विद्यार्थ्यांनो All The Best! उद्यापासून सुरू होणार ‘ही’ महत्वाची परीक्षा; तब्बल 17 लाख…

एमपीएड अभ्यासक्रमासाठी यंदा २५२५ विद्यार्थ्यांनी नोंदणी केली असून, त्यामध्ये १७८० पुरुष व ७४५ महिलांचा समावेश आहे. याशिवाय १९ अनाथ विद्यार्थीही परीक्षेला बसणार आहेत.

उद्यापासून सीईटी प्रवेश परीक्षांना सुरुवात होणार
एकूण १७ पदवी व पदव्युत्तर अभ्यासक्रमांसाठी प्रवेश परीक्षा 
महाराष्ट्रातील १८ परीक्षा केंद्रांवर संगणकाधारित पद्धतीने परीक्षा

पुणे: राज्य सामाईक प्रवेश परीक्षा कक्षातर्फे शैक्षणिक वर्ष २०२६-२७ साठी घेण्यात येणाऱ्या सीईटी प्रवेश परीक्षांना आज, २४ मार्चपासून सुरुवात झाली आहे. या प्रक्रियेचा प्रारंभ पदव्युत्तर शारीरिक शिक्षण (एमपीएड) या अभ्यासक्रमाच्या प्रवेश परीक्षेपासून झाला आहे.
यावर्षी राज्यभरात एकूण १७ पदवी व पदव्युत्तर अभ्यासक्रमांसाठी प्रवेश परीक्षा घेतल्या जाणार आहेत. या परीक्षा १६ मे २०२६ पर्यंत ५४ दिवसांच्या कालावधीत पार पडणार असून, महाराष्ट्रातील १८ परीक्षा केंद्रांवर संगणकाधारित पद्धतीने त्यांचे आयोजन करण्यात आले आहे.

सीईटी परीक्षेसाठी यंदा मोठ्या प्रमाणावर विद्यार्थ्यांचा सहभाग दिसून येत आहे. सर्व अभ्यासक्रमांसाठी मिळून सुमारे १७ लाख ६३ हजार ६५३ विद्यार्थी परीक्षा देणार आहेत. मागील वर्षी १४ लाख विद्यार्थ्यांनी नोंदणी केली होती, त्यापैकी १२.४७ लाख विद्यार्थ्यांनी प्रत्यक्ष परीक्षा दिली होती.दरम्यान, यावर्षीपासून पीसीबी, पीसीएम आणि एमबीए/एमएमएस या अभ्यासक्रमांसाठी विद्यार्थ्यांना प्रथमच दोन संधी देण्यात आल्या आहेत. या तिन्ही अभ्यासक्रमांसाठी मिळून १३ लाख ४६ हजार १६१ विद्यार्थी परीक्षा देणार आहेत.

एमपीएड अभ्यासक्रमासाठी यंदा २५२५ विद्यार्थ्यांनी नोंदणी केली असून, त्यामध्ये १७८० पुरुष व ७४५ महिलांचा समावेश आहे. याशिवाय १९ अनाथ विद्यार्थीही परीक्षेला बसणार आहेत. मागील वर्षाच्या तुलनेत यंदा १४१ विद्यार्थ्यांची वाढ झाली आहे. २५ मार्च रोजी या अभ्यासक्रमाची क्षेत्रीय चाचणी ऑफलाईन पद्धतीने घेतली जाणार आहे. एकूणच, सीईटी परीक्षेसाठी विद्यार्थ्यांमध्ये उत्साहाचे वातावरण दिसून येत आहे.

CET परीक्षेबाबत महत्वाची बातमी! विद्यार्थ्यांना प्रथमच मिळणार….; कधी होणार परीक्षा?

प्रवेश परीक्षेस नोंदणी केलेले विद्यार्थी – 

वर्ष – एम. पी. एड.

२०२३-२४ – २०८८

२०२४-२५ – २६८६

२०२५-२६ – २३८४

२०२६-२७ -२५२५

सीईटी परीक्षेत गैरप्रकार रोखण्यासाठी सुधारित नियमावली जाहीर; कॉपी केल्यास…

CET परीक्षेबाबत महत्वाची बातमी!

राज्य सामाईक प्रवेश परीक्षेतर्फे घेण्यात येणाऱ्या शैक्षणिक वर्ष २०२६-२७ साठी पदवीपूर्व आणि पदव्युत्तर १७ व्यावसायिक अभ्यासक्रमांच्या प्रवेशासाठी सामाईक प्रवेश परीक्षा (सीईटी) दिनांक २४ मार्च ते १६ मे या कालावधीत घेण्यात येणार आहेत. यावर्षी प्रथमच सीईटी कक्ष विद्यार्थ्याला प्रवेश परीक्षेची एक अस्थायी आणि एक अंतिम अशी दोन प्रवेश पत्रे देणार आहे.