कोरड्या केसांमुळे हैराण झाला आहेत? मग 'या' पद्धतीने घरी बनवा जास्वंद- कढीपत्त्याचा हेअर मास्क, केस होतील घनदाट
Hibiscus Hair Mask: थंडीच्या दिवसांमध्ये आरोग्यासोबतच केसांच्या समस्या सुद्धा वाढू लागतात. जीवनशैलीत सतत होणारे बदल, वारंवार केमिकल प्रॉडक्टचा वापर, हवेतील धुळीकण इत्यादींच्या अतिवापरामुळे केस खूप जास्त कोरडे पडतात. केसांमध्ये कोंडा होणे, केस तुटणे, केस गळणे इत्यादी अतिशय सामान्य समस्या झाल्या आहेत. पण केसांचे सौंदर्य दीर्घकाळ टिकवून ठेवण्यासाठी केसांची योग्य काळजी घेणे फार आवश्यक आहे, अन्यथा केसांच्या समस्या वाढू लागतात. केस कोरडे झाल्यानंतर ते मऊ आणि चमकदार करण्यासाठी वेगवेगळ्या प्रॉडक्टचा वापर केला जातो. पण त्याऐवजी जास्वंद आणि कढीपत्त्याचा वापर करून बनवलेला हेअर मास्क लावल्यास केस अतिशय सुंदर होतील. चला तर जाणून घेऊया हेअरमास्क बनवण्याची कृती.(फोटो सौजन्य – istock)
कढीपत्ता
जास्वदींची फुले
जास्वदींची पाने
दही
हेअर मास्क बनवण्यासाठी सर्वप्रथम, कढीपत्ता, जास्वंदीची फुले पाण्याने स्वच्छ धुवून घ्या. त्यानंतर धुवून घेतलेली पाने, फुले मिक्सरच्या भांड्यात टाकून बारीक पेस्ट तयार करा. पेस्ट तयार करून झाल्यानंतर त्यात ताजे दही घाला आणि पुन्हा एकदा वाटून घ्या. यामुळे सर्व साहित्य व्यवस्थित मिक्स होईल. तयार केलेली पेस्ट वाटीमध्ये काढून घ्या. हेअर मास्क तयार केल्यानंतर वाटीमध्ये काढून घ्या. आवश्यकता वाटल्यास हेअर मास्क गाळणीने गाळून घ्या. यामुळे जास्वदींच्या पानाफुलांचे कण केसांमध्ये अडकणार नाहीत.
हेअर मास्क लावण्याआधी केस विंचरून घ्यावेत. त्यानंतर केसांचे छोटे छोटे भाग करून घ्या आणि हेअर मास्क ब्रशच्या मदतीने केसांवर लावा. केसांच्या मुळांपासून ते अगदी टोकांपर्यंत सगळीकडे हेअर मास्क लावून झाल्यानंतर केस ३० मिनिटं असेच ठेवून द्या. यामुळे केसांना पोषण मिळेल. त्यानंतर हेअर मास्क पाण्याने स्वच्छ धुवा आणि सौम्य शाम्पूचा वापर करून केस स्वच्छ करावे.
कढीपत्त्यामध्ये भरपूर प्रमाणात अँटीऑक्सिडंट्स आणि नैसर्गिक प्लांट कम्पाउंड्स आढळून येतात. यामुळे टाळूचे आरोग्य चांगले राहते. जास्वंदीच्या फुले आणि पानांचा वापर केल्यास केसांना नैसर्गिक पोषण मिळेल आणि केस अतिशय मऊ होण्यास मदत होईल. केस मॉइश्चराइज आणि मऊ करण्यासाठी कायमच महागड्या प्रॉडक्टचा वापर करण्याची आवश्यकता नाही. स्वयंपाक घरात उपलब्ध असलेले पदार्थ सुद्धा केसांना पोषण देतात.
Ans: जास्वंदाच्या फुलांमध्ये आणि पानांमध्ये केसांना कंडिशनिंग करण्यास मदत करणारे घटक असतात. कढीपत्त्यामध्ये अँटीऑक्सिडंट्स आणि काही पोषक घटक असतात. या दोन्हींचा वापर केसांची निगा राखण्यासाठी करता येतो.
Ans: कढीपत्त्यामध्ये अँटीऑक्सिडंट्स आणि पोषक घटक असतात. केसांच्या निगेसाठी त्याचा वापर केला जातो. मात्र कढीपत्त्यामुळे केसांची वाढ वेगाने होते किंवा केसगळती थांबते, याचे पुरेसे वैज्ञानिक पुरावे उपलब्ध नाहीत.
Ans: हा मास्क साधारण 20 ते 30 मिनिटे केसांवर ठेवून नंतर सौम्य शॅम्पूने केस स्वच्छ धुवावेत.






