Ashok Kharat Nashik Case:भक्तांच्या श्रद्धेचा बाजार! अशोक खरातचा ५ लाखांचा 'विजिटिंग चार्ज
Ashok Kharat SIT investigation details: महिलांची फसवणूक करणारा भोंदू बाबा अशोक खरात प्रकरणाचा तपास जसजसा पुढे जात आहे. तसतसा त्याच्या काळ्या आणि धक्कादायक कारामाने उघडकीस येत आहेत. नुकत्याच हाती आलेल्या माहितीनुसार, भोंदू बाबा अशोक खरात तब्बल पाच लाख रुपये फी घ्यायचा. इतकेच नव्हे तर त्याची आलीशान जीवनशैली आणि लोकांची फसवणूकीचे अनेक प्रकारही या तपासात समोर आले आहेत.
मिळालेल्या माहितीनुसार, अशोक खरात फक्त स्थानिक पातळीपर्यंतच नव्हे अनेक बड्या मंडळींपर्यंत संपर्कात होता. अशोक खरात बाहेरच्या एक दीड तासांच्या भेटीसाठी तब्बल पाच लाख रुपयांची फी उकळायचा. अंतर जितके जास्त तितकी फीची रक्कम जास्त असेही त्याचा हिशोब होता. भक्तांचा घरी किंवा फार्महाऊसवर जाण्यासाठी तो महागड्या गाड्यांची मागणी करत होता.
अशोक खरात याचा आवाका फक्त स्थानिक पातळीवर मर्यादित नव्हता, तर त्याचे जाळे मोठे होते. एसआयटीच्या तपासात समोर आलेल्या माहितीनुसार, खरात केवळ दीड ते दोन तासांच्या भेटीसाठी (आऊटडोअर व्हिजिट) तब्बल ५ लाख रुपये फी उकळायचा. अंतर जितके जास्त, तितकी त्याची फी वाढत असे. भक्तांच्या घरी किंवा फार्महाऊसवर जाण्यासाठी तो महागड्या आणि आलिशान गाड्यांची मागणी करायचा. आश्चर्याची बाब म्हणजे लांबच्या प्रवासासाठी तो थेट विमान प्रवासाचीच मागणी करत होता.
त्याहून धक्कादायक बाब म्हणजे, अमावस्या आणि पोर्णिमेच्या मुर्हुर्तावर या बाबाला आपल्या घरी नेण्यासाठी श्रीमंताच्या चढाओढ सुरु असायच्या. पहाटेपासूनच खरातच्या घराबाहेर आलिशान गाड्यांच्या रांगा लागायचया. जो व्यक्ती जास्त पैसे देईल खरात त्याच्याकडे जायचा, अशीही चर्चा सुरू आहे.
एसआयटीच्या पथकाने सोमवारी खरातच्या कार्यालयाची झाडाझडती घेतली. यात कारवाईत अनेक मोठे पुरावे मिळाले आहेत. खरातच्या कार्यालयातून खराब झालेले पेढे, जडीबुटीसाठी दिसणारी काळी फळे आणि इतर काही संशयास्पद वस्तू जप्त करण्यात आल्या आहेत. याशिवाय, जे भक्त खरातकडे येत होते, त्यांच्या नावांची यादी असलेली एक वहीदेखील पोलिसांच्या हाती लागली आहे. त्यातून अनेक बड्या लोकांची नावे समोर येणार असल्याचे बोलले जात आहे.
तपासादरम्यान सर्वात धक्कादायक बाब म्हणजे खरातच्या कार्यालयातील काचा आणि दरवाजा ‘साऊंड प्रूफ’ असल्याचे निदर्शनास आले आहे. पीडितेचा आवाज बाहेर जाऊ नये आणि कोणालाही संशय येऊ नये, यासाठी खरातने मुद्दाम ही व्यवस्था केली होती का? याचा तांत्रिक तपास आता फॉरेन्सिक टीमकडून केला जात आहे. जर हे सिद्ध झाले, तर खरातने हे सर्व अत्यंत नियोजनबद्ध पद्धतीने केल्याचे स्पष्ट होईल.
पोलिसांनी तपासाचा भाग म्हणून अशोक खरातला त्याच्या कार्यालयात नेऊन गुन्ह्याचे ‘रिक्रिएशन’ केले. यावेळी पीडितेची उपस्थिती अनिवार्य होती. मात्र, ज्या ठिकाणी तिच्यावर अत्याचार झाले, त्या कार्यालयात पाऊल ठेवताच पीडितेला तो प्रसंग आठवून अश्रू अनावर झाले. तिचा थरकाप उडाला होता, ज्यामुळे काही काळ तपासाचे काम थांबवावे लागले.
खरातची पोलीस कोठडी संपण्यासाठी आता अवघे काही तास शिल्लक आहेत. त्यामुळे एसआयटीने आपली चक्रे वेगाने फिरवली आहेत. खरात अटकेत गेल्याचे पाहून आता अनेक फसवणूक झालेले लोक पुढे येत आहेत. केवळ लैंगिक शोषणच नव्हे, तर खरातने शेकडो लोकांची *किती कोटींची फसवणूक* केली आहे, याचा आकडा लवकरच समोर येण्याची शक्यता आहे. खरातच्या संपर्कातील बड्या धेंडांची नावेही तपासात निष्पन्न होण्याची शक्यता वर्तवण्यात येत आहे.
