मची प्रिंटआउट जतन करा.
