शनिवार, 31 ऑक्टोबर 2026
फोटो सौजन्य- सोशल मीडिया
NEET SS 2026 Registration: मेडिकलचे शिक्षण केवळ एमबीबीएस किंवा एमडी/एमएस पर्यंत मर्यादित नाही. एखाद्या विशिष्ट अवयवाच्या किंवा आजाराच्या उपचारांमध्ये प्राविण्य मिळवणाऱ्या व्यक्तीला ‘सुपर स्पेशलिस्ट’ म्हटले जाते. देशातील प्रमुख वैद्यकीय संस्थांमध्ये डॉक्टरेट ऑफ मेडिसिन, मास्टर ऑफ चिरुर्गी (MCh) आणि डॉ. एनबी (DrNB) यांसारख्या प्रतिष्ठित सुपर स्पेशलिटी कोर्सेसमध्ये प्रवेश घेण्यासाठी नॅशनल एलिजिबिलिटी कम एंट्रेंस टेस्ट-सुपर स्पेशलिटी म्हणजेच ‘नीट एसएस’ (NEET SS) परीक्षा घेतली जाते.
नॅशनल बोर्ड ऑफ परीक्षा इन मेडिकल सायन्सेस (NBEMS) ने नीट एसएस २०२६ साठी नोंदणी प्रक्रिया सुरू केली आहे. इच्छुक उमेदवार १८ नोव्हेंबर २०२६ पर्यंत ऑनलाइन अर्ज करू शकतात. नीट एसएस २०२६ ची परीक्षा ११ आणि १२ डिसेंबर २०२६ रोजी कॉम्प्युटर आधारित मोडमध्ये होईल. मेडिकल पीजीचे शिक्षण पूर्ण केलेल्या हजारो डॉक्टरांसाठी ही परीक्षा त्यांच्या करिअरमधील सर्वात मोठा टर्निंग पॉईंट ठरते. नीट एसएस २०२६ चा अर्ज natboard.edu.in या वेबसाइटवर भरता येईल.
नीट एसएस ही राष्ट्रीय स्तरावरील प्रवेश परीक्षा आहे. यादरम्यान एमडी, एमएस किंवा डीएनबी पास केलेल्या डॉक्टरांना डीएम आणि एमसीएच (MCh) सारख्या सुपर स्पेशलिटी कोर्सेसमध्ये प्रवेश मिळतो. भारतातील जवळपास १५६ हून अधिक वैद्यकीय महाविद्यालये आणि संस्थांमध्ये २,४०० हून अधिक सुपर स्पेशलिटी जागांसाठी याच परीक्षेचे गुण आणि मेरीट लिस्टमधून काऊन्सलिंग होते. सामान्य सर्जनमधून न्यूरोसर्जन किंवा सामान्य फिजिशियनमधून कार्डिओलॉजिस्ट बनण्यासाठी नीट एसएस परीक्षा देणे बंधनकारक आहे.
नीट एसएस देण्यासाठी कोणत्याही मान्यताप्राप्त वैद्यकीय महाविद्यालयातून किंवा विद्यापीठातून संबंधित विषयात पोस्ट ग्रॅज्युएट पदवी म्हणजेच MD, MS, DNB किंवा समतुल्य पात्रता असणे अनिवार्य आहे. बोर्डाच्या नियमांनुसार, उमेदवाराचा पीजी कोर्स १८ नोव्हेंबर २०२६ रोजी किंवा त्यापूर्वी पूर्ण झालेला असावा. उमेदवाराचे नॅशनल मेडिकल कमिशन किंवा संबंधित राज्य वैद्यकीय परिषदेत स्थायी किंवा तात्पुरते नोंदणी असणे देखील आवश्यक आहे. याची पावती परीक्षा केंद्रावर दाखवावी लागते.
