CA Intermediate Result: सीए इंटरमीडिएट परीक्षेचा निकाल जाहीर; ‘या’ सोप्या स्टेप्सने पाहा स्कोअरकार्ड

यंदाच्या CA परीक्षेच्या जाहीर आकडेवारीनुसार, ग्रुप – १ मध्ये ९१,२३७ विद्यार्थ्यांनी परीक्षा दिली होती. मात्र, यामधून केवळ ९,३५० विद्यार्थी उत्तीर्ण झाले आहेत. यावरून दिसून येते की, यंदाच्या परीक्षेची काठिण्य पातळी अधिक असून ठराविक विद्यार्थ्यांनाच यश मिळवणे शक्य झाले आहे.

तसेच यंदा ग्रुप -२ मधील विद्यार्थ्यांचे प्रदर्शन अधिक चांगले राहिले. या ग्रुपमध्ये  ६४,३८१  विद्यार्थ्यांनी परीक्षा दिली असून यामध्ये  १०,३७२ विद्यार्थ्यांना यश प्राप्त झाले आहे. यानुसार ग्रुप -२ मध्ये उत्तर्ण विद्यार्थ्यांची १६.११ टक्केवारी राहिली, जी सर्वात अधिक आहे. यावरून स्पष्ट  होते की, यंदा या ग्रुपमधील विद्यार्थ्यांचे उत्तम प्रदर्शन राहिले.

IIRF Rankings 2026: इंजिनिअरिंगला प्रवेश घ्यायचाय? मग पहा भारतातील ‘या’ टॉप १० प्रायव्हेट कॉलेजेसची ताजी रँकिंग यादी एकदा वाचाच..

ज्या विद्यार्थ्यांनी दोन्ही ग्रुपमधून परीक्षा दिली आहे. त्यांच्यासाठी ही परीक्षा अधिक कठिण होती. त्यामुळे ३३,३०४ विद्यार्थ्यांपैकी फक्त २,८२० विद्यार्थीच परीक्षा पास करू शकले असल्याचे दिसून आले. त्यामुळे ८.४७ टक्केवारी ही उत्तीर्ण विद्यार्थ्यांची असून ही आकडेवारी CA परीक्षेची काठिण्यपातळी आणि स्पर्धात्मकता दर्शवते.

टॉपर्सची यादी लवकरच जाहीर

ICAI ने स्पष्ट केले आहे की ऑल इंडिया रँक (AIR) मिळवणारे टॉपर्सची यादी लवकरच जाहीर केली जाईल. संस्थानाद्वारे विस्तृत मेरिट लिस्ट आणि इतर माहिती अधिकृत वेबसाइटवर जारी केली जाईल. त्यामुळे विद्यार्थ्यांनी सातत्याने वेबसाईटवर लक्ष द्यावे, असा सल्ला आयसीएआयकडून दिला गेला आहे.

‘SSC CGL’च्या उमेदवारांना मोठा दिलासा! अर्ज करण्याची मुदत वाढवली; जाणून घ्या नवीन तारीख

निकाल पाहण्याच्या सोप्या स्टेप्स

1) उमेदवाराने सर्वात आधी CA  इंटरमीडिएट रिजल्ट डाउनलोड करण्यासाठी ICAI च्या अधिकृत वेबसाइटवर जावे,

2) येथे ‘CA Intermediate Result May 2026’ लिंकवर क्लिक करावे. त्यानंतर त्यांनी आपला बैठक क्रमांक आणि रजिस्ट्रेशन क्रमांक किंवा पिन क्रमांक (PIN) भरावा.

3) सबमिट बटन दाबल्यानंतर रिजल्ट स्क्रीनवर दिसेल.

4) यामध्ये विद्यार्थी आपला स्कोरकार्ड डाउनलोड करू शकतात. तसेच भविष्यकालीन संदर्भांसाठी त्याची प्रिंटआउट काढून ठेऊ शकतात.