Central Railway Apprentice : मध्य रेल्वेत बंपर भरती; कोणतीही परीक्षा नाही! १० वी आणि आयटीआय उत्तीर्ण तरुणांसाठी सुवर्णसंधी

• मध्य रेल्वेत २,८६१ जागांवर मेगा भरती
• १० वी आणि आयटीआय उत्तीर्ण तरुणांसाठी सुवर्णसंधी
• ‘या’ पदासाठी होणार भरती

‘या’ पदासाठी होणार भरती

या भरती प्रक्रियेत मुंबई, भुसावळ, पुणे, नागपूर आणि सोलापूर या विविध क्लस्टरमधील वर्कशॉप्स व युनिट्समध्ये फिटर, वेल्डर, कारपेेंटर, इलेक्ट्रीशियन, मशिनिस्ट, पेंटर, स्टेनो अशा विविध ट्रेडसाठी प्रशिक्षणार्थी निवडले जाणार आहेत. अर्जासाठी शैक्षणिक पात्रतेचा विचार करता, उमेदवाराने मान्यताप्राप्त बोर्डातून किमान ५०% गुणांसह १० वी परीक्षा (किंवा समकक्षी) उत्तीर्ण केलेली असावी आणि संबंधित ट्रेडमध्ये नॅशनल ट्रेड सर्टिफिकेट (NTC) किंवा नॅशनल कौन्सिल फॉर व्होकेशनल ट्रेनिंग / स्टेट कौन्सिल फॉर व्होकेशनल ट्रेनिंग (NCVT/SCVT) चे तात्पुरते प्रमाणपत्र असणे आवश्यक आहे.

IIT Kanpur MBBS Admission: आयआयटी कानपूर रचणार इतिहास! आता इंजिनिअरिंगच नव्हे तर MBBS चेही शिक्षण देणार

वयोमर्यादा आणि निवड प्रक्रिया

या पदांसाठी वयोमर्यादा ३ नोव्हेंबर २०२६ रोजी १८ वर्षे पूर्ण असावी आणि कमाल वयोमर्यादा २४ वर्षांपेक्षा जास्त नसावी, म्हणजेच उमेदवाराचा जन्म ०३/११/२००२ ते ०३/११/२०११ या कालावधीतील असावा. नियमानुसार एससी, एसटी उमेदवारांना ५ वर्षे, ओबीसी उमेदवारांना ३ वर्षे आणि अपंग व माजी सैनिकांसाठी उच्च वयोमर्यादेत विशेष सवलत दिली जाईल. उमेदवारांची निवड कोणतीही लेखी परीक्षा किंवा मुलाखतीशिवाय केली जाणार असून, १० वी मधील गुण (किमान ५०% गुण) आणि आयटीआय मधील ट्रेडच्या गुणांची साधी सरासरी काढून गुणवत्ता यादी तयार केली जाईल.

Sainik School Admission 2027: सैनिक स्कूल प्रवेश परीक्षेची नोंदणी सुरू! ६ वी आणि ९ वीच्या प्रवेशासाठी ‘या’ तारखेपर्यंत अर्ज सुरू

या भरतीसाठी अर्ज शुल्क १०० रुपये इतके असून, एससी, एसटी, अपंग आणि महिला उमेदवारांना कोणतेही शुल्क भरावे लागणार नाही. इच्छुक उमेदवारांनी RRC च्या अधिकृत [www.rrccr.com](https://www.rrccr.com) या संकेतस्थळावर जाऊन केवळ ऑनलाइन माध्यमातून अर्ज सादर करावा. मुदतीनंतर आलेले अर्ज किंवा इतर कोणत्याही माध्यमातून पाठवलेले अर्ज स्वीकारले जाणार नाहीत.