फोनमधील पैसे काढण्याची धमकी, मुलीला जाळ्यात ओढले
छत्रपती संभाजीनगर : मोबाईलवर रोब्लॉक्स गेम खेळताना झालेली अनोळखी व्यक्तीशी ओळख, त्यानंतर स्नॅपचॅटवर चॅटींग, व्हॉट्सॲप सुरू करण्यासाठी पालकांच्या फोनमधील फोन पेवरील पैसे काढून घेण्याची धमकी आणि पुढे अश्लील छायाचित्रांची मागणी, असा धक्कादायक प्रकार समोर आला आहे. इन्स्टाग्रामवरील वेगवेगळ्या खात्यांद्वारे चॅटिंग सुरू ठेवून अल्पवयीन मुलीला धमकावण्यात आले. अखेर तिच्या आई-वडिलांनाही कॉल करून त्रास देण्यात आला. हा प्रकार १ नोव्हेंबर २०२५ ते ५ ऑगस्ट २०२६ दरम्यान एन-२ परिसरातील ठाकरे नगरात घडला.
आर्यन आत्रे असे नाव सांगणाऱ्यासह अन्य दोघांविरोधात मुकुंदवाडी पोलिस ठाण्यात गुन्हा दाखल करण्यात आला आहे. १४ वर्षीय पीडितेने फिर्याद दिली आहे. याप्रकरणात १४ वर्षीय पीडितेने फिर्याद दिली. त्यानुसार, पीडिता इयत्ता ७ वीत शिक्षण घेत असून, नोव्हेंबर २०२५ मध्ये घरातील मोबाईल वायफायला कनेक्ट करून रोब्लॉक्स खेळत होती. त्यावेळी आर्यन आत्रे असे नाव सांगणाऱ्या मुलाशी तिची इंटरनेटवरून ओळख झाली. दोन दिवस रोब्लॉक्सवर चॅटिंग केल्यानंतर आर्यनने स्नॅपचॅटवर दोन खाती तयार करून त्यांचे पासवर्ड दिले. त्यानंतर पीडितेने त्याच्यासोबत चॅटींग केले.
व्हॉट्सअॅपसाठी दिला नकार
दोन-तीन दिवस स्नॅपचॅटवर चॅटिंग केल्यानंतर आर्यनने व्हॉट्सॲप सुरू करण्यास सांगितले. नकार दिल्यावर आई-वडिलांच्या फोनमधील फोन पेवरील पैसे काढून घेण्याची धमकी दिली. घाबरलेल्या पीडितेने व्हॉट्सॲप सुरू केले. सुमारे पंधरा दिवस चॅटिंग झाल्यानंतर आर्यनने दुसऱ्या मोबाइल क्रमांकावरून व्हॉट्सॲप वापरण्यास सांगितले. तोही दुसऱ्या क्रमांकावरून तिच्याशी बोलत होता.
व्हाईस रेकॉर्डिंग, चॅटिंगद्वारे संपर्कात
मार्च २०२६ मध्ये आर्यनने पीडितेला अश्लील छायाचित्र काढून व्हॉट्सॲपवर पाठविण्यास सांगितले. नकार दिल्यावर आईच्या फोन पेवरील पैसे काढून घेण्याची धमकी दिली. त्यामुळे घाबरून पीडितेने छायाचित्र पाठवले. त्यानंतर आर्यननेही स्वतःची छायाचित्रे पाठविली. जुलैपर्यंत तो व्हॉट्सॲपवर व्हिडिओ, व्हाईस रेकॉर्डिंग आणि चेंटिंगद्वारे तिच्याशी संपर्कात होता.
Crime News : ऑनलाइन मैत्री…मग गुप्त माहितीचा खेळ! हवाई दलाच्या अधिकाऱ्याविरोधात गंभीर आरोप
.png "Videos"){kind=small}
