CLAT 2027: लॉ प्रवेश परीक्षेसाठी अर्ज करण्याची मुदत आज संपणार; ‘या’ तारखेला होणार परीक्षा

CLAT 2027 Eligibility & Pattern: CLAT 2027 ऑनलाइन नोंदणीची अंतिम तारीख आज ३१ ऑक्टोबर आहे. परीक्षा ६ डिसेंबर २०२६ रोजी होणार असून अर्ज प्रक्रिया, पात्रता व फीबद्दल जाणून घ्या सविस्तर..

• लॉ प्रवेश परीक्षेसाठी अर्ज करण्याची मुदत आज संपणार
• ६ डिसेंबरला होणार परीक्षा
• क्लॅट UG परीक्षेमध्ये negative marking पद्धत आहे का?

CLAT 2027 Eligibility & Pattern: देशातील नामांकित नॅशनल लॉ युनिव्हर्सिटीज (NLUs) मध्ये प्रवेश घेण्याचे स्वप्न पाहणाऱ्या विद्यार्थ्यांसाठी अत्यंत महत्त्वाची अपडेट आहे. कॉमन लॉ ॲडमिशन टेस्टसाठी (CLAT) ऑनलाइन नोंदणी प्रक्रिया बंद होण्याची अंतिम तारीख आज ३१ ऑक्टोबर आहे. ज्या इच्छुक उमेदवारांनी अद्याप अर्ज केलेला नाही, ते अधिकृत वेबसाइटवर जाऊन आज रात्रीपर्यंत आपला फॉर्म आणि अर्ज शुल्क जमा करू शकतात. ‘कन्सोर्टियम ऑफ नॅशनल लॉ युनिव्हर्सिटीज’ तर्फे आयोजित केली जाणारी ही परीक्षा देशभरातील विविध संस्थांमध्ये ५ वर्षांच्या इंटीग्रेटेड एलएलबी आणि १ वर्षाच्या एलएलएम कोर्समध्ये प्रवेशाचा मुख्य मार्ग आहे.

क्लॅट यूजी २०२७ आणि क्लॅट पीजी २०२७

क्लॅटमध्ये प्रवेशासाठी उमेदवारांनी कोणत्याही मान्यताप्राप्त बोर्डातून १२ वीची परीक्षा उत्तीर्ण केलेली असावी. तसेच जनरल, ओबीसी आणि इतर मागास प्रवर्गातील उमेदवारांसाठी किमान ४५ टक्के गुण अनिवार्य आहेत. याशिवाय एससी आणि एसटी प्रवर्गातील उमेदवारांसाठी किमान ४० टक्के गुण निश्चित करण्यात आले आहेत. या परीक्षेसाठी कोणतीही कमाल वयोमर्यादा ठरवण्यात आलेली नाही.

क्लॅट पीजीसाठी उमेदवाराकडे कोणत्याही मान्यताप्राप्त विद्यापीठातून एलएलबी किंवा त्यासमकक्ष पदवी असणे आवश्यक आहे. तसेच खुल्या प्रवर्गासाठी किमान ५० टक्के गुण आणि एससी, एसटी प्रवर्गासाठी ४५ टक्के गुण आवश्यक आहेत. पीजी कोर्ससाठीही कोणतीही वयोमर्यादा नाही.

किती द्यावे लागेल अर्ज शुल्क?

कन्सोर्टियमतर्फे वेगवेगळ्या प्रवर्गासाठी नोंदणी शुल्क वेगळे निश्चित केले गेले आहे. यामध्ये जनरल, ओबीसी, एनआरआय, पीआयओ आणि ओसीआय प्रवर्गातील उमेदवारांना ४,००० रुपये नोंदणी शुल्क द्यावे लागेल. तर एससी, एसटी, बीपीएल, पीडब्ल्यूडी श्रेणीतील उमेदवारांना ३,५०० रुपये जमा करावे लागतील. याशिवाय जुन्या प्रश्नपत्रिकांसाठी ५०० रुपये अतिरिक्त द्यावे लागतील. याचे पेमेंट फक्त ऑनलाइन पद्धतीनेच केले जाऊ शकते.

क्लॅट २०२७ साठी परीक्षा पॅटर्न

क्लॅट २०२७ पदवी प्रवेश परीक्षेत एकूण १२० बहुपर्यायी प्रश्न विचारले जातील, ज्यासाठी २ तासांचा वेळ मिळेल. प्रत्येक अचूक उत्तरासाठी १ गुण दिला जाईल, तर चुकीच्या उत्तरासाठी ०.२५ गुणांची नकारात्मक गुणपद्धती असेल. प्रश्नपत्रिकेत एकूण ५ विषय समाविष्ट असतील. यामध्ये इंग्रजी, चालू घडामोडी, लीगल रिझनिंग, लॉजिकल रिझनिंग आणि क्वांटिटेटिव्ह टेक्निक्स यांचा समावेश आहे.

Trainee IPS Officers: इतिहासात पहिल्यांदाच! कॅडर मिळण्यापूर्वी ट्रेनी IPS अधिकारी थेट गृह मंत्रालयाशी केले जोडले जाणार

ऑनलाइन अर्ज कसा करावा?

1. क्लॅट २०२७ साठी अर्ज करण्यासाठी सर्वप्रथम अधिकृत वेबसाइट consortiumofnlus.ac.in वर जा.

2. त्यानंतर होम पेजवर दिलेल्या ‘CLAT 2027 Registration’ च्या लिंकवर क्लिक करा.

3. आता तुमचा मोबाईल नंबर आणि ईमेल आयडी नोंदवून रजिस्ट्रेशन करा.

4. यानंतर मिळालेल्या लॉगिन क्रेडेंशियल्सच्या मदतीने लॉगिन करा आणि ऑनलाइन ॲप्लिकेशन फॉर्ममध्ये आपली माहिती भरा.

5. ठरवून दिलेल्या फॉरमॅट आणि साइजमध्ये आपला फोटो, स्वाक्षरी आणि इतर कागदपत्रे अपलोड करा.

6. त्यानंतर प्रवर्गानुसार ऑनलाइन पद्धतीने अर्ज शुल्क जमा करा.

7. आता फॉर्म सबमिट केल्यानंतर कन्फर्मेशन पेज डाउनलोड करा आणि ते सुरक्षित ठेवा.

UNESCO Report 2026: शिक्षणाबाबत अत्यंत धक्कादायक अहवाल! ९५ टक्के तरुणांना पूर्ण शिक्षण मिळायला २१०५ उजाडणार

६ डिसेंबरला होणार परीक्षा

क्लॅट २०२७ ची परीक्षा ६ डिसेंबर २०२६ रोजी आयोजित केली जाईल. ही परीक्षा दुपारी २ ते सायंकाळी ४ या वेळेत ऑफलाइन मोडमध्ये घेतली जाईल. ही परीक्षा एकाच सत्रात पार पडणार आहे.