एकमेकांकडे पाहिल्याचा राग अन् थेट डोक्यावर वार; पुण्यात अल्पवयीन मुलगा गंभीर जखमी
अटक करण्यात आलेल्या आरोपींची नावे सुशांत विलास ढिले (वय ३२, रा. भवानीमाता कॉम्प्लेक्स, उत्तमनगर) आणि सचिन राजू मारणे (वय २७, रा. अचानक चौक, न्यू कोपरे गाव, उत्तमनगर) अशी आहेत. या प्रकरणी जखमी मुलाने उत्तमनगर पोलिस ठाण्यात तक्रार दिली आहे. पोलिसांनी खुनाचा प्रयत्न केल्याप्रकरणी गुन्हा दाखल करून पुढील तपास सुरू केला आहे.
पोलिसांनी दिलेल्या माहितीनुसार, संबंधित १६ वर्षीय मुलगा शुक्रवारी (२३ ऑक्टोबर) रात्री आठच्या सुमारास आपल्या मित्रासोबत शिवणे परिसरातील सरस्वतीनगर येथे थांबला होता. त्यावेळी आरोपी तेथे आले. एकमेकांकडे पाहण्याच्या कारणावरून त्यांच्यात वाद निर्माण झाला. या वादातून आरोपींनी अल्पवयीन मुलाला शिवीगाळ करण्यास सुरुवात केली. त्यानंतर त्याच्यावर तीक्ष्ण शस्त्राने हल्ला केला. आरोपींनी मुलाच्या डोक्यावर वार केल्याने तो गंभीर जखमी झाला. अचानक झालेल्या या हल्ल्यामुळे परिसरात गोंधळ उडाला.
घटनेची माहिती मिळाल्यानंतर पोलिसांनी तपास सुरू केला. या प्रकरणातील सुशांत ढिले आणि सचिन मारणे या दोघांना पोलिसांनी अटक केली आहे. त्यांच्यासोबत असलेल्या आणखी एका साथीदाराविरुद्धही गुन्हा दाखल करण्यात आला आहे. क्षुल्लक कारणावरून झालेल्या वादाचे रूपांतर थेट हल्ल्यात झाल्याने परिसरात चर्चेला उधाण आले आहे. या प्रकरणाचा पुढील तपास सहायक पोलिस निरीक्षक तुषार चव्हाण करीत आहेत. हल्ल्यामागील नेमकी परिस्थिती आणि गुन्ह्यातील इतर बाबींचा तपास पोलिसांकडून केला जात आहे.
हे सुद्धा वाचा : जमिनीचा वाद अन् हत्येची सुपारी! व्यावसायिकावर कटरने हल्ला; पुण्यातील घटनेनं खळबळ
Ans: एकमेकांकडे पाहण्याच्या क्षुल्लक वादातून आरोपींनी १६ वर्षीय अल्पवयीन मुलाला शिवीगाळ करून त्याच्या डोक्यावर तीक्ष्ण शस्त्राने वार केले.
Ans: उत्तमनगर पोलिसांनी सुशांत विलास ढिले (वय ३२) आणि सचिन राजू मारणे (वय २७) या दोघांना अटक केली आहे. त्यांच्यासोबत असलेल्या आणखी एका साथीदाराविरुद्ध गुन्हा दाखल करण्यात आला आहे.
Ans: शुक्रवारी, २३ ऑक्टोबर रोजी रात्री आठच्या सुमारास पुण्यातील शिवणे परिसरातील सरस्वतीनगर येथे ही घटना घडली. या हल्ल्यात मुलगा गंभीर जखमी झाला असून, प्रकरणाचा पुढील तपास सहायक पोलिस निरीक्षक तुषार चव्हाण करीत आहेत.
.png "Videos"){kind=small}
