बुधवार, 11 नोव्हेंबर 2026
संग्रहित फोटो
संतोष अरुण संबारे (वय ४५, रा. गायत्रीनगर, अकोला) हे दिवाळीच्या सुट्टीनिमित्त गावी आले होते. रविवारी रात्री ७.३० वाजताच्या सुमारास आरोपी दीपक माणिकराव संभारे (वय २२), रोशन माणिकराव संभारे (वय २५), हरीश श्रीकृष्ण संभारे (वय २४) आणि पप्पू अरुण संभारे (सर्व रा. बेलाड, ता. मलकापूर) हे त्यांच्या घरासमोर हातात फटाके घेऊन ते घराच्या दिशेने फेकत होते. यावेळी त्यांना माझ्या घराकडे फटाके टाकू नका, असे सांगितले असता या गोष्टीचा राग आल्याने आरोपी रोशन याने बुक्क्याने मारहाण केली. तसेच आरोपी दीपक संभारे याने नाकाखाली व डोळ्याखाली बुक्क्याने मारले. भांडण सोडवण्यासाठी पुतण्या धावून आला असता, सर्व आरोपींनी त्याला चापटाबुक्क्यांनी मारहाण केली.
तरुणीला मारली मिठी
यावेळी आरोपी पप्पू संभारे याने पुतण्याच्या डोक्यात हातातील कड मारल्याने त्याच्या डोक्याला गंभीर जखम झाली. तर वाद सोडवण्यासाठी संतोष यांची मुलगी तिथे आली असता, आरोपी पप्पू संभारे याने तिच्या साडीचा पदर ओढला, ज्यामुळे ती खाली पडली. ती उठून उभी राहिली असता आरोपी रोशन संभारे याने तिला वाईट उद्देशाने मिठी मारली. यानंतर आरोपी तिथून पळून गेले. या प्रकरणी तक्रारीवरून आणि मेडिकल सर्टिफिकेटच्या आधारे मलकापूर शहर पोलिस ठाण्यात गुन्हा दाखल करण्यात आला आहे. पुढील तपास पोलिस उपनिरीक्षक सतीश बेले करीत आहेत.
Ans: घरासमोर फटाके उडवण्यास आणि घराच्या दिशेने फटाके फेकण्यास विरोध केल्यामुळे दोन गटांत वाद झाला.
Ans: या प्रकरणी दीपक संभारे, रोशन संभारे, हरीश संभारे आणि पप्पू संभारे अशा चार जणांविरोधात गुन्हा दाखल करण्यात आला आहे.
Ans: मारहाण आणि तरुणीचा विनयभंग केल्याप्रकरणी मलकापूर शहर पोलीस ठाण्यात पॉक्सो कायद्यासह विविध गंभीर कलमांन्वये गुन्हा दाखल करण्यात आला आहे. पुढील तपास पोलीस उपनिरीक्षक सतीश बेले करीत आहेत.
