सॅमसंग आर अ‍ॅंड डी इन्स्टिट्यूट, नोएडा (एसआरआय-नोएडा)ने इंडियन इन्स्टिट्यूट ऑफ टेक्‍नॉलॉजी बॉम्‍बे (आयआयटी बॉम्‍बे) सोबत सामंजस्य करारावर (एमओयू) स्‍वाक्षरी केली आहे. या सामंजस्य करारांतर्गत, एसआरआय-नोएडा आणि आयआयटी बॉम्‍बे आर्टिफिशियल इंटेलिजन्‍स (एआय), डिजिटल हेल्‍थ आणि इतर महत्त्वपूर्ण क्षेत्रांमधील ब्रेकथ्रूंचा शोध घेतील. हा पंचवार्षिक सहयोग संयुक्‍त संशोधन प्रकल्‍पांची सुविधा देईल, आयआयटी बॉम्‍बेचे विद्यार्थी व प्राध्‍यापकवर्गाला सॅमसंग इंजीनिअर्ससोबत सहयोग करण्‍याची संधी देईल.
या दृष्टिकोनामुळे विद्यार्थ्‍यांसाठी नवीन मार्ग खुले होतील, तसेच उद्योगासाठी त्‍यांच्‍या सुसज्‍जतेमध्‍ये वाढ होईल. याव्‍यतिरिक्‍त, हा सहयोग सॅमसंग इंजीनिअर्सना आयआयटी बॉम्‍बेमधील डिजिटल हेल्‍थ व एआय सारख्‍या उदयोन्‍मुख तंत्रज्ञानांमधील विशेषीकृत प्रशिक्षण आणि सर्टिफिकेशन प्रोग्राम्‍ससह सक्षम करेल.
एसआरआय-नोएडाचे व्‍यवस्‍थापकीय संचालक क्‍यूनग्‍यून रू आणि आयआयटी बॉम्‍बे येथील संशोधन व विकासाचे सहाय्यक डिन प्रो. उपेंद्र व्‍ही. भंडारकर यांनी औपचारिकरित्‍या सामंजस्य करारावर स्‍वाक्षऱ्या केल्‍या. आयआयटी बॉम्‍बे येथे आयोजित करण्‍यात आलेल्‍या इव्‍हेण्‍टमध्‍ये कोटिया सेंटर फॉर डिजिटल हेल्‍थ (केसीडीएच) मधील फॅकल्‍टी सदस्‍यांसह केसीडीएचचे प्रमुख प्रो. रणजित पदिन्‍हातीरी, प्रो. निर्मल पंजाबी आणि डॉ. राघवेंद्रन लक्ष्‍मीनारायणन उपस्थित होते.
अग्रणी संशोधन, नाविन्‍यता आणि गुणवत्ता विकासासाठी संधी
“हा सहयोग उद्योग कौशल्‍य व शैक्षणिक उत्‍कृष्‍टतेच्‍या प्रबळ एकत्रिकरणाला सादर करतो, तसेच अग्रणी संशोधन, नाविन्‍यता आणि गुणवत्ता विकासासाठी संधी देतो. आम्‍ही अर्थपूर्ण प्रगतीला चालना देण्यासाठी आणि डिजिटल हेल्‍थ, एआय व इतर उदयोन्‍मुख तंत्रज्ञानांच्‍या क्षेत्रामधील वास्‍तविक विश्‍वातील आव्‍हानांचे निराकरण करणारे सोल्‍यूशन्‍स विकसित करण्‍यासाठी आयआयटी-बीचे अपवादात्‍मक फॅकल्‍टी व विद्यार्थ्‍यांसोबत सहयोगाने काम करण्‍यास उत्‍सुक आहोत. सहयोगाने, आमचा ज्ञानाची देवाणघेवाण करणारी व इनोव्‍हेशनची इकोसिस्‍टम डिझाइन करण्‍याचा मनसुबा आहे, जिचा आमची कंपनी आणि समाजाला मोठ्या प्रमाणात फायदा होईल,’’ असे एसआयआर-नोएडाचे व्‍यवस्‍थापकीय संचालक क्‍यूनग्‍यून रू म्‍हणाले.
विद्यार्थी व फॅकल्‍टीसाठी नवीन मार्ग
“आजचा क्षण उत्‍साहवर्धक टप्‍पा आहे, जेथे आम्‍ही एसआरआय-नोएडासोबत औपचारिकरित्‍या आमच्‍या सहयोगाची घोषणा केली आहे. या सामंजस्य करारामधून नाविन्‍यता, ज्ञानाची देवाणघेवाण आणि सर्वोत्तमतेसाठी प्रयत्‍नाप्रती आमची समान कटिबद्धता दिसून येते. सहयोगाने काम करत आम्‍ही विद्यार्थी व फॅकल्‍टीसाठी नवीन मार्ग तयार करत आहोत, ज्‍यामुळे त्‍यांना उद्योग, प्रगत संशोधन संधींशी संलग्‍न होण्‍यास आणि समुदायांच्या विकासाप्रती योगदान देण्‍यास मदत होईल,’’ असे आयआयटी बॉम्‍बे येथील सहाय्यक डिन (आरअँडडी) प्रो. उपेंद्र व्‍ही. भंडारकर म्‍हणाले.
हा सामंजस्य करार संयुक्‍त रिसर्च पेपर्सच्‍या प्रकाशनाला प्रेरित करतो, ज्ञानाची देवाणघेवाण करण्‍याला चालना देतो, ज्‍यामुळे तंत्रज्ञान प्रगती आणि उद्योग-संबंधित नाविन्‍यतेला गती मिळेल. या सहयोगाच्‍या माध्‍यमातून सॅमसग आणि आयआयटी बॉम्‍बे कौशल्‍याच्‍या शाश्‍वत देवाणघेवाणीसाठी पाया स्‍थापित करत आहे, ज्‍यामुळे नेक्‍स्‍ट-जनरेशन तंत्रज्ञानांमधील मर्यादा दूर होतील आणि भावी ब्रेकथ्रूंसाठी प्रेरणा मिळणार आहे.
