IIM Nagpur Recruitment 2026: आयआयएम नागपूरमध्ये ‘ज्युनियर एक्झिक्युटिव्ह’ पदांसाठी भरती जाहीर; ७ व्या वेतन आयोगानुसार मिळणार पगार!

IIM Nagpur Recruitment 2026: IIM नागपूर येथे ज्युनियर एक्झिक्युटिव्ह पदांसाठी अर्ज प्रक्रिया सुरू झाली आहे. ७ व्या वेतन आयोगानुसार पगार असून २७ ऑक्टोबर २०२६ पर्यंत ऑनलाईन अर्ज स्वीकारले जातील.

IIM Nagpur Recruitment 2026: इंडियन इन्स्टिट्यूट ऑफ मॅनेजमेंट (IIM) नागपूर येथे ‘ज्युनियर एक्झिक्युटिव्ह’ या पदासाठी पात्र आणि अनुभवी उमेदवारांकडून ऑनलाईन अर्ज मागवण्यात आले आहेत. या भरती प्रक्रियेद्वारे निवड झालेल्या उमेदवारांवर संस्थेच्या सामान्य प्रशासकीय जबाबदाऱ्या सोपवण्यात येणार आहेत.

शैक्षणिक पात्रता आणि अनुभव:

या पदासाठी अर्जदार उमेदवार किमान पदवीधर असणे आवश्यक असून, पदव्युत्तर पदवी (मास्टर्स) असलेल्या उमेदवारांना प्राधान्य दिले जाईल. उमेदवाराकडे शैक्षणिक किंवा प्रशासकीय कामाचा (विशेषतः विद्यार्थी कल्याण विभागाचा) किमान ३ वर्षांचा अनुभव असावा. एमएस ऑफिस (MS Office) हाताळण्याचा प्रत्यक्ष अनुभव आणि प्राधान्याने संबंधित प्रमाणपत्र असणे आवश्यक आहे. आयआयटी, आयआयएम किंवा एनआयटीसारख्या नामांकित शैक्षणिक संस्थांमध्ये काम करण्याचा अनुभव असल्यास अतिरिक्त प्राधान्य दिले जाईल. अर्जदाराचे वय अर्जाच्या अंतिम तारखेपर्यंत ३५ वर्षांपेक्षा जास्त नसावे.

Central Bank of India Recruitment 2026: सेंट्रल बँक ऑफ इंडियात भरती जाहीर; थेट मुलाखतीद्वारे निवडीची संधी

जबाबदाऱ्या आणि काम:

निवड झालेल्या उमेदवाराला वसतिगृह, कँटीन, क्रीडा संकुल आणि आरोग्य केंद्राचे दैनंदिन प्रशासन सांभाळावे लागेल. याशिवाय विद्यार्थ्यांची शिष्यवृत्ती, वैद्यकीय विमा, क्लब व उपक्रमांचे नियोजन, अंदाजपत्रक (Budget) व प्रस्तावांचे प्रशासकीय काम आणि विविध विभागांशी समन्वय साधणे या प्रमुख जबाबदाऱ्या पार पाडाव्या लागतील.

वेतन आणि निवड प्रक्रिया:

निवड झालेल्या उमेदवाराला ७ व्या वेतन आयोगानुसार नियमित वेतनश्रेणी आणि संस्थेच्या नियमांनुसार भत्ते दिले जातील. सुरुवातीला २ वर्षांचा प्रोबेशन (प्रशिक्षण) कालावधी असेल. आवश्यकता भासल्यास कंत्राटी तत्त्वावरही नियुक्ती करण्याचा अधिकार संस्थेने राखून ठेवला आहे. उमेदवारांची निवड थेट मुलाखतीद्वारे होईल आणि केवळ शॉर्टलिस्ट केलेल्या उमेदवारांनाच पुढील प्रक्रियेची माहिती ईमेलद्वारे दिली जाईल.

Dhruv Rathee Love Story: ध्रुव राठी आणि त्याच्या पत्नीची फिल्मी लव्ह स्टोरी! नेमकी काय शिकलीये जुली? जाणून घ्या

अर्ज कसा करावा?

इच्छुक उमेदवारांनी आयआयएम नागपूरच्या अधिकृत संकेतस्थळावर जाऊन २७ ऑक्टोबर २०२६ (संध्याकाळी ५:०० वाजेपर्यंत) केवळ ऑनलाईन पद्धतीनेच अर्ज सादर करायचा आहे. ओबीसी, एससी/एसटी, दिव्यांग आणि आर्थिकदृष्ट्या दुर्बल घटकातील (EWS) महिला उमेदवारांना अर्जासाठी विशेष प्रोत्साहन देण्यात आले आहे.