Image
PM-USP Scholarship Renewal 2026: कॉलेज आणि विद्यापीठांमध्ये शिक्षण घेत असलेल्या देशातील गुणवंत विद्यार्थ्यांसाठी एक अत्यंत महत्त्वाची बातमी समोर आली आहे. शिक्षण मंत्रालयाद्वारे राबवल्या जाणाऱ्या प्रधानमंत्री उच्चतर शिक्षा प्रोत्साहन (PM-USP) योजनेच्या २०२६-२७ या वर्षाच्या रिन्यूअलची प्रक्रिया नॅशनल स्कॉलरशिप पोर्टलवर सुरू झाली आहे. ज्या विद्यार्थ्यांना मागील वर्षी ही स्कॉलरशिप मिळाली होती, त्यांना त्यांची आर्थिक मदत चालू ठेवण्यासाठी लवकरात लवकर रिन्यूअल फॉर्म भरावा लागेल. सरकारने या योजनेअंतर्गत ऑनलाइन अर्ज करण्याची अंतिम तारीख ३१ ऑक्टोबर २०२६ निश्चित केली आहे, त्यामुळे वेळेत आपला अर्ज नक्की जमा करा.
ही स्कॉलरशिप पुढेही चालू ठेवण्यासाठी विद्यार्थ्यांना काही महत्त्वाचे नियम व अटी पूर्ण कराव्या लागतील. रिन्यूअलसाठी हे आवश्यक आहे की विद्यार्थ्याने आपला फुल-टाईम अभ्यासक्रम सुरू ठेवावा. यासोबतच, विद्यार्थ्याने मागील वार्षिक किंवा सत्र (सेमिस्टर) परीक्षेत किमान ५० टक्के गुण मिळवलेले असावेत आणि कॉलेजमधील त्याची उपस्थिती किमान ७५ टक्के असणे आवश्यक आहे. अभ्यासाच्या प्रवाहात कोणत्याही ठोस कारणाशिवाय खंड पडलेला नसावा आणि विद्यार्थी सरकारच्या इतर कोणत्याही योजनेअंतर्गत फी माफी किंवा इतर छात्रवृत्तीचा लाभ घेत नसावा.
Kotwal Recruitment 2026: रायगडमधील मुरुड तालुक्यात कोतवाल पदांची भरती; ‘या’ तारखेपर्यंत करा अर्ज
पोर्टलवर ऑनलाइन अर्ज सुरू करण्यापूर्वी विद्यार्थ्यांनी स्वतःजवळ काही महत्त्वाची कागदपत्रे स्कॅन करून ठेवली पाहिजेत, जेणेकरून फॉर्म भरताना कोणतीही चूक होणार नाही. यासाठी मागील वर्ग किंवा सेमिस्टरची मूळ गुणपत्रिका आणि कॉलेजने जारी केलेले बोनाफाइड प्रमाणपत्र सर्वात महत्त्वाचे आहे. याशिवाय, चालू शैक्षणिक वर्षाची फी पावती, आधार कार्ड, ओळखपत्र आणि बँक पासबुकची प्रत तयार ठेवा.
पात्र विद्यार्थी नॅशनल स्कॉलरशिप पोर्टल scholarships.gov.in वर जाऊन आपला रिन्यूअल फॉर्म भरू शकतात. यासाठी सर्वात आधी पोर्टलवर आपल्या वन-टाइम रजिस्ट्रेशन क्रेडेंशियल्स आणि पासवर्डच्या मदतीने लॉगिन करावे लागेल. लॉगिन केल्यानंतर स्क्रीनवर दिसत असलेल्या शैक्षणिक सत्र २०२६-२७ च्या PM-USP CSSS Renewal लिंक शोधा आणि फॉर्ममध्ये दिलेली आपली वैयक्तिक, शैक्षणिक आणि बँकेची माहिती नीट तपासून अपडेट करा. त्यानंतर मागितलेली सर्व महत्त्वाची कागदपत्रे अपलोड करा आणि फॉर्म फायनल सबमिट करून पावतीची प्रिंट सुरक्षित ठेवा.
विद्यार्थ्यांनी हे लक्षात घेतले पाहिजे की फक्त ऑनलाइन फॉर्म सबमिट केल्याने स्कॉलरशिपचे पैसे येणार नाहीत. फॉर्म जमा झाल्यानंतर तुमचे कॉलेज किंवा विद्यापीठ तुमच्या प्रवेशाची, गुणांची आणि उपस्थितीची कसून तपासणी करेल. संस्था स्तरावर हे व्हेरिफेकेशन पूर्ण करण्याची अंतिम तारीख १५ नोव्हेंबर २०२६ ठरवण्यात आली आहे. त्यामुळे फॉर्म भरल्यानंतर तुमच्या कॉलेजच्या संबंधित विभागाशी संपर्क साधून तो वेळेवर व्हेरिफाय करून घ्या, जेणेकरून स्कॉलरशिपची रक्कम थेट तुमच्या आधार लिंक असलेल्या बँक खात्यात DBT द्वारे जमा केली जाऊ शकेल.
.png "Videos"){kind=small}
