शुक्रवार, 13 नोव्हेंबर 2026
फोटो सौजन्य सोशल मीडिया
आफ्रिकेतील सार्वजनिक आरोग्य संस्थेने दिलेल्या माहितीनुसार, गेल्या सहा महिन्यांत आरोग्य यंत्रणेला अनेक सशस्त्र हल्ल्यांचा सामना करावा लागला आहे. चार सशस्त्र हल्ले, आरोग्य कर्मचाऱ्यांवर १६ हल्ले आणि ११ आरोग्य केंद्रांना लक्ष्य करण्यात आल्याची माहिती समोर आली आहे. काही ठिकाणी केंद्रांची जाळपोळ करण्यात आली, तर काही ठिकाणी लूटमार झाली. सप्टेंबरच्या अखेरपासून हल्ल्यांची तीव्रता वाढल्याने वैद्यकीय मदत आणि उपचार मोहिमेवर परिणाम झाला आहे.
उत्तर किवू प्रांतातील कँटिन-अलोया परिसरात सशस्त्र गटाने केलेल्या हल्ल्यात ६६ नागरिकांचा मृत्यू झाला. मृतांमध्ये तीन आरोग्य कर्मचाऱ्यांचाही समावेश आहे. या हल्ल्यानंतर तीन आरोग्य केंद्रांची लूट करून त्यांना आग लावण्यात आली. हिंसाचारामुळे काही रुग्ण उपचार केंद्रांतून बाहेर पडल्याची माहिती आहे. परिणामी, संसर्ग झालेल्या व्यक्तींच्या संपर्कात आलेल्या एक हजारांहून अधिक लोकांचा मागोवा घेणे आरोग्य यंत्रणेला कठीण झाले आहे. तीन पुष्टी झालेल्या रुग्णांचाही अद्याप शोध लागलेला नाही.
Iran-US War : बहरीनच्या दिशेने येणारे इराणचे दोन ड्रोन अमेरिकेने पाडले; CENTCOMचा दावा
इबोलाचा प्रसार रोखण्यासाठी रुग्णांची तपासणी, विलगीकरण, उपचार आणि त्यांच्या संपर्कातील व्यक्तींचा शोध घेणे आवश्यक असते. मात्र, सततच्या हिंसाचारामुळे ही प्रक्रिया विस्कळीत होत आहे. जागतिक आरोग्य संघटनेनेही सुरक्षेचा अभाव हा इबोला नियंत्रण मोहिमेतील सर्वांत मोठ्या अडथळ्यांपैकी एक असल्याचे म्हटले आहे. काँगोमध्ये आतापर्यंत ५,४०० हून अधिक मृत्यू आणि ११ हजारांहून अधिक रुग्णांची नोंद झाली आहे. त्यामुळे आरोग्य कर्मचाऱ्यांचे संरक्षण, सुरक्षित उपचार केंद्रे आणि बाधित भागांमध्ये मदत पोहोचवणे अत्यंत महत्त्वाचे बनले आहे.
