पुण्यात सरकारी नोकरीच्या शोधात आहात? PMCची बंपर भरती; ताबडतोब करा अर्ज

पुण्यात सरकारी नोकरीसाठी प्रयत्न करत आहात? तर हा लेख नक्की वाचा. मुळात, या भरती संबंधित अधिकृत अधिसूचना जाहीर करण्यात आली आहे. इच्छुक उमेदवारांनी या अधिसूचनेचा नक्की आढावा घेण्यात यावा.

फोटो सौजन्य - Social Media

Follow Us:

Follow Us:

पुणे महानगरपालिकेच्या भारतरत्न अटलबिहारी वाजपेयी वैद्यकीय महाविद्यालय व रुग्णालयात विविध रिक्त पदांसाठी भरती जाहीर करण्यात आली आहे. या भरतीतून प्राध्यापक, सहयोगी प्राध्यापक, सहाय्यक प्राध्यापक, वरिष्ठ निवासी आणि कनिष्ठ निवासी/शिक्षक या पदांवरील एकूण ५० रिक्त जागा भरल्या जाणार आहेत. या भरती प्रक्रियेसाठी इच्छुक आणि पात्र उमेदवारांना ऑफलाइन अर्ज करावा लागणार असून, २० फेब्रुवारी २०२५ रोजी मुलाखतींचे आयोजन करण्यात आले आहे. या मुलाखती भारतरत्न अटलबिहारी वाजपेयी वैद्यकीय महाविद्यालय व रुग्णालय, मंगळवार पेठ, पुणे – ४११०११ येथे पार पडतील.

बँक ऑफ बडोदाने दिली खुशखबर! ४००० उमेदवारांसाठी सुवर्णसंधी; अप्रेंटिस पदासाठी भरती

या भरती प्रक्रियेसाठी उमेदवारांना आवश्यक शैक्षणिक पात्रता पूर्ण करणे गरजेचे आहे. प्राध्यापक, सहयोगी प्राध्यापक, सहाय्यक प्राध्यापक आणि वरिष्ठ निवासी या पदांसाठी MD/MS/DNB ही शैक्षणिक पात्रता आवश्यक आहे, तर कनिष्ठ निवासी पदासाठी उमेदवारांकडे MBBS असणे बंधनकारक आहे. तसेच, उमेदवारांना ठरवलेल्या वयोमर्यादेत बसणे आवश्यक आहे. प्राध्यापक पदासाठी खुल्या प्रवर्गासाठी कमाल वयोमर्यादा ५० वर्षे आणि मागास प्रवर्गासाठी ५५ वर्षे आहे. सहयोगी प्राध्यापकांसाठी खुल्या प्रवर्गासाठी ४५ वर्षे आणि मागास प्रवर्गासाठी ५० वर्षे, सहाय्यक प्राध्यापकांसाठी अनुक्रमे ४० आणि ४५ वर्षे, वरिष्ठ निवासीसाठी ३८ आणि ४३ वर्षे, तर कनिष्ठ निवासी पदासाठी ३८ आणि ४३ वर्षे वयोमर्यादा निश्चित करण्यात आली आहे.

नियुक्त उमेदवाराला त्याच्या पदानुसार ठरवलेले मासिक वेतन प्रदान करण्यात येणार आहे. प्राध्यापक पदासाठी ₹१,८५,००० मासिक वेतन मिळेल, तर सहयोगी प्राध्यापक पदावर नियुक्त होणाऱ्या उमेदवाराला ₹१,७०,००० इतके मासिक वेतन दिले जाणार आहे. सहाय्यक प्राध्यापकासाठी ₹१,००,०००, वरिष्ठ निवासी पदासाठी ₹८०,२५०, आणि कनिष्ठ निवासी पदासाठी ₹६४,५५१ इतके वेतन निश्चित करण्यात आले आहे. उमेदवारांच्या शैक्षणिक पात्रता, अनुभव आणि नियुक्त पदाच्या जबाबदाऱ्या लक्षात घेऊन हे वेतनमान ठरवलेले आहे. तसेच, नियुक्त उमेदवारांना इतर महत्त्वाच्या भत्त्यांचे आणि सुविधांचे लाभही मिळू शकतात.

फक्त दहावी शिकलात? तरीही मिळेल High paying Salary, संधी गमावू नका!

या भरतीसाठी अर्ज करण्याची संपूर्ण प्रक्रिया ऑफलाइन पद्धतीने होणार आहे. इच्छुक उमेदवारांना आवश्यक त्या शैक्षणिक व अन्य कागदपत्रांसह, दिलेल्या वेळेत आणि ठिकाणी प्रत्यक्ष उपस्थित राहावे लागणार आहे. उमेदवारांनी अर्ज करण्यापूर्वी भरतीशी संबंधित सर्व अटी व शर्ती काळजीपूर्वक वाचाव्यात. पुणे महानगरपालिकेने या भरतीसंबंधी अधिकृत अधिसूचना जाहीर केली असून, त्यामध्ये भरती प्रक्रियेचे सविस्तर मार्गदर्शन आणि आवश्यक अटी नमूद आहेत. त्यामुळे, उमेदवारांनी या अधिसूचनेचा बारकाईने आढावा घ्यावा आणि त्यानुसार तयारी करावी. भरतीसंबंधी अधिक माहिती, पात्रता निकष, अर्ज प्रक्रिया आणि इतर महत्त्वाचे तपशील जाणून घेण्यासाठी पुणे महानगरपालिकेच्या अधिकृत संकेतस्थळाला (https://www.pmc.gov.in/) भेट देणे गरजेचे आहे.

Web Title: Looking for a government job in pmc

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com