सरकारी शाळांमध्ये विद्यार्थ्यांचा कल वाढतोय की कमी होतोय? छत्रपती संभाजीनगरातली प्रवेशसंख्या आश्चर्यकारक

छत्रपती संभाजीनगरातील मनपा शाळांमध्ये इयत्ता पहिलीच्या प्रवेश प्रक्रियेला उत्साहात सुरुवात झाली. पहिल्याच दिवशी तब्बल ८६५ विद्यार्थ्यांनी प्रवेश घेतला.

• छत्रपती संभाजीनगरातील शाळांमध्येही ही लगभग सुरु झाली आहे.
• पहिल्याच दिवशी तब्बल ८६५ विद्यार्थ्यांनी प्रवेश घेतला.
• मंगळवारी शहरातील ५० मनपा शाळांमध्ये ‘एक पाऊल पुढे’ हा उपक्रम राबविण्यात आला.

यंदाचा शैक्षणिक वर्ष संपला असून आता नव्या शैक्षणिक वर्षाला सुरुवात होईल. राज्यातील अनेक भागांमध्ये शाळांतील प्रवेश प्रक्रियेला सुरुवातही करण्यात आली आहे. विविध शाळा जसे की शासकीय किंवा खाजगी, प्रवेशप्रक्रियेच्या कामाला सुरुवात करत आहेत. छत्रपती संभाजीनगरातील शाळांमध्येही ही लगभग सुरु झाली आहे. छत्रपती संभाजी नगरात महापालिका शाळांमध्ये इयत्ता पहिलीच्या प्रवेश प्रक्रियेला उत्साहात सुरुवात झाली असून पहिल्याच दिवशी तब्बल ८६५ विद्यार्थ्यांनी प्रवेश घेतला. ‘एक पाऊल पुढे’ या उपक्रमांतर्गत आयुक्त अमोल येडगे यांच्या मार्गदर्शनाखाली मंगळवारी शहरातील ५० मनपा शाळांमध्ये हा उपक्रम राबविण्यात आला.

Panaah Communities : पनाह कम्युनिटीजच्या प्रभावाच्‍या माध्‍यमातून सामुदायिक जागांचे शैक्षणिक केंद्रांमध्ये रूपांतर

या मोहिमेचे उद्घाटन सिडको एन-७ येथील मनपा केंद्रीय प्राथमिक शाळेत महिला व बालकल्याण समिती सभापती शोभा बुरांडे, आरोग्य सभापती डॉ. सुनीता सोळुंके आणि नगरसेविका सुरेखा सानप यांच्या हस्ते विद्यार्थ्यांचे प्रवेश अर्ज भरून करण्यात आले. तसेच किराडपुरा, ब्रिजवाडी, सिडको एन-११, मुकुंदवाडी आदी भागांतील शाळांमध्ये स्थानिक लोकप्रतिनिधींच्या उपस्थितीत प्रवेश प्रक्रिया पार पडली.

छत्रपती संभाजीनगरातील महानगर पालिकेच्या शाळांमध्ये सुरू असलेल्या ‘स्मार्ट स्कूल टू बेस्ट स्कूल’ प्रकल्पामुळे पालकांचा कल वाढत असून अनेक शाळांमध्ये प्रवेशासाठी मोठी गर्दी दिसून आली. मागील वर्षी २० शाळांमध्ये क्षमतेपेक्षा अधिक प्रवेश झाल्यामुळे यंदा बालवाडी आणि अंगणवाडीतील विद्यार्थ्यांना प्रथम प्राधान्य देण्यात आले आहे.

मुंबई विद्यापीठात महामानवांच्या क्रांतिकारी विचारांचा जागर! भीमजयंतीनिमित्त विशेष उपक्रम 

दरम्यान, लांब अंतरावरून येणाऱ्या विद्यार्थ्यांसाठी सीएसआर निधीतून सायकल वाटप करण्याच्या सूचना आयुक्तांनी दिल्या आहेत. त्यामुळे विद्यार्थ्यांचा शाळेत ये-जा करण्याचा वेळ आणि अडचणी कमी होणार आहेत. पहिल्याच दिवशी मिळालेल्या उत्स्फूर्त प्रतिसादामुळे यंदाही मनपा शाळांमध्ये प्रवेशाची संख्या लक्षणीय वाढण्याची शक्यता व्यक्त केली जात आहे.