वैद्यकीय क्षेत्रातील या सर्वोच्च परीक्षेचे सर्वात मोठे वैशिष्ट म्हणजे NBEMS ने नीट एसएससाठी कोणतीही कमाल किंवा किमान वयोमर्यादा ठरवलेली नाही. शैक्षणिक पात्रता आणि नोंदणीची अट पूर्ण करणारे कोणत्याही वयाचे डॉक्टर नीट एसएस परीक्षा देऊ शकतात. नीट एसएस परीक्षेला बसण्याच्या प्रयत्नांच्या संख्येवरही कोणतेही बंधन नाही. डॉक्टरांना जेव्हा वाटेल तेव्हा ते त्यांचे ज्ञान आणि कौशल्य वाढवण्यासाठी ही परीक्षा देऊ शकतात.
नीट एसएस परीक्षा कॉम्प्युटर बेस्ड टेस्ट (CBT) मोडमध्ये होते. यामध्ये एकूण १५० बहुपर्यायी प्रश्न (MCQs) विचारले जातात. हे सोडवण्यासाठी २ तास ३० मिनिटे दिली जातात. प्रश्नपत्रिका ५०-५० प्रश्नांच्या ३ सेक्शनमध्ये विभागली जाते. प्रत्येक सेक्शनसाठी ५० मिनिटांचा निश्चित वेळ असतो. बरोबर उत्तरासाठी +४ गुण मिळतात, तर चुकीच्या उत्तरासाठी १ गुणाची निगेटिव्ह मार्किंग केली जाते. नीट एसएस परीक्षा पास होण्यासाठी किमान ५० पर्सेंटाईल गुण मिळवावे लागतात. त्यानंतर उमेदवार ऑल इंडिया काऊन्सलिंगसाठी पात्र ठरतात.
CBSE Rule Changes: सीबीएसईच्या नियमात ७ महिन्यात तब्बल ६ वेळा बदल; विद्यार्थी आणि पालक संभ्रमात!
नीट एसएस २०२६ परीक्षेसाठी खालील स्टेप्सच्या माध्यमातून अर्ज करू शकता:
१. अधिकृत वेबसाइट natboard.edu.in ला भेट द्या.
२. आता होमपेजवरील NEET SS 2026 टॅबवर क्लिक करा.
३. नवीन नोंदणी (New Registration) लिंकवर क्लिक करा.
४. फोन नंबर आणि ईमेल आयडीसारख्या वैयक्तिक तपशीलांद्वारे परीक्षेसाठी नोंदणी करा.
५. तपशील सबमिट केल्यानंतर, नोंदणीकृत ईमेल आयडीवर युजर आयडी आणि पासवर्ड पाठवला जाईल.
६. आता पोर्टलवर लॉगिन करा. वैयक्तिक आणि शैक्षणिक तपशील भरून अर्ज पूर्ण करा.
७. तपशील भरल्यानंतर निर्धारित फॉर्मेटमध्ये आवश्यक कागदपत्रे अपलोड करा.
८. कागदपत्रे अपलोड केल्यानंतर उमेदवारांना नीट एसएस परीक्षा केंद्राचे प्राधान्य भरावे लागेल.
९. अर्ज शुल्काचा भरणा करून अर्ज सबमिट करा.
१०. कन्फर्मेशन पेज डाउनलोड करा आणि भविष्यातील संदर्भासाठी ते सेव्ह करा.
नीट एसएस २०२६ अर्ज भरताना खालील कागदपत्रांची आवश्यकता असते:
Ans: इच्छुक उमेदवार १८ नोव्हेंबर २०२६ पर्यंत ऑनलाईन अर्ज करू शकतात.
Ans: नीट एसएस २०२६ ची परीक्षा आगामी ११ आणि १२ डिसेंबर २०२६ रोजी कॉम्प्युटर आधारित (CBT) मोडमध्ये होईल.
Ans: उमेदवार अधिकृत वेबसाइट natboard.edu.in वर जाऊन अर्ज करू शकतात.
