CBSE दहावीच्या विद्यार्थ्यांसाठी महत्त्वाची बातमी, ‘या’ महिन्यात पुन्हा होणार परीक्षा; निकालापूर्वीच लागा तयारीला

Central Board of Secondary Education दहावीच्या परीक्षा मे महिन्यात पुन्हा होणार असून, विद्यार्थ्यांनी निकालाची वाट न पाहता आतापासूनच तयारी सुरू करावी. योग्य नियोजन केल्यास अपेक्षेपेक्षा जास्त गुण मिळवण्याची संधी आहे.

CBSE दहावीच्या पहिल्या टप्प्यातील (Phase 1) परीक्षा संपल्या आहेत आणि आता सर्वांचे लक्ष निकालावर लागले आहे. CBSE दहावी निकाल २०२६ एप्रिलच्या शेवटच्या आठवड्यात अपेक्षित आहे. पण तुम्हाला माहित आहे का, की खरा ‘जुगल’ तोच असतो जो निकाल जाहीर होण्यापूर्वीच आपली पुढची चाल तयार ठेवतो? जर वाटत असेल की पहिल्या टप्प्यातील एखादा पेपर तुमच्या अपेक्षेप्रमाणे नव्हता किंवा काही कारणास्तव तुम्ही तुमचे १००% देऊ शकला नाहीत, तर घाबरू नका.

२०२६ पासून लागू होणारे नवीन CBSE धोरण, १५ मे ते १ जून दरम्यान आणखी एक उत्तम संधी देईल. सीबीएसई १०वीचा निकाल २०२६ ला अजून काही काळ बाकी आहे. पण ही स्वस्थ बसण्याची वेळ नाही; उलट, तुम्ही सीबीएसई १०वीच्या परीक्षेत दुसऱ्या संधीसाठी तयार आहात का, याचा विचार करण्याची ही वेळ आहे. तुम्हाला तुमची टक्केवारी वाढवायची असेल किंवा एखाद्या विषयात कंपार्टमेंटची भीती दूर करायची असेल, तर सीबीएसई फेज २ एक वरदान आहे.

गरजू विद्यार्थ्यांना मिळणार शासकीय योजनांचा लाभ ; ‘छत्रपती शिवाजी महाराज महाराजस्व अभियानांतर्गत समाधान शिबिराचे आयोजन

निकालापूर्वी तुमची तयारीची योजना

सीबीएसई परीक्षेच्या पद्धतीत आणि अभ्यासक्रमात सतत बदल करत असते. नवीन शिक्षण धोरण २०२० लागू करण्यासाठी, सीबीएसईने वर्षातून दोनदा १०वीची परीक्षा घेण्याचा निर्णय घेतला आहे. जे विद्यार्थी एखाद्या विषयात अनुत्तीर्ण झाले आहेत किंवा मिळालेल्या गुणांवर असमाधानी आहेत, ते मे महिन्यात सीबीएसई १०वीची परीक्षा पुन्हा देऊ शकतात.

सीबीएसई १०वी फेज २ परीक्षा कधी होणार?

CBSE ने स्पष्ट केले आहे की, दुसऱ्या टप्प्यातील (Phase 2) परीक्षा १५ मे २०२६ ते १ जून २०२६ दरम्यान घेतल्या जातील. CBSE पहिल्या टप्प्याचा (Phase 1) निकाल एप्रिल महिन्याच्या अखेरपर्यंत अपेक्षित आहे. त्यामुळे, निकाल पाहिल्यानंतर तयारीसाठी तुमच्याकडे केवळ १५-२० दिवस असतील. बोर्डाचा उद्देश हा आहे की, जे विद्यार्थी आपल्या गुणांवर समाधानी नाहीत, ते त्वरित सुधारणा करू शकतील जेणेकरून त्यांचे संपूर्ण वर्ष वाया जाणार नाही.

CBSE १०वीच्या दुसऱ्या टप्प्याची (Phase 2) परीक्षा कोण देऊ शकते?

CBSE १०वीचा निकाल २०२६ जाहीर होण्यापूर्वीच तुम्ही दुसऱ्या टप्प्याच्या (Phase 2) परीक्षेसाठी तुमची पात्रता तपासू शकता

पहिल्या टप्प्यात (Phase 1) परीक्षा देणे: तुम्ही फेब्रुवारी-मार्चमध्ये मुख्य परीक्षा दिली असेल तरच तुम्ही दुसऱ्या टप्प्यासाठी (Phase 2) पात्र आहात.

गुणांमध्ये सुधारणा: CBSE १०वीचा निकाल २०२६ जाहीर झाल्यानंतर, जर तुम्हाला वाटत असेल की तुम्ही गणित, विज्ञान, सामाजिक विज्ञान किंवा भाषांमध्ये अधिक चांगले गुण मिळवू शकला असता, तर तुम्ही तीन विषयांपर्यंत पुन्हा परीक्षा देऊ शकता.

कंपार्टमेंटची भीती: जर तुमची एक किंवा दोन विषयांमध्ये कामगिरी खराब असेल आणि तुम्हाला कंपार्टमेंटची भीती वाटत असेल, तर तुम्ही ते विषय फेज २ मध्ये उत्तीर्ण करू शकता.

अट: जर तुम्ही फेज १ मध्ये तीन किंवा अधिक विषयांमध्ये अनुपस्थित असाल, तर तुम्ही फेज २ साठी बसू शकणार नाही.

सीबीएसई १०वीचा निकाल जाहीर होईपर्यंत काय करावे?

सीबीएसई १०वी निकाल २०२६ ची वाट पाहत निष्क्रिय बसण्याऐवजी, तुम्ही फेज २ परीक्षेची तयारी सुरू करू शकता:

स्व-मूल्यांकन: तुम्हाला माहित आहे की तुम्ही कोणत्या पेपरमध्ये सर्वात कमकुवत होता. निकालाची वाट न पाहता, तुम्हाला अवघड वाटलेल्या त्या विषयाचे धडे पुन्हा वाचा.

एनसीईआरटीवर लक्ष केंद्रित करा: फेज २ साठीचा अभ्यासक्रम आणि नमुना फेज १ प्रमाणेच राहील. मागील पेपर (फेज १) पुन्हा सोडवा आणि चूक कुठे झाली ते पहा.

तुमच्या शाळेच्या संपर्कात रहा: फेज २ साठीचे अर्ज (एलओसी) शाळेमार्फत भरले जातील. निकाल जाहीर झाल्यावर या प्रक्रियेला गती मिळेल, त्यामुळे तुमच्या शिक्षकांच्या संपर्कात रहा.

सर्वोत्तम गुणांचा लाभ घ्या

या प्रणालीची सर्वात चांगली गोष्ट म्हणजे, जर तुम्ही फेज २ दिलात, तर CBSE तुमच्या दोन्ही प्रयत्नांमधील (फेज १ आणि फेज २) जास्त गुण तुमच्या अंतिम गुणपत्रिकेत समाविष्ट करेल. याचा अर्थ, गमावण्यासारखे काहीच नाही, उलट चांगले गुणच मिळतील. आखाती देशांमध्ये CBSE इयत्ता १०वीच्या परीक्षा रद्द करण्यात आल्या होत्या; मंडळ त्या देशांसाठी स्वतंत्र मार्गदर्शक तत्त्वे जारी करू शकते.

PCM CET देणाऱ्या विद्यार्थ्यांसाठी सूचना जाहीर; ‘या’ तारखेला सुरू होणार परीक्षा