सोमवार, 28 सप्टेंबर 2026
फोटो सौजन्य- सोशल मीडिया
Kotwal Bharti 2026 Amravati: अमरावती जिल्ह्यातील दर्यापूर तालुक्यात महसूल सेवक (कोतवाल) पदांच्या भरतीसाठी तहसलदार दर्यापूर यांच्या कार्यालयाकडून अधिकृत जाहीरनामा प्रसिद्ध करण्यात आला आहे. या भरती मोहिमेद्वारे तालुक्यात कोतवाल पदांची भरती केली जाणार असून, पात्र व इच्छुक उमेदवारांकडून विहित नमुन्यात अर्ज मागविण्यात येत आहेत.
महसूल सेवक पदासाठी इच्छुक उमेदवार किमान चौथी (४ थी) उत्तीर्ण असावा आणि त्यास मराठी भाषा लिहता व वाचता येणे आवश्यक आहे. अर्ज स्वीकारण्याच्या दिनांकास (२१ सप्टेंबर २०२६) उमेदवाराचे वय किमान १८ वर्षे आणि कमाल ४० वर्षे असावे. कोतवाल हे पद अवर्गीकृत असल्यामुळे सामाजिक, आर्थिक व महिला आरक्षण वगळता इतर कोणतीही वयोमर्यादेतील शिथिलता किंवा सवलत लागू असणार नाही. उमेदवार संबंधित सजाचा रहिवासी (अनेक गावे मिळून तयार झालेला एक महसुली गट किंवा क्षेत्र) असावा आणि नेमणुकीच्या गावी राहण्यास तयार असला पाहिजे.
KVIC Recruitment 2026: खादी व ग्रामोद्योग आयोगात ५० जागांवर भरती; लगेच करा ऑनलाईन अर्ज!
इच्छुक उमेदवारांनी आपला अर्ज आवश्यक त्या सर्व कागदपत्रांसह आणि ५ रुपयांच्या कोर्ट स्टॅम्प फीसह तहसीलदार दर्यापूर यांच्या कार्यालयात समक्ष (प्रत्यक्ष) सादर करावा.
अर्ज स्वीकारण्याची मुदत: दिनांक २ ऑक्टोबर २०२६ रोजी सकाळी ११:०० वाजल्यापासून ते दिनांक १७ ऑक्टोबर २०२६ रोजी सायंकाळी ६:१५ वाजेपर्यंत (सुट्टीचे दिवस वगळून) अर्ज स्वीकारले जातील. पोस्टाद्वारे किंवा ई-मेलद्वारे पाठविलेले अर्ज विचारात घेतले जाणार नाहीत.
UPSC Recruitment 2026: मोठी बातमी! UPSC तर्फे १३ रिक्त पदांवर थेट भरतीची; लगेच करा अर्ज!
पात्र ठरलेल्या उमेदवारांची १०० गुणांची वस्तुनिष्ठ बहुपर्यायी लेखी परीक्षा दिनांक ११ नोव्हेंबर २०२६ रोजी घेतली जाईल. परीक्षा इयत्ता चौथीच्या अभ्यासक्रमावर आधारित असेल. अर्ज शुल्काबाबत बोलायचे झाल्यास, खुल्या प्रवर्गातील उमेदवारांसाठी ५०० रुपये आणि मागासवर्गीय/ईडब्ल्यूएस उमेदवारांसाठी ३०० रुपये परीक्षा शुल्क आकारले जाईल.
