Gondia : वडिलांसोबत शेतात गेली आणि काळाने घात केला! बिबट्याच्या हल्ल्यात 9 वर्षीय चिमुकलीचा मृत्यू; गोंदिया येथील घटना

गोंदिया जिल्ह्यात बिबट्याच्या हल्ल्यात 9 वर्षीय रुची पारधीचा मृत्यू झाला. वडिलांसोबत शेतात असताना दबा धरून बसलेल्या बिबट्याने हल्ला केला. उपचारादरम्यान तिचा मृत्यू झाला. घटनेनंतर परिसरात भीती व संताप पसरला आहे.

• 9 वर्षीय रुची पारधीवर बिबट्याचा अचानक हल्ला
• बिबट्याने चिमुकलीला काही अंतरावर फरफटत नेले
• उपचारादरम्यान मृत्यू, गावात भीतीचे वातावरण

गोंदिया: गोंदिया जिल्ह्यातून एक धक्कादायक घटना समोर आली आहे. बिबट्याच्या हल्ल्यात ९ वर्षीय चिमुलीचा मृत्यू झाला आहे. रुची देवानंद पारधी (वय 9), रा. इंदोरा निमगाव असे मृत चिमुकलीचे नाव आहे. रुची ही आपल्या वडिलांसोबत शेतात गेली होती. त्यावेळी दबा धरून बसलेल्या बिबट्याने हल्ला केला. या हल्ल्यात ती गंभीर जखमी झाली. तिला गोंदिया येथील एका खासगी रुग्णालयात दाखल करण्यात आले. मात्र उपचारादरम्यान रात्री तिचा मृत्यू झाला. ही घटना गोंदियाच्या तिरोडा तालुक्यातील इंदोरा निमगाव येथे घडली. या घटनेने गावात भीतीचे वातावरण आहे.

Kalyan Crime: धक्कादायक! धाब्यावर बसल्या बसल्या शिवसेना पदाधिकाऱ्याची निर्घृण हत्या! कारण काय?

काय घडलं नेमलं?

रुची ही तिच्या वडिलांसोबत शेतावर गेली होती. वडील तारांचे कुंपण लावण्याचे काम करीत होते, तर रुची ही शेतातील बांधात उभी होती. यावेळी दबा धरून बसलेल्या बिबट्याने तिच्यावर हल्ला करून तिला काही अंतरावर फरफटत नेले. रुचीचा रडण्याचा आवाज ऐकून तिचे वडील व आजूबाजूच्या शेतात काम करीत असलेल्या शेतकऱ्यांनी आरडाओरड केली. यानंतर बिबट्याने रुचीला सोडून देत जंगलाच्या दिशेने पळ काढला. बिबट्याच्या हल्ल्यात रुची गंभीर जखमी झाली. वडिलांनी आणि शेजाऱ्याच्या शेतकऱ्यांनी तिला त्वरित स्थानिक प्राथमिक आरोग्य केंद्रात नेले. मात्र तिची प्रकृती गंभीर असल्याने तिला पुढील उपचारासाठी गोंदिया येथील एका खासगी रुग्णालयात दाखल करण्यात आले होते. मात्र उपचारादरम्यान रात्री आठ वाजता तिचा मृत्यू झाला.

या घटनेने परिसरात हळहळ व्यक्त करण्यात येत असून परिसरात भीतीचे वातावरण आहे. मागील काही महिन्यांपासून गोंदिया जिल्ह्यात बिबट्याचा वावर वाढली आहे. या भागात वन्यप्राण्यांचा वाढता वावर रोखण्यासाठी तातडीने उपाययोजना कराव्यात, अशी मागणी ग्रामस्थांनी प्रशासनाकडे केली आहे.

घरात सापडले 3 कुजलेले मृतदेह! कुटुंबाने उचललं टोकाचं पाऊल

हैदराबाद येथून एक धक्कादायक आणि खळबळजनक घटना समोर आली आहे. एकाच कुटुंबातील तीन सदस्यांचा संशयास्पद मृतदेह आढळल्याची माहिती समोर आली आहे. पाच महिन्यापुरीच कुटुंबातील थोरल्या मुलीने आत्महत्या केली होती. आता तिघांचे मृतदेह कुजलेल्या अवस्थेत सापडल्याने या घटनेने खळबळ उडाली आहे. सुरक्षारक्षक श्रीनिवास, त्याची पत्नी विजयालक्ष्मी आणि त्यांची मुलगी श्रव्या असे मृतदेह सापडलेल्या व्यक्तींचे नावे आहे. थोरल्या मुलीचे नाव काव्या असे आहे.