mahavitaran
Mahavitaran Hingoli Bharti 2026: महावितरणच्या हिंगोली मंडळ कार्यालयांतर्गत २०२६-२७ या वर्षासाठीच्या शिकाऊ उमेदवार भरती प्रक्रियेमध्ये प्रशासकीय परिपत्रकानुसार मोठा बदल करण्यात आला असून, याविषयीचे शुध्दीपत्रक जाहीर करण्यात आले आहे. यापूर्वी १ ऑगस्ट २०२६ रोजी प्रसिद्ध करण्यात आलेल्या जाहिरातीनुसार वीजतंत्रीच्या ४० आणि तारतंत्रीच्या ४० अशा एकूण ८० जागांसाठी अर्ज मागवण्यात आले होते. मात्र, महावितरण कंपनीच्या ४ ऑगस्ट २०२६ रोजीच्या सुधारीत प्रशासकीय परिपत्रकानुसार मंजुर पदांच्या ५ टक्के मर्यादेचे नियम लागू करण्यात आल्यामुळे, आता ही भरती ८० ऐवजी केवळ ३२ पदांवर म्हणजेच वीजतंत्रीच्या १६ आणि तारतंत्रीच्या १६ जागांवर केली जाणार आहे.
या बदलासोबतच, २०२४-२६ या शैक्षणिक वर्षातील वीजतंत्री व तारतंत्री शाखेचा निकाल १० ऑगस्ट २०२६ रोजी लागल्याने, नव्याने उत्तीर्ण झालेल्या विद्यार्थ्यांना संधी देण्यासाठी भरती प्रक्रियेला मुदतवाढ देण्यात आली आहे. पात्र व इच्छुक उमेदवारांना २ सप्टेंबर २०२६ ते ३ सप्टेंबर २०२६ (रात्री १२ वाजेपर्यंत) www.apprenticeshipindia.org या संकेतस्थळावर जाऊन आस्थापना कोड E02172700057 द्वारे ऑनलाइन अर्ज सादर करण्याचे आवाहन करण्यात आले आहे. विशेष म्हणजे, ज्या विद्यार्थ्यांनी ३ ऑगस्ट ते ७ ऑगस्ट २०२६ या काळात यापूर्वीच अर्ज केला आहे, त्यांना पुन्हा अर्ज करण्याची गरज नाही त्यांचे जुने अर्ज ग्राह्य धरले जातील.
ऑनलाइन अर्ज केलेल्या उमेदवारांना त्यांची सर्व मूळ कागदपत्रे आणि साक्षांकित छायाप्रती (शैक्षणिक प्रमाणपत्र, आयटीआय गुणपत्रक, सनद, एसएससी सनद, जातीचा दाखला, आधारकार्ड, रहिवासी दाखला इत्यादी) घेऊन २ सप्टेंबर ते ४ सप्टेंबर २०२६ या कालावधीत सकाळी १०:३० ते सायंकाळी ५:०० वाजेपर्यंत स्वतः महावितरण मंडळ कार्यालय, हिंगोली येथे उपस्थित राहणे बंधनकारक आहे. कागदपत्रे पडताळणीसाठी उपस्थित न राहणाऱ्या किंवा इतर मार्गाने अर्ज करणाऱ्या उमेदवारांचा विचार केला जाणार नाही. या भरतीबाबतचे इतर सर्व नियम आणि अटी पूर्ववत राहतील.
NEET PG नंतर कोणती मेडिकल ब्रँच देते सर्वाधिक पगार? जाणून घ्या टॉप-५ हाय-पेइंग स्पेशलायझेशन!
.png "Videos"){kind=small}
