Salary Structure : टीम इंडियाच्या कर्णधाराला खरोखरच जास्त पगार मिळतो का? एकदा वाचाच बीसीसीआयचे मानधनाचे संपूर्ण गणित…

Team India Salary Structure: बीसीसीआयने (BCCI) अफगाणिस्तानविरुद्धच्या मालिकेसाठी टीम इंडियाची घोषणा केली असून शुभमन गिलकडे कर्णधारपद सोपवले आहे. भारतीय कर्णधाराला इतर खेळाडूंपेक्षा जास्त पगार मिळतो का आणि बीसीसीआयची ग्रेड सिस्टीम कशी असते? पाहा सविस्तर.

Team India Salary Structure: भारतीय क्रिकेट कंट्रोल बोर्डाने (BCCI)  अफगाणिस्तानविरुद्ध होणाऱ्या आगामी सामन्यांसाठी टीम इंडियाची घोषणा केली आहे. यामध्ये शुभमन गिलकडे वनडे (एकदिवसीय) आणि कसोटी (Test) संघाचे कर्णधारपद सोपवण्यात आले आहे. तर कसोटी उपकर्णधारपदी केएल राहुलची नियुक्ती केली आहे तर वनडे सामन्यामध्ये ही जबाबदारी श्रेयश अय्यर सांभाळणार आहे. परंतु, तुम्हाला माहिती आहे का टीम इंडियाच्या कर्णधाराला किती पगार मिळतो? चला तर मग जाणून घेऊया.

भारतीय क्रिकेटमध्ये कर्णधाराला केंद्रीय करार पद्धती अंतर्गत पैसे मिळतात, ज्यामध्ये इतर खेळांडूंचाही समावेश असतो. बीसीसीआय दरवर्षी वेगवेगळ्या ग्रेडमध्ये खेळाडूंची विभागणी करते आणि त्यानुसार वार्षिक मानधन दिले जाते.

कशा आहेत ग्रेड?

या करारामध्ये सर्वात वर ‘ग्रेड ए+’ (Grade A+) असते. या ग्रेडमध्ये समाविष्ट असलेल्या खेळाडूंना वार्षिक 7 कोटी रूपये मिळतात. यानंतर ‘ग्रेड ए’ मधील खेळाडूंना 5 कोटी तर ‘ग्रेड बी’ मधील खेळाडूंना 3 कोटी रुपये आणि ‘ग्रेड सी’ मधील खेळाडूंना 1 कोटी रुपये मिळतात. कर्णधार जर ‘ए+ग्रेड’ मध्ये असेल तर त्याला 7 कोटी रुपये मिळतील आणि तो ‘ए ग्रेड’ मध्ये असेल तर त्याला 5 कोटी रुपये मिळतील म्हणजेच मिळणारी रक्कम ही खेळाडूच्या ग्रेडवरून ठरते कर्णधारपदावरून नाही.

RCC Nanded: शिवराज मोटेगावकर यांच्या अटकेनंतर नांदेडमधील नामांकित कोचिंग क्लासेस बंद; काय आहे पडद्यामागचे सत्य?

मॅच फी (सामन्याचे शुल्क) बद्दल जाणून घ्या

आता मॅच फी बद्द्ल जाणून घेऊया. जेव्हा एखादा खेळाडू कसोटी सामन्यासाठी खेळतो तेव्हा त्याला  15 लाख रुपये, वनडेसाठी अंदाजे 6 ते 7 लाख रुपये आणि टी-२० सामन्यासाठी प्रति सामना 3 लाख रुपये दिले जातात. जर एखादा खेळाडू 15 जणांच्या संघात खेळत असेल परंतु अंतिम ११ (Playing-11) मध्ये खेळत नसेल, तर त्याला या फीच्या साधारण आर्धी रक्कम मिळते. म्हणजेच, जर शुभमन गिल कर्णधार असेल आणि इतर कोणताही खेळाडू त्याच सामन्यात खेळत असेल तर दोघांनाही मिळणारी मॅच फी समान असेल.

Scholarship Result: ५ वी आणि ८ वी शिष्यवृत्ती परीक्षेचा निकाल जाहीर! गुण पडताळणी आणि दुरुस्तीची शेवटची तारीख माहितीये का?