Maharashtra CET 2027: विद्यार्थ्यांना मोठा दिलासा! यंदा डिसेंबरमध्ये CET होणार नाही; उच्च व तंत्रशिक्षण विभागाचा निर्णय

Maharashtra CET 2027: इंजिनिअरिंग आणि फार्मसी प्रवेशासाठी घेतल्या जाणाऱ्या सीईटी परीक्षेबाबत राज्य सरकारने महत्त्वाचा निर्णय घेतला आहे. २०२७-२८ या शैक्षणिक वर्षासाठी डिसेंबर २०२६ मध्ये सीईटीचा पहिला पेपर घेण्याचे नियोजन होते.

सीईटी देणाऱ्या विद्यार्थ्यांसाठी मोठी अपडेट समोर आली. राज्य सरकारने आपला निर्णय बदलला. इंजिनिअरिंग आणि फार्मसीच्या प्रवेशासाठी दिली जाणारी सीईटी परीक्षा वर्षातून दोनदा घेण्यात येईल. जी सीईटी दिली जाते, ती आता वर्षातून दोन-वेळा दिली जाईल. राज्य सरकारने आपला एक निर्णय बदलला आहे. इंजिनिअरिंग आणि फार्मसीच्या प्रवेशासाठी सीईटी होते, आता ती सीईटी वर्षातून दोनदा घेतली जाते.

परंतू सरकारने डिसेंबरचा पेपर घेणार नाही असं जाहीर केलं आहे. उच्च आणि तंत्रशिक्षण खात्याकडून आलेल्या माहितीनुसार, परीक्षा दोनदा होणार हा निर्णय कायम ठेवला आहे. या दोन्ही परीक्षा बारावीनंतर होतात. सीईटी सेलने ही या गोष्टीला समर्थन दिले आहे. Maharashtra CET 2027:

आधी काय नियोजन होतं?

2026-27 पासून सरकारने सीईटी परीक्षा दोनवेळा घेण्यास सुरुवात केली. याचा फायदा असा की मुलांना परीक्षा देण्याची दोनदा संधी मिळते. दोन पेपरपैकी ज्यात जास्त मार्क पडतील तेच मार्क प्रवेशप्रक्रियेसाठी ग्राह्य धरले जातील. पहिल्यावर्षी हा निर्णय थोडा उशिरा घेण्यात आल्याने दोन्ही पेपर हे एप्रिल आणि मे महिन्यात घ्यावे लागले. मात्र पुढच्या वर्षी 2027-28 साठी वेगळा विचार सुरु आहे. पहिली सीईटी डिसेंबर 2026 ला आणि दुसरी एप्रिल 2027 ला घ्यायची असं सीईटी कक्षाने ठरवली आहे कारण जेईई पण अशाच पद्धतीने दोन सेशनमध्ये होते, त्यामुळे सीईटी सुद्धा दोन सेशनमध्ये घेण्याचा विचार सुरु आहे.

Konkan Railway Recruitment 2026: रेल्वेत नोकरीची संधी! कोकण रेल्वे कॉर्पोरेशनमध्ये ‘या’ विविध पदांसाठी भरती

ग्रामीण भागातील पालकांचा विरोध

डिसेंबरच्या पेपरला गावाकडच्या भागातून जोरदार विरोध झाला. धाराशिव, नंदुरबार, चंद्रपूर इथल्या पालकांनी आणि क्लास चालवणाऱ्या शिक्षकांनी सरकारला पत्र लिहित म्हणाले की, हा निर्णय मुंबई-पुण्यातल्या मोठ्या क्लासेसचा विचार करुन घेण्यात आला.

गावाकडे जेईई देणाऱ्या मुलांची संख्या फार कमी असते, दरम्यान बारावीचा अभ्यासक्रम डिसेंबरपर्यंत पूर्ण होत नाही. अशावेळी मुलांवर दबाब येईल. अजून अभ्यासच झाला नाही तर पेपर कसा देणार? हा आमच्या मुलांवर अन्याय आहे, असं पालकांचे म्हणणं आहे.

NMC Guidelines: ‘१००% खात्रीशीर उपचारांचे’ दावे आता पडणार महागात; NMC च्या नव्या गाईडलाईन्समुळे भ्रामक जाहिरातींना चाप

मग आता नवीन काय?

या सगळ्या तक्रारी आल्यानंतर सरकारने शिक्षण तज्ज्ञांचे मत मागवले. सगळ्यांशी चर्चा केल्यानंतर अखेर डिसेंबरची परीक्षा रद्द करण्याचा निर्णय घेतला. यापुढे दोन्ही सीईटी बारावीच्या परीक्षेनंतरच होईल. एक परीक्षा मार्च-एप्रिलमध्ये आणि दुसरी एप्रिल-मे मध्ये घेतली जाईल. दोन्ही पेपरमध्ये साधारण एक महिन्याचं अंतर ठेवलं जाईल. दोन्हीपैकी जास्त मार्क असलेला पेपर ग्राह्य धरला जाईल हा नियम तसाच ठेवण्याच आला आहे. विद्यार्थ्यांनी आधी बोर्डची परीक्षा शांत डोक्याने द्यावी आणि त्यानंतर सीईटीच्या परीक्षेची तयारी करावी.