Chicken Biryani in Schools: सरकारी शाळांतील विद्यार्थ्यांना मिळणार चिकन बिर्याणी? मुख्यमंत्री नवीन योजनेच्या तयारीत

Chicken Biryani in Schools: बिर्याणी ही अत्यंत लोकप्रिय डिश आहे. एका सर्वेनुसार बिर्याणी ही भारतीय हॉटेल्समध्ये सर्वाधिक खाल्ली जाणारी डिश आहे. हीच बिर्याणी आता सरकारी शाळांतील विद्यार्थ्यांना मिळणार आहे. यासाठी एका राज्यातील मुख्यमंत्री नवीन योजना आखण्याच्या तयारीत आहेत.

• शालेय पोषण आहारात चिकन बिर्याणीचा विचार
• मुख्यमंत्री विजय यांच्या सरकारची नवी योजना
• स्वच्छता-अन्नसुरक्षेची आधी चाचणी

Chicken Biryani in Schools: बिर्याणी हा खवय्यांसाठी अगदी जिव्हाळ्याचा विषय आहे. त्यामुळे चिकन लव्हर्सना बिर्याणी खाण्यासाठी कोणत्याही कारणाची गरज नसते. अशातच आता सरकारी शाळेतील विद्यार्थ्यांना पोषण आहारात चिकन बिर्याणीचा समावेश होणार आहे. हा प्रस्ताव कोणत्या राज्यात आहे. जाणून घेऊया सविस्तर बातमी…

तामिळनाडूतील सरकारी शाळांमध्ये विद्यार्थ्यांच्या पोषण आहारात चिकन बिर्याणीचा समावेश करण्याचा प्रस्ताव पुन्हा चर्चेत आला आहे. सरकारी शाळांतील विद्यार्थ्यांना आठवड्यातून एकदा चिकन बिर्याणी देण्याचा प्रस्ताव सरकारच्या विचाराधीन असून, त्याची थेट राज्यभर अंमलबजावणी न करता सुरुवातीला पायलट प्रोजेक्ट राबवण्याचा विचार आहे.

Singapore Reading Campaign: रील्सचा नाद सोडा, वाचनाची सवय लावा! १५ मिनिटांच्या वाचनासाठी मिळणार व्हर्च्युअल कॉइन्स, जाणून घ्या

आधी पायलट प्रोजेक्ट

शालेय शिक्षणमंत्री ए. राजमोहन यांनी या प्रस्तावाबाबत माहिती देताना स्वच्छता आणि अन्नसुरक्षेला प्राधान्य दिले जाणार असल्याचे स्पष्ट केले. मोठ्या संख्येने विद्यार्थ्यांसाठी चिकन बिर्याणी तयार करणे, ती सुरक्षित पद्धतीने शाळांपर्यंत पोहोचवणे आणि अन्नाची गुणवत्ता कायम राखणे यासाठी आवश्यक व्यवस्थेची पायलट प्रोजेक्टमध्ये चाचणी केली जाणार आहे. त्यानंतरच व्यापक अंमलबजावणीबाबत निर्णय होईल.

‘कैद्यांना मिळते, मग विद्यार्थ्यांना का नाही?’

राजमोहन यांनी या योजनेचे समर्थन करताना पुझल कारागृहातील कैद्यांना चिकन बिर्याणी दिली जाते, मग विद्यार्थ्यांना ती का मिळू शकत नाही, असा प्रश्न उपस्थित केला. मुख्यमंत्री सी. जोसेफ विजय यांचीही विद्यार्थ्यांना असा पर्याय उपलब्ध करून देण्याची इच्छा असल्याचे त्यांनी सांगितले.

जुलैपासून प्रस्तावाची चर्चा

हा प्रस्ताव नवीन नाही. जुलै 2026 मध्येच सरकारी शाळांच्या मध्यान्ह भोजनात आठवड्यातून एकदा चिकन बिर्याणीचा समावेश करण्याचा प्रस्ताव समोर आला होता. त्यावेळी राजमोहन यांनी हा प्रस्ताव मुख्यमंत्र्यांकडे दिल्याचे आणि अंतिम निर्णय मुख्यमंत्री घेतील, असे सांगितले होते.

मुलांच्या प्रोटीनच्या गरजेवर भर

शालेय शिक्षणमंत्र्यांनी वाढत्या वयातील मुलांना पुरेशा प्रमाणात प्रोटीनची गरज असल्याचा मुद्दा मांडला आहे. तामिळनाडूमधील शालेय पोषण कार्यक्रमात काळानुसार बदल करण्यात आले असून, त्याच पार्श्वभूमीवर मांसाहारी पर्यायाचा विचार सुरू असल्याचे त्यांनी सांगितले.

शाकाहारी विद्यार्थ्यांचे काय?

प्रस्ताव प्रत्यक्षात लागू झाल्यास चिकन बिर्याणी सर्व विद्यार्थ्यांसाठी सक्तीची नसेल. शाकाहारी आहार घेणाऱ्या विद्यार्थ्यांना पूर्वीप्रमाणे शाकाहारी जेवणाचा पर्याय उपलब्ध राहील, तर मांसाहारी आहार घेणाऱ्या विद्यार्थ्यांना चिकन बिर्याणीचा पर्याय दिला जाऊ शकतो.

FLNAT Exam Postponed: ‘उल्लास नव भारत साक्षरता’ योजनेची FLNAT परीक्षा पुढे ढकलली; शिक्षण विभागाचे सर्व जिल्ह्यांना आदेश