नांदेडमध्ये चोर समजून २४ वर्षीय युवकाची हत्या; ‘नेटग्रीड’मुळे ओळख पटली; चार आरोपींना अटक

उमरी तालुक्यातील धानोरा गावात चोर समजून एक अनोळखी युवक ठार मारल्याची धक्कदायक घटना समोर आली आहे. मृतदेह संशयास्पद परिस्थितीत सापडला होता. 'नेटग्रीड' प्रणालीचा वापर करत मृत युवकाची ओळख पटवण्यात आली आहे.

नांदेड जिल्ह्यातून एक धक्कदायक प्रकार समोर आला आहे. ग्रामस्थांनी एका २४ वर्षीय युवकाला चोर समजून बेदम मारहाण केली. या अमानुष मारहाणीत युवकाचा मृत्यू झाला. नेटग्रीड प्रणालीमुळे त्याची ओळख पटवण्यात आली. पुढे या प्रकरणाच्या तपासाला गती आली. आणि यांनतर तो चोर नसल्याच समजले. पोलिसांनी या प्रकरणात चार आरोपींना अटक केली आहे.

माणुसकी हरवली ! पुण्यात अपघातानंतर मदत करण्याऐवजी दाम्पत्याला लुटलं

नेमकं प्रकरण काय आहे?

नांदेड जिल्ह्यातील उमरी तालुक्यातील धानोरा येथे 10 मे रोजी एका युवकाचा मृतदेह संशयास्पद स्थितीत आढळून आला. मृतदेहाच्या शरीरावर अनेक जखमा होत्या.पंधरा दिवस उलटले तरी युवकाची ओळख न पटल्याने तपास पुढे सरकत नव्हता. अखेर अत्यंत महत्वाच्या तपासात वापरली जाणारी नेटग्रीड प्रणाली पोलीस अधीक्षकांनी परवानगी घेऊन वापरली. नेटग्रीडमुळे युवकाचा तपास लागला आणि तो युवक हैद्राबादमधील शेख फरदिन असल्याचे निष्पन्न झाले. नातेवाईकांचा शोध घेऊन पोलीसांनी तपासाला गती आली, तेव्हा धक्कादायक कारण समोर आले. 10 जून रोजी हैद्राबाद येथून तो युवक धानोरा रेल्वे स्थानकावर उतरला होता.

गावात अनोळखी व्यक्ती फिरत असल्याने ग्रामस्थानी त्याला हुसकावून लावले. पुढे तो एका आखाड्यावर गेला. या ठिकाणी असलेल्या काही जणांनी त्याला चोर समजून बांधून मारहाण केली. यात त्याचा मृत्यू झाल्याचे पोलीस तपासात उघड झाले. या प्रकरणी चौघांना अटक करण्यात आली असून दोन आरोपी अल्पवयीन आहेत. या प्रकरणात आणखी आरोपी वाढण्याची शक्यता आहे. पोलिसांनी या प्रकरणात अजून काही आरोपींचा शोध घेतला असून, अटकेची संख्या वाढण्याची शक्यता आहे. दरम्यान नेटग्रीडमुळे ओळख पटवणे शक्य झाले आणि पुढे तपास लागल्याचे पोलीस अधीक्षक अबिनाश कुमार यांनी सांगितले.

देवगडमध्ये भीषण अपघात, रिक्षा आणि एसटीची धडक; चार जणांचा जागीच मृत्यू