गुरुवार, 5 नोव्हेंबर 2026
Baramati Government Hospital Patient Death
बारामती : बारामती येथील पुण्यश्लोक अहिल्यादेवी होळकर शासकीय वैद्यकीय महाविद्यालयाच्या रुग्णालयात घडलेल्या दुर्दैवी घटनेने रुग्णालयातील रुग्णांच्या सुरक्षिततेचा प्रश्न पुन्हा ऐरणीवर आला आहे. उपचारासाठी दाखल असलेल्या ४६ वर्षीय रुग्णाचा सहाव्या मजल्यावरून पडून मृत्यू झाल्याची घटना गुरुवारी (दि. ५) दुपारी घडली. या घटनेमुळे रुग्णालय परिसरात खळबळ उडाली असून, रुग्णालयातील सुरक्षा व्यवस्थेबाबत अनेक प्रश्न उपस्थित होत आहेत. (Baramati)
Washim: तुरीच्या फुलांवर काळ्या अळीचा वाढता प्रादुर्भाव; शेतकऱ्यांसमोर कीड नियंत्रणाचा अतिरिक्त खर्च
रणजीत दत्तात्रय शितोळे (वय ४६, रा. बेलवाडी, ता. इंदापूर) असे मृत्यू झालेल्या रुग्णाचे नाव आहे. त्यांना ४ नोव्हेंबर रोजी रक्ताच्या उलट्या आणि फिट्सचा त्रास झाल्याने नातेवाईकांनी बारामतीच्या पुण्यश्लोक अहिल्यादेवी होळकर शासकीय रुग्णालयात दाखल केले होते. वॉर्ड क्रमांक ५८ मध्ये त्यांच्यावर उपचार सुरू होते. वैद्यकीय पथकासह मानसोपचारतज्ज्ञ आणि कान-नाक-घसा विभागाचे डॉक्टरही त्यांच्या प्रकृतीवर लक्ष ठेवून होते.
गुरुवारी दुपारी सव्वाचारच्या सुमारास रुग्णालयाच्या सहाव्या मजल्यावरील पॅसेजमध्ये असलेल्या खिडकीतून बाहेर जाण्याचा प्रयत्न करताना शितोळे यांचा तोल गेला. त्यांना रोखण्यासाठी तेथील नर्सिंग कर्मचाऱ्यांनी प्रयत्न केले. मात्र त्यांना वाचवण्यात यश आले नाही. ते खाली दुसऱ्या मजल्यावरील टेरेसवर कोसळले. घटनेनंतर त्यांना तातडीने अपघात विभागात नेण्यात आले. मात्र, डॉक्टरांनी तपासून त्यांना मृत घोषित केले.
रुग्णाची मानसिक स्थिती लक्षात घेऊन नातेवाईकांना रुग्णालयात थांबण्यास सांगण्यात आले होते. मात्र, ते रुग्णाला सोडून निघून गेल्याचे रुग्णालय प्रशासनाकडून सांगण्यात आले. असे असले तरी, सहाव्या मजल्यावरील खिडक्यांना पुरेशा सुरक्षेच्या उपाययोजना होत्या का, रुग्णांच्या हालचालींवर आवश्यक देखरेख ठेवली जात होती का, असे प्रश्न उपस्थित होत आहेत.
पोलिसांनी घटनास्थळी पाहणी करून या प्रकरणाची वैद्यकीय-कायदेशीर नोंद (एमएलसी) केली आहे. मृतदेह शवविच्छेदनासाठी पाठविण्यात आला असून, घटनेचा तपास सुरू आहे. रुग्णालयातील सीसीटीव्ही चित्रण तपासले जात असून संबंधित कर्मचाऱ्यांचे जबाबही नोंदविले जात आहेत.
रुग्णालयात उपचारासाठी येणाऱ्या रुग्णांच्या सुरक्षिततेची जबाबदारी नेमकी कोणाची? विशेषतः मानसिक किंवा शारीरिकदृष्ट्या अस्वस्थ असलेल्या रुग्णांसाठी स्वतंत्र देखरेख, खिडक्या व पॅसेजमधील सुरक्षितता आणि आवश्यक प्रतिबंधात्मक उपाययोजना आहेत का, याची तपासणी होणे गरजेचे आहे. या घटनेच्या सखोल चौकशीतून नेमकी वस्तुस्थिती समोर येण्याची अपेक्षा व्यक्त होत आहे.
Ans: ही घटना बारामती येथील पुण्यश्लोक अहिल्यादेवी होळकर शासकीय वैद्यकीय महाविद्यालय आणि रुग्णालयात घडली.
Ans: रणजीत दत्तात्रय शितोळे (वय ४६, रा. बेलवाडी, ता. इंदापूर) असे मृत्यू झालेल्या रुग्णाचे नाव आहे.
Ans: रुग्णालयाच्या सहाव्या मजल्यावरील पॅसेजमधील खिडकीतून बाहेर जाण्याचा प्रयत्न करताना तोल गेल्याने ते दुसऱ्या मजल्यावरील टेरेसवर कोसळले.
