PCMC News: डॉक्टरांसाठी खूशखबर! वायसीएम रुग्णालयातील प्राध्यापक पदांची भरती; मुलाखतीपूर्वी कागदपत्र पडताळणी होणार

PCMC News: पीसीएमसी पदव्युत्तर संस्था आणि वायसीएम रुग्णालयातील सहयोगी व सहाय्यक प्राध्यापक पदांच्या अर्जासंदर्भात महत्त्वाची सूचना देण्यात आली आहे. ६ ते ९ ऑक्टोबर २०२६ दरम्यान कागदपत्रे सादर करण्याचे आवाहन करण्यात आले आहे.

• पिंपरी चिंचवड महानगरपालिकेच्या यशवंतराव चव्हाण स्मृती रुग्णालयात भरती
• ‘या’ पदांसाठी भरती जाहीर
• ‘या’ तारखेपर्यंत कागदपत्र पडताळणी होणार

PCMC News: पिंपरी चिंचवड महानगरपालिकेच्या पदव्युत्तर संस्था आणि यशवंतराव चव्हाण स्मृती (वायसीएम) रुग्णालयातील अस्थायी आस्थापनेवर करार किंवा एकत्रित ठोक मानधनावरील हंगामी स्वरूपाच्या पदांसाठी जाहिरात क्रमांक १५३/२०२६ प्रसिद्ध करण्यात आली होती. या पदांसाठी मंजूर पदसंख्येपेक्षा अधिक अर्ज प्राप्त झाल्यामुळे, उमेदवारांनी अर्जात भरलेल्या शैक्षणिक आणि अनुभवाच्या माहितीची खातरजमा करण्यासाठी कागदपत्रे सादर करण्याचे निर्देश देण्यात आले आहेत.

महत्त्वाचे वेळापत्रक आणि स्थळ:

ज्या उमेदवारांनी सहयोगी प्राध्यापक आणि सहाय्यक प्राध्यापक या पदासाठी अर्ज केले आहेत. त्यांनी दिनांक ६ ऑक्टोबर २०२६ ते ९ ऑक्टोबर २०२६ पर्यंत सकाळी १०:०० ते सायंकाळी ६:०० पर्यंत कागदपत्रे सादर करायची आहेत. तरी इच्छुक उमेदवारांनी त्यांच्या पात्रतेसंबधी पुणे जिल्ह्यातील पिंपरी येथील संत तुकारामनगर परिसरातील यशवंतराव चव्हाण स्मृती रुग्णालयतील पदव्युत्तर संस्था, चाणाक्य कार्यालयातील पहिला मजला येथे कागदपत्रे सादर करावयाची आहेत.

NEET PG 2026: शून्य किंवा निगेटिव्ह गुण मिळवलेल्यांनाही प्रवेश मिळणार का? पात्रता पर्सेंटाईलवरून पुन्हा पेटला वाद!

महत्त्वाच्या टीपा व निर्देश:

१. उमेदवारांनी ऑनलाईन केलेल्या अर्जाची प्रत आणि त्यासोबत सर्व शैक्षणिक अर्हतेची मूळ कागदपत्रे, अनुभव प्रमाणपत्रे, प्रकाशन प्रत आणि इतर आवश्यक प्रमाणपत्रांसह त्यांची एक साक्षांकित छायांकित प्रत सोबत आणणे बंधनकारक आहे.

२. अर्जात नमूद केलेल्या माहितीनुसार वयोमानाचा दाखला, आधार कार्ड, एसएससी/एचएससी प्रमाणपत्र, पदवी व पदव्युत्तर पदवी प्रमाणपत्रे, वैद्यकीय परिषदेची (MMC) नोंदणी व नूतनीकरण, जात प्रमाणपत्र, जात वैधता प्रमाणपत्र, अनुभव प्रमाणपत्रे, संशोधन प्रकाशने आणि इतर पात्रतेची कागदपत्रे पडताळणीसाठी सादर करणे आवश्यक आहे.

Pimpri Chinchwad News: ITI पास तरुणांसाठी खूशखबर! वीजतंत्री ट्रेडसाठी २३ जागांवर भरती, ‘या’ तारखेपर्यंत अर्ज करा

३. जाहिरात क्र. १५३/२०२६ अंतर्गत अर्ज केलेल्या सर्व पात्र उमेदवारांनी वरील कालावधीत आपली कागदपत्रे विहित स्थळी जमा करून मुलाखतीकरिता निर्धारित केलेल्या तारखेस समक्ष उपस्थित राहावे, असे आवाहन अधिक्षता डॉ. राजेंद्र बावळे यांनी केले आहे.