रविवार, 16 ऑगस्ट 2026
फोटो सौजन्य- सोशल मीडिया
Trapit Bansal Meta salary: आर्टिफिशियल इंटेलिजन्सचे जग आता ग्लोबल टेक दिग्गजांमधील युद्धाचे मैदान बनले आहे. या रेसमध्ये टेक कंपन्या केवळ उत्तम टूल्सच बनवत नाहीयेत, तर AI मधील सर्वात वेगवान बुद्धिमत्तांना आपल्या टीममध्ये सामावून घेण्यासाठी पाण्यासारखा पैसा वाहत आहेत. भारतीय वंशाच्या एका युवा AI संशोधकाचे नाव सध्या टेक जगतात गाजत आहे. मार्क झुकरबर्गच्या ‘मेटा’ या कंपनीने IIT कानपूरचे माजी विद्यार्थी त्रपित बंसल यांना सुमारे ८०० कोटी रुपयांचे सॅलरी पॅकेज ऑफर केले आहे.
मेटाने त्रपित बंसल यांना त्यांच्या नवीन AI रिसर्च डिव्हिजनमध्ये सामील केले आहे. त्यांचे हे घसघशीत पॅकेज ऐकून प्रत्येकजण थक्क झाला आहे. या अवाढव्य पॅकेजमागे त्रपित बंसल यांच्या एका दशकाहून अधिक मेहनत, सखोल संशोधन आणि समर्पणाची कथा दडलेली आहे. त्यांनी शॉर्टकटचा मार्ग निवडण्याऐवजी AI च्या मूळ पायाला बळकट करण्यावर लक्ष केंद्रित केले. त्रपित बंसल कोण आहेत, त्यांचा प्रवास कसा राहिला आणि आज जगातील सर्वात मोठ्या कंपन्या त्यांना कोणत्याही किंमतीत आपल्या टीममध्ये का सामावून घेऊ इच्छित आहेत, ते आज आपण जाणून घेऊया
त्रपित बंसल यांनी २००७ ते २०१२ या कालावधीत IIT कानपूरमधून मॅथ्स अँड स्टॅटिस्टिक्समध्ये इंटीग्रेटेड एमएससीची पदवी घेतली होती. टेक फील्डमध्ये जाणारे विद्यार्थी सहसा कॉम्प्युटर सायन्स निवडतात, परंतु त्रपित यांनी गणित आणि आकडेवारीला आपला पाया बनवले. AI आणि मशीन लर्निंगची संपूर्ण इमारत या दोन विषयांच्या सिद्धांतांवर उभी आहे. यानंतर त्यांनी बंगळुरूच्या IISc च्या मशीन लर्निंग लॅबमध्ये २ वर्षे रिसर्च असिस्टंट म्हणून काम केले आणि मशीन लर्निंगच्या प्रगत संकल्पना खोलवर समजून घेतल्या.
पुढील शिक्षणासाठी त्रपित बंसल अमेरिकेत गेले. त्यांनी युनिव्हर्सिटी ऑफ मॅसॅच्युसेट्स एमहर्स्ट (UMass Amherst) मधून कॉम्प्युटर सायन्समध्ये मास्टर्स आणि पीएचडी पूर्ण केली. त्यांच्या डॉक्टरेट संशोधनादरम्यान त्यांनी नॅचरल लँग्वेज प्रोसेसिंग, डीप लर्निंग आणि मेटा-लर्निंग यांसारख्या विषयांवर प्राविण्य मिळवले. आपल्या अभ्यास आणि संशोधनादरम्यानच त्रपित यांनी जगातील सर्वात मोठ्या टेक कंपन्यांमध्ये रिसर्च इन्टर्नशिप केली:
आजच्या काळात जिथे अनेक तरुण शॉर्ट-टर्म कोर्सेस करून लगेच मोठी नोकरी मिळवू पाहतात, तिथे त्रपित बंसल यांचा प्रवास हा एक खूप मोठा धडा आहे. ८०० कोटींच्या सॅलरी पॅकेज हे एका रात्रीचे मिळालेले यश नाही, तर १० ते १२ वर्षांची अखंड अभ्यास, इन्टर्नशिप, अपयश आणि सखोल संशोधन समाविष्ट आहे. त्रपित बंसल यांच्या यशोगाथेवरून सिद्ध होते की, जर तुम्ही तुमच्या विषयात एवढे प्राविण्य आणि कौशल्य मिळवलेत तर जग तुमच्या पात्रतेला कधीही दुर्लक्षित करू शकत नाही.
