Amravati Crime: चिकनच्या तुकड्यावरून रक्तरंजित वाद! मावस भावानेच १२ वर्षांच्या मुलाची केली हत्या; अपघाताचा बनाव फसला

Amravati जिल्ह्यात चिकनच्या वादातून 12 वर्षीय मुलाची मावस भावाने हत्या केल्याचे उघड झाले. सुरुवातीला अपघाताचा बनाव करण्यात आला होता. पोलिस तपासात सत्य समोर येत आरोपीसह मृताच्या वडिलांनाही ताब्यात घेण्यात आले.

• चिकनच्या पीसवरून झालेल्या वादातून हत्या.
• अपघाताचा खोटा बनाव करून पोलिसांची दिशाभूल.
• आरोपी मावस भाऊ अटकेत; वडिलांवरही गुन्हा.

अमरावती: अमरावती येथून एक धक्कादायक घटना समोर आली आहे. चिकन खाण्याच्या वादातून बारा वर्षीय मुलाची हत्या करण्यात आल्याची खळबळजनक घटना समोर आली आहे. हा अपघात असल्याचे भासवत खोटी तक्रार देखील देण्यात आली. या घटनेतील आरोपीला अटक करण्यात आली आहे. ही घटना अमरावती येथील भातकुली येथे घडली.

‘ऑपरेशन मुस्कान’ ठरतंय प्रभावी; हरवलेल्या 286 पैकी 121 बालकांचा लागला शोध

काय घडलं नेमकं?

या प्रकरणातील मृतकाचे नाव जितेराजा गौड वय 12 वर्ष असे आहे. तर बब्बू गौड वय वर्ष 21 असे अटक करण्यात आलेल्या आरोपीचे नाव आहे. जितेराजा आणि बब्बू हे मध्यप्रदेश येथील रहिवासी आहे. ते कामासाठी भातकुली तालुक्यात आले होते. दोघेही पाणी आणण्यासाठी बाहेर गेले होते, त्यावेळी अज्ञाताने त्यांना जोरदार धडक दिली, ज्यामध्ये दोघांचा जागीच मृत्यू झाला, अशी तक्रार मृताच्या वडिलांनी दिली होती. मात्र पोलिसांना संशय आल्याने त्यांनी कुटुंबातील एकेकाची चौकशी केली. या चौकशीतून ही हत्या किरकोळ वादातून झाल्याचे समोर आले. आरोपीचे आई वडील घरी नव्हते, त्यामुळे तो आपल्या काकाच्या घरी जेवत होता.

पोलिसांच्या तपासात सत्य समोर

यावेळी चिकनचे पीस कमी आहेत, यावरुन दोन्ही भावांमध्ये भांडणे झाली. आरोपी बब्बू गौड याने जितेराज गौड याच्यावर हल्ला करत त्याची निर्घृणपणे हत्या केली. तसेच त्याने स्वतःवरही वार केले. या घटनेनंतर जितेराजाच्या वडिलांनी हत्येचा प्रकार लपवण्याचा प्रयत्न केला. मात्र पोलिसांच्या तपासात सर्व सत्य समोर आले. याप्रकरणी दोघांवर आरोपी म्हणून ताब्यात घेण्यात आले आहे.

अमरावतीत भीषण अपघात! इलेक्ट्रिक बस-रिक्षा धडकेत शाळकरी मुलासह ५ जणांचा जागीच मृत्यू

अमरावती येथून एक भीषण अपघाताची घटना समोर आली आहे. इलेक्ट्रिक एसटी बस आणि रिक्षामध्ये भीषण धडक झाली. या धडकेत पाच जणांचा मृत्यू झाल्याची माहिती समोर आली आहे.तर ३ -४ जण गंभीर जखमी झाले आहे. ही घटना वरुड तालुक्यातील राजुरा- वरुड रोडवर रेल्वे क्रॉसिंग समोर घडली.

एसटी बस वरुडवरून वर्धाकडे जात होती. यादरम्यान, मागून एसटी बसने प्रवासी आटोला जोरदार धडक दिली. हा धडक एवढी जोरदार होती की पाच जणांचा जागीच चेंदामेंदा होऊन त्यांचा मृत्यू झाला. मृत्यूदेहाचे हात पाय आणि शरीराचे वेगवेगळे भाग झाले होते. तर या आटोचे दोन तुकडे झाले आहेत. एसटी बस मधील सर्व प्रवासी सुखरूप आहे तर एसटी आणि एसटी चालक यांना वरूड पोलिसांनी ताब्यात घेतले आहे. घटनास्थळी मोठी गर्दी जमली होती. तर घटनेचा पुढील तपास वरुड पोलीस करीत आहे, या घटनेनंतर वरूड तालुक्यात शोककळा पसरली आहे.

Badlapur Crime: पुन्हा शाळा बसमध्ये विद्यार्थिनीचा विनयभंग; बसचालकावर POCSO अंतर्गत गुन्हा दाखल, सुरक्षेवर प्रश्नचिन्ह