जेलमधून सुटका हाेताच मिरवणूक भोवली; पोलिसांनी परत केली रवानगी

दमदाटी, मारामारी, खंडणी, अवैध शस्त्र बाळगण्याच्या गुन्ह्यांमध्ये मोक्का अंतर्गत कारवाई झालेल्या आरोपीला थेट दुग्धाभिषेक घातल्याचा धक्कादायक प्रकार घडला आहे.

संग्रहित फोटो

Follow Us:

Follow Us:

कोल्हापूर : कोल्हापूर शहरासह जिल्ह्यात भुरट्या गुंडांचा उच्छाद सुरु असतानाच आता थेट दमदाटी, मारामारी, खंडणी, अवैध शस्त्र बाळगण्याच्या गुन्ह्यांमध्ये मोक्का अंतर्गत कारवाई झालेल्या आरोपीला थेट दुग्धाभिषेक घातल्याचा धक्कादायक प्रकार घडला आहे. आरोपी अनिकेत अमर सूर्यवंशी (वय २१, रा. नागाळा पार्क, कोल्हापूर) हा मोक्कातील आरोपी असून त्याच्यावर दमदाटी, मारामारी, खंडणी, अवैध शस्त्र बाळगण्याच्या गुन्ह्यात कारवाई झाली आहे. २०२१ पासून त्याची रवानगी कळंबा जेलमध्ये करण्यात आली होती.

अनिकेत सुर्यवंशीची २४ डिसेंबरला जेलमधून सुटका झाली होती. यानंतर त्याच्या स्वागताला पाठिराख्यांपासून ते नातेवाईक सुद्धा हजर होते. यावेळी जेलपासून त्याच्या घरापर्यंत मिरवणूक काढण्यात आली. तर दारात रांगोळी काढून खुर्चीवर दुग्धाभिषेकही करण्यात आला. या संपूर्ण प्रकाराचा व्हिडिओ व्हायरल होताच पोलिसांनी कारवाई कारवाई करून चौघांना अटक करण्यात आली. पोलिसांनी एक कार आणि दोन दुचाकी सुद्धा जप्त केल्या आहेत.
पोलिसांनी अनिकेत अमर सूर्यवंशी, गब्बर उर्फ आदित्य अमर सूर्यवंशी, अनुराग दिलीप राखपसारे, करण उर्फ तुषार सिद्धू कुमठे, सागर कैलास गौडदाब, प्रथमेश कुमार समुद्रे आणि वेदांग शिवराज पोवार यांच्यावर गुन्हा दाखल केला आहे. गब्बर सोडून इतराच्या पोलिसांनी पुन्हा मुसक्या आवळल्या आहेत. टोळीची दहशत पुन्हा बसवण्यासाठी हा प्रकार केल्याचे पोलिसांनी म्हटले आहे.

हे सुद्धा वाचा : पुण्यातील मसाज पार्लरमध्ये सुरू होता भलताच प्रकार; पोलिसांना खबर लागली अन्…

व्हिडिओ व्हायरल झाल्यानंतर प्रकार उघड

आरोपी अनिकेतची सुटका झाल्यानंतर त्याची कळंबा जेलपासून ते घरापर्यंत मिरवणूक काढण्यात आली. स्वागतासाठी दारात मंडप घालण्यात आला होता. तर रांगोळी सुद्धा काढण्यात आली होती. यानंतर दारात पोहोचताच त्याचे औक्षण करण्यात आले. इतक्यावर न थांबता दुग्धाभिषेकही करण्यात आला. हा सर्व प्रकार २४ डिसेंबर रोजी घडल्यानंतर सोमवारी सकाळी व्हिडिओ व्हायरल झाल्यानंतर हा संपूर्ण प्रकार समोर आला. रिल व्हायरल झाल्यानंतर पोलिसांनी कारवाई करत आरोपींना अटक केली. त्यानंतर व्हिडिओ डीलीट करण्यात आला.

जेलमधून बाहेर आला अन् तिघांना तोडला

पुण्यातही गुन्हेगारीचे प्रमाण मोठ्या प्रमाणात वाढले आहे. पुण्यातील वेगवेगळ्या भागातून दररोज गुन्हेगारीच्या घटना उघडकीस येत असतात. टोळक्यांकडून वाहनांची तोडफोड व दहशत माजविण्याच्या घटना घडू लागल्या आहेत. अशातचं गेल्या काही दिवसाखाली कारागृहात राहून आलेल्या सराईत गुन्हेगार व त्याच्या साथीदारांनी तीन तरुणांवर किरकोळ वादातून तीक्ष्ण शस्त्राने वार करून त्यांना जीवे ठार मारण्याचा प्रयत्न केल्याची घटना मुंढवा परिसरात घडली आहे.

Web Title: A procession has been taken out in kolhapur after the release of the accused from jail nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com