NIC Recruitment 2026: नॅशनल इन्फॉर्मेटिक्स सेंटरमध्ये ३७६ पदांसाठी मेगा भरती, ‘या’ स्कोअरवर होणार थेट निवड

NIC Recruitment 2026: इलेक्ट्रॉनिक्स आणि माहिती तंत्रज्ञान मंत्रालयांतर्गत NIC मध्ये सायंटिफिक/टेक्निकल असिस्टंट-ए पदांसाठी अर्ज सुरू आहेत. पात्रता, वेतन आणि ३० सप्टेंबर २०२६ पर्यंतच्या अर्ज प्रक्रियेची संपूर्ण माहिती येथे वाचा.

NIC Recruitment 2026:  इलेक्ट्रॉनिक्स आणि माहिती तंत्रज्ञान मंत्रालय, भारत सरकारच्या अंतर्गत येणाऱ्या नॅशनल इन्फॉर्मेटिक्स सेंटरने देशभरातील पात्र उमेदवारांसाठी एक महत्त्वपूर्ण भरती जाहिरात प्रसिद्ध केली आहे. या जाहिरातीनुसार ‘सायंटिफिक/टेक्निकल असिस्टंट-ए’ (Scientific/Technical Assistant-A) या गट-ब (राजपत्रित नसलेल्या) पदांसाठी थेट भरतीद्वारे अर्ज मागवण्यात आले आहेत. या पदांसाठी निवड प्रक्रियेत उमेदवारांना लेव्हल-६ (रु. ३५,४०० ते रु. १,१२,४००) नुसार वेतन मिळणार आहे.

एकूण ३७६ रिक्त जागा भरण्यासाठी ही प्रक्रिया राबवली जात असून, यात संगणक विज्ञान आणि माहिती तंत्रज्ञान विभागासाठी ३०० पदे, इलेक्ट्रॉनिक्स अँड कम्युनिकेशन इंजिनिअरिंग विभागात २६ पदे आणि डेटा सायन्स अँड आर्टिफिशियल इंटेलिजन्स विभागात ५० पदे उपलब्ध आहेत.

शैक्षणिक पात्रता आणि वयोमर्यादा

या भरतीसाठी अर्ज करू इच्छिणाऱ्या उमेदवारांकडे मान्यताप्राप्त विद्यापीठाची संबंधित शाखेतील अभियांत्रिकी पदवी (B.E./B.Tech), MCA किंवा M.Sc./MS पदवी असणे आवश्यक आहे. तसेच, उमेदवारांनी २०२४, २०२५ किंवा २०२६ मधील वैध गेट परीक्षा उत्तीर्ण केलेली असावी, ज्यासाठी अनुक्रमे CS, EC आणि DA हे पेपर कोड लागू राहतील.

Major Rishabh Singh: राष्ट्रपतींचे माजी ADC मेजर ऋषभ सिंह सांब्याल यांनी सैन्यातून अकाली निवृत्ती का घेतली? जाणून घ्या

या पदांसाठी उमेदवारांना कोणताही अनुभव असण्याची गरज नाही. खुला आणि आर्थिकदृष्ट्या दुर्बल घटकातील उमेदवारांसाठी कमाल वयोमर्यादा ३० वर्षे निश्चित करण्यात आली असून, आरक्षित प्रवर्गातील उमेदवारांना नियमांनुसार वयात सूट देण्यात आली आहे.

अर्ज करण्याची अंतिम तारिख

ऑनलाइन अर्ज करण्याची प्रक्रिया १ सप्टेंबर २०२६ रोजी सकाळी १०:०० वाजता सुरू झाली असून, अर्ज करण्याची अंतिम तारीख ३० सप्टेंबर २०२६ रोजी संध्याकाळी ५:३० वाजेपर्यंत आहे. अर्ज करण्यासाठी जनरल आणि ओबीसी प्रवर्गातील उमेदवारांना ८०० रुपये शुल्क आकारावे लागेल, तर एससी, एसटी, दिव्यांग आणि सर्व महिला उमेदवारांसाठी अर्ज शुल्क माफ करण्यात आले आहे.

Yogesh Soman Workshop: साहित्यात अनुभवांना असते अनन्यसाधारण महत्त्व; अभिनेते योगेश सोमण यांचे प्रतिपादन

इच्छुक आणि पात्र उमेदवार अधिकृत संकेतस्थळ recruitment.nic.in वर जाऊन ऑनलाइन अर्ज करू शकतात. उमेदवारांची निवड प्रामुख्याने वैध गेट स्कोअरच्या आधारावर तयार केलेल्या मेरीट लिस्टद्वारे केली जाईल. तांत्रिक सहाय्यक पदाच्या या सुवर्णसंधीचा लाभ घेण्यासाठी उमेदवारांनी अंतिम मुदतीपूर्वी अर्ज करण्याचे आवाहन करण्यात आले आहे.