Civil Services Exam २०२७: यूपीएससी नागरी सेवा परीक्षा २०२७ चे वेळापत्रक जाहीर; ‘या’ तारखेला होणार प्रिलिम्स आणि मेन्स परीक्षा

Civil Services Exam २०२७: केंद्रीय लोकसेवा आयोगाने (UPSC) नागरी सेवा परीक्षा २०२७ चे वेळापत्रक जाहीर केले आहे. पूर्व परीक्षा २३ मे २०२७ रोजी होणार असून अर्ज करण्याची शेवटची तारीख २ फेब्रुवारी २०२७ आहे. सविस्तर वेळापत्रक येथे पहा.

• नागरी सेवा परीक्षा २०२७ वेळापत्रक जाहीर
• यूपीएससी परीक्षेतर्फे केंद्रीय सेवांसाठी अधिकाऱ्यांची नियुक्ती
• विद्यार्थ्यांनी यूपीएससीच्या अधिकृत upsc.gov.in वेबसाईटला द्यावी भेट

UPSC Civil Services Exam २०२७: सरकारी नोकरीची आणि स्पर्धा परीक्षेची तयारी करत असलेल्या तरुण – तरुणींसाठी  खुषखबरी आहे.  केंद्रीय लोकसेवा आयोगाने (UPSC)  नागरी सेवा परीक्षा २०२७ (Civil Services Exam 2027) चे वेळापत्रक नुकतेच जाहीर केले आहे. यूपीएससीने प्रसिद्ध केलेल्या कॅलेंडरनुसार, नागरी सेवा पूर्व परीक्षा २३ मे २०२७ रोजी घेतली जाईल, तर मुख्य परीक्षा २० ऑगस्ट २०२७ पासून सुरू होईल.

आयोगाने जाहीर केलेल्या तारखेनुसार, सर्व इच्छुक उमेद्वार २ फेब्रुवारी २०२७ पर्यंत या परीक्षेसाठी अर्ज करू शकतात. सर्व उमेद्वारांची पूर्व परीक्षा एकाच दिवशी घेतली जाणार असून या परीक्षेच्या माध्यमातून भारतीय वन सेवा पूर्व परीक्षेचेही आयोजन केले जाईल.

‘या’ तारखेला होणार परीक्षा

आयोगाने दिलेल्या माहितीनुसार, पूर्व (Prelims) परीक्षेनंतर लवकरच २० रोजी मुख्य(Mains) परीक्षा घेतली जाईल. ही मुख्य परीक्षा सलग  ५ दिवस चालणार आहे, या परीक्षेत उत्तीर्ण होणाऱ्या उमेद्वारांना वैयक्तिक मुलाखतीसाठी बोलावले जाईल. ज्यानंतर अंतिम निकाल घोषित केला जाईल.

MEXT Scholarship: जपानमध्ये मोफत शिक्षण घेण्याचे स्वप्न आता होणार पूर्ण! जाणून घ्या ‘एमईएक्सटी’ स्कॉलरशिपची निवड प्रक्रिया..

लाखो उमेदवार या परीक्षेसाठी करतात अर्ज

यूपीएससी (UPSC) नागरी सेवा परीक्षा ही देशातील सर्वात मोठी, प्रतिष्ठित आणि कठीण परीक्षा मानली जाते. या परीक्षेच्या माध्यमातून भारतीय प्रशासकीय सेवा (IAS), भारतीय पोलीस सेवा (IPS), भारतीय परराष्ट्र सेवा (IFS) यांसह विविध केंद्रीय सेवांसाठी अधिकाऱ्यांची नियुक्ती केली जाते. या परीक्षेस दरवर्षी लाखो विद्यार्थी बसतात.

केंद्रीय लोकसेवा आयोगाची भूमिका

यूपीएससी (UPSC) नागरी सेवा आयोगाने स्पष्ट कले आहे की, परीक्षेच्या तारखांमध्ये बदल होऊ शकतात त्यामुळे सर्व परीक्षार्थींनी वेळोवेळी यूपीएससीच्या अधिकृत upsc.gov.in वेबसाईटला भेट द्यावी.

UPSC Defence Exams 2026: संरक्षण दलात अधिकारी होण्याची सुवर्णसंधी; अर्ज करण्याची अंतीम तारीख पहा एका क्लिकवर..