5 नोव्हेंबरपासून CAT 2024 चे हॉल तिकीट करता येणार डाउनलोड, जाणून घ्या प्रक्रिया

या वर्षी होणाऱ्या कॅट परीक्षेसाठी उद्या प्रवेशपत्र म्हणेजच हॉल तिकीट जारी केले जाणार आहेत. कॉमन अ‍ॅडमिशन टेस्ट परीक्षेत बसण्यासाठी उमेदवार लॉगिन क्रेडेंशियल्सद्वारे त्यांचे हॉल तिकीट डाउनलोड करू शकतात.

फोटो सौजन्य: iStock

Follow Us:

Follow Us:

हल्ली अनेक तरुण मंडळी कॅट परीक्षेची तयारी करताना दिसतात. कॅट म्हणजे चांगल्या कॉलेजमधे एमबीए शिकण्याची गुरुकिल्ली. हीच गुरुकिल्ली मिळवण्यासाठी अनेक जण कॅट परीक्षा देण्यासाठी अभ्यास करत असतात.

इंडियन इन्स्टिट्यूट ऑफ मॅनेजमेंट कलकत्ता (IIM) द्वारे CAT (CAT 2024) साठी हॉल तिकिट उद्या, 5 नोव्हेंबर रोजी जारी केली जातील. कॉमन अ‍ॅडमिशन टेस्ट (CAT 2024) मध्ये बसलेले उमेदवार अधिकृत वेबसाइट iimcat.ac.in वर जाऊन त्यांचे हॉल तिकिट डाउनलोड करू शकतील. CAT 2024 हॉल तिकीट डाउनलोड करण्यासाठी, उमेदवारांना नोंदणी क्रमांक आणि पासवर्ड आवश्यक असेल. प्रवेशपत्र डाउनलोड करण्यासाठी उमेदवार या स्टेप्सचे फॉलो करू शकतात.

हे देखील वाचा: ‘या’ चुकांमुळे तर नोकरी मिळण्यात येत नाही ना अपयश? जाणून घ्या

परीक्षा तीन शिफ्टमध्ये होणार आहे

CAT परीक्षा 24 नोव्हेंबर रोजी तीन शिफ्टमध्ये ऑनलाइन पद्धतीने घेतली जाईल.

• पहिली शिफ्ट सकाळी 8.30 ते 10.30 पर्यंत चालेल.
• दुसरी शिफ्ट दुपारी 12.30 ते 2.30 पर्यंत असेल.
• शेवटची शिफ्ट दुपारी 4.30 ते 6.30 पर्यंत चालेल.
• अ‍ॅडमिट कार्डवर असेल ही डिटेल

CAT प्रवेशपत्रावर उमेदवाराचे नाव, अर्ज क्रमांक, जन्मतारीख, उमेदवाराची कॅटेगरी, अपंगत्वाची स्थिती, आपत्कालीन संपर्क आणि CAT परीक्षेची तारीख नमूद केली जाईल. CAT परीक्षेचा दिवस, स्लॉट, अहवाल देण्याची वेळ, केंद्र प्रवेशाची वेळ, केंद्र गेट बंद होण्याची वेळ, CAT परीक्षा केंद्राची Google मॅप लिंक, CAT परीक्षा शहर, परीक्षा केंद्राचा पत्ता आणि परीक्षा गाइडलाइन दिली जातील.

हे देखील वाचा: चित्रकलेची आवड आहे, पण करिअर कसे करतात? हे ठाऊक नाही; नक्की वाचा

हॉल तिकिट असे करा डाउनलोड

• सर्व प्रथम IIM च्या अधिकृत वेबसाईट iimcat.ac.in वर जा.
• होम पेजवर उपलब्ध असलेल्या ‘रजिस्टर्ड कँडिडेट लॉगिन’ लिंकवर क्लिक करा.
• CAT लॉगिनमध्ये प्रवेश करण्यासाठी तुमचा CAT 2024 वापरकर्ता आयडी आणि पासवर्ड एंटर करा.
• यानंतर ॲडमिट कार्ड स्क्रीनवर दिसेल.

महत्वाच्या गोष्टी

कोणतीही गडबड झाल्यास उमेदवार कॅट परीक्षेसाठी जारी केलेल्या हेल्पलाइनशी संपर्क साधू शकतात. सोमवार ते शनिवार सकाळी 9 ते संध्याकाळी 6 या वेळेत हेल्प डेस्क कॉलवर उपलब्ध असेल. उमेदवारांनी लक्षात ठेवावे की त्यांना त्यांचे ओरिजिनल आणि वैध फोटो ओळखपत्र त्यांच्या हॉल तिकीटसह परीक्षा केंद्रावर सोबत आणावे लागेल.

Web Title: Cat 2024 hall ticket downloadable from 5th november know process

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com