दुचाकीला डंपरची मागून जोरदार धडक; दुचाकीस्वाराचा जागीच मृत्यू

या अपघातामुळे संतप्त जमावाने डंपरवर दगडफेक करुन त्याची तोडफोड केली. अपघाताची माहिती समजताच गावभागचे पोलीस निरीक्षक महेश चव्हाण यांच्यासह पोलिस घटनास्थळी दाखल झाले.

हृदयद्रावक! कार ड्रायव्हिंग शिकणाऱ्या तरुणाने चार जणांना चिरडलं; १० महिन्याच्या बाळाचा मृत्यू

Follow Us:

Follow Us:

इचलकरंजी : समोर निघालेल्या दुचाकीला डंपरने पाठीमागून धडक दिल्याने अपघात झाला. या अपघातात डंपरच्या चाकाखाली सापडून दुचाकीस्वार जागीच ठार झाला. राजेंद्र शिवाजी चोपडे (वय ५८ रा. तारदाळ रोड खोतवाडी) असे मृत व्यक्तीचे नाव आहे. सांगली रोडवरील पाटील मळा परिसरात ही घटना घडली. अपघातानंतर डंपरचालकाने पलायन केले. तर संतप्त जमावाने डंपरवर दगडफेक करुन त्याची तोडफोड केली.

राजेंद्र शिवाजी चोपडे यांचा अपघातात मृत्यू झाला. याप्रकरणी गावभाग पोलीस ठाण्यात दावलमलिक अल्लाबक्ष छपरबंद (वय ३१, रा. शामरावनगर जयसिंगपूर, मूळ रा. येनकैंची ता. सिंदगी जि. विजापूर) याच्या विरोधात गुन्हा दाखल झाला आहे. या अपघाताची तक्रार प्रविण राजेंद्र चोपडे (वय ३३) याने दिली आहे. खोतवाडी येथील राजेंद्र चोपडे हे शनिवारी सकाळी कामानिमित्त दुचाकी (एमएच ०९ डीएच ५२२०) वरुन इचलकरंजीत आले होते. काम आटोपल्यानंतर ते दुपारी एक वाजण्याच्या सुमारास घरी परतत होते. सांगली रोडवरील पाटील मळा परिसरात त्यांच्या दुचाकीला पाठीमागून येत असलेल्या डंपर (क्र. एमएच २० एटी ८५९३) ने जोराची धडक दिली.

दरम्यान, डंपरच्या धडकेने चोपडे हे दुचाकीसह रस्त्यावर पडले. त्याचवेळी डंपर त्यांच्या अंगावरुन गेल्याने चोपडे यांचा जागीच मृत्यू झाला. अपघात झाल्यानंतर नागरिकांचा आरडाओरडा ऐकून डंपर चालकाने थोड्या अंतरावर जात डंपर थांबवला व त्याने घटनास्थळावरुन पलायन केले. अपघाताची माहिती समजल्यानंतर अपघातस्थळी चोपडे यांचे नातेवाईक आणि मित्र परिवार जमले होते.

जमावाची डंपरवर दगडफेक

या अपघातामुळे संतप्त जमावाने डंपरवर दगडफेक करुन त्याची तोडफोड केली. अपघाताची माहिती समजताच गावभागचे पोलीस निरीक्षक महेश चव्हाण यांच्यासह पोलिस घटनास्थळी दाखल झाले. त्यांनी पंचनामा करुन शवविच्छेदनासाठी मृतदेह इंदिरा गांधी सामान्य रुग्णालयात पाठवला. पोलिसांनी दोन्ही अपघातग्रस्त वाहने ताब्यात घेतली असून, याप्रकरणी गावभाग पोलीस ठाण्यात डंपर चालकाच्या विरोधात गुन्हा दाखल झाला आहे.

Web Title: Accident in ichalkaranji one person died

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com