सौजन्य फोटो- सोशल मिडीया
याप्रकरणी नेकनूर पोलीस ठाण्यात पाच जणांविरुद्ध खुनाचा गुन्हा दाखल करण्यात आला असून, पोलिसांनी दोघांना बेड्या ठोकल्या आहेत. संभाजी विश्वनाथ सारुक (वय ३८, रा. नांदगाव, ता. वाशी, जि. धाराशिव) असे मृत तरुणाचे नाव असून, हर्ष विकास जाधवर हा तरुण या हल्ल्यात जखमी झाला आहे.
हेही वाचा: हडपसरमध्ये मध्यरात्री थरार; सुरक्षा रक्षकावर धारदार शस्त्राने हल्ला, दोघे पोलिसांच्या ताब्यात
मिळालेल्या माहितीनुसार, धाराशिव जिल्ह्यातील वाशी तालुक्यातील नांदगाव येथील संभाजी सारुक आणि हर्ष जाधवर हे दोघे रविवारी दुपारी मुकादम अशोक कागदे यांची जुनी दुचाकी खरेदी करण्यासाठी बीडमधील वानगाव येथे आले होते. दुचाकी पाहण्यासाठी अशोकने त्या दोघांना घरी पाठवले. तिथे पवन रोमण आणि इतर आरोपींनी संभाजी व हर्ष यांच्यावर ५० हजार रुपये आणि मोबाईल चोरी केल्याचा खोटा आरोप करत त्यांना मारहाण सुरू केली.
आरोपींनी क्रूरतेची सर्व सीमा ओलांडत संभाजी याला पाईपच्या साहाय्याने ट्रॅक्टरच्या नांगराला, तर हर्ष याला ट्रॅक्टरच्या बारपट्टीला बांधले आणि पाचही जणांनी मिळून दोघांना बेदम मारहाण केली. या अमानुष मारहाणीत संभाजी बेशुद्ध पडल्यानंतर सर्व आरोपींनी तिथून पळ काढला.
आरोपी पळून गेल्यानंतर जखमी अवस्थेतील हर्षने संभाजीच्या मोबाईलवरून आपली आई अनिता यांना फोन केला आणि घडलेला सर्व भयावह प्रकार सांगितला. माहिती मिळताच एका तासानंतर हर्षचे कुटुंबीय तात्काळ घटनास्थळी पोहोचले. त्यांनी दोघांचीही सुटका करून त्यांना धाराशिव जिल्ह्यातील तेरखेडा येथील आरोग्य केंद्रात उपचारासाठी दाखल केले.
मात्र, रुग्णालयात पोहोचण्यापूर्वीच किंवा उपचारादरम्यान संभाजी यांचा आधीच मृत्यू झाल्याचं डॉक्टरांनी सांगितलं. यानंतर नेकनूर पोलिसांनी तात्काळ तपासाची चक्रे फिरवत ५ जणांविरुद्ध खुनाचा गुन्हा नोंदवला असून, यातील दोन आरोपींना अटक केली आहे, तर फरार असलेल्या इतर तिघांचा शोध सुरू आहे.
Ans: बीड जिल्ह्यातील वानगाव येथे ही धक्कादायक घटना घडली आहे
Ans: आरोपींनी त्या तरुणांवर ५० हजार रुपये आणि मोबाईल चोरी केल्याचा आरोप केला होता
Ans: नेकनूर पोलीस ठाण्यात पाच जणांविरुद्ध खुनाचा गुन्हा दाखल करण्यात आला असून, त्यातील दोन आरोपींना अटक करण्यात आली आहे






