पुणे हादरलं! चॉकलेट देतो म्हणून रुममध्ये नेलं अन्…; ज्येष्ठाकडून अल्पवयीन मुलीवर अत्याचार

मुंढवा परिसरात एका ६० वर्षीय ज्येष्ठाने शेजारी राहत असलेल्या अल्पवयीन मुलीवर लैंगिक अत्याचार केल्याची घटना घडली आहे.

संग्रहित फोटो

Follow Us:

Follow Us:

पुणे : मुंढवा परिसरात एका ६० वर्षीय ज्येष्ठाने शेजारी राहत असलेल्या अल्पवयीन मुलीवर लैंगिक अत्याचार केल्याची घटना घडली आहे. याप्रकरणी मुंढवा पोलीस ठाण्यात पोस्को अंतर्गत गुन्हा दाखल करून आरोपीला अटक केली आहे. याबाबत सहा वर्षाच्या मुलीच्या आईने तक्रार दिली आहे.

मुंढवा पोलिसांच्या माहितीनुसार, तक्रारदारांची एक ४ वर्षाची आणि ६ वर्षाची अशा दोन्ही मुली घराबाहेर खेळत होत्या, शेजारी राहत असलेल्या आरोपी नराधमाने त्यांना चॉकलेट खायला देऊन आपल्या घरी नेले. नंतर ६ वर्षाच्या मुलीवर वेळोवेळी त्यांच्यावर अत्याचार केला. असे दोन तीन वेळा झाल्याने सहा वर्षाच्या मुलीने झालेला प्रकार आईला सांगितला. याबाबत पीडित मुलीच्या आईने पोलीस ठाण्यात धाव घेऊन मंगळवारी संध्याकाळी तक्रार दिली आहे. तक्रार मिळताच पोलीस उपायुक्त आर राजा, वरिष्ठ निरीक्षक नीलकंठ जगताप अधिकाऱ्यांनी घटनास्थळी भेट दिली. मुंढवा पोलिसांनी तात्काळ नराधमावर बाल लैंगिक अत्याचारचा गुन्हा दाखल करून अटक केली असून, पुढील तपास करीत आहे.

मुलींना चॉकलेट खायला देण्याचे आमिष दाखवून घरी बोलवून तिच्यावर अत्याचार केल्याची तक्रार आल्याने तात्काळ आरोपीला अटक केली. त्याला न्यायालयात हजर केले असता, पाच दिवसाची पोलीस कोठडी सुनावली आहे, असे वरिष्ठ निरीक्षक नीलकंठ जगताप यांनी सांगितले.

हे सुद्धा वाचा : घाटात विवाहितेचा आढळला मृतदेह, डोक्यात लोखंडी हत्याराने वार

विद्यार्थीनीवर सामूहिक लैगिंक अत्याचार

अल्पवयीन मुलींना पळवून नेणे, त्यांना लग्नाचे आमिष दाखवून त्यांच्यावर विनयभंग व अत्याचार करणे अशा घटनांमध्ये दिवसेंदिवस लक्षणीय वाढ होताना दिसत आहे. त्यामुळे मुली असुरक्षित वातावरणाच्या सावटात असल्याचे जिल्ह्यात चित्र निर्माण झाले आहे. कायद्याचा धाक नसल्यामुळे सातत्याने घडत असलेल्या अशा घटनांमुळे अल्पवयीन मुली व त्यांच्या पालकांमध्ये दहशत निर्माण झाली आहे. काही महिन्यापूर्वी बदलापूर शाळेत अल्पवयीन मुलीवर अत्याचार करण्याचा संतापजनक प्रकार समोर आला होता.त्यातच आता छत्तीसगडमध्ये आदिवासी समाजातील अल्पवयीन मुलीवर सामूहिक अत्याचार करण्यात आला. यामध्ये धक्कादायर म्हणजे ज्या शिक्षकांना आई वडिलांनंतर श्रेष्ठ स्थान आणि गुरु पूजनीय मानतो, त्यांनीच दानवी कृत्य केल्याचं समोर आलं आहे. छत्तीसगडमधील या आदिवासी मुलीवर शाळेच्या मुख्याध्यापकासह शिक्षक आणि एक वनरक्षकांनी सामूहिक अत्याचार केला. छत्तीसगडमधील मनेंद्रगड-चिरमिरी-भरतपूर जिल्ह्यात ही घटना घडली. या अल्पवयीन मुलीचे वय 17 वर्षे असून ती घरी राहून अभ्यास करायची.

Web Title: A senior citizen molested a minor girl in pune nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com