ड्रेनेजच्या खड्ड्यात पडून ५५ वर्षीय व्यक्तीचा मृत्यू, येरवड्यातील दुर्घटनेने खळबळ; नागरिकांचा संताप
मिळालेल्या माहितीनुसार, येरवडा येथील मच्छी मार्केट परिसरात महापालिकेकडून ड्रेनेजच्या कामासाठी खड्डा खोदण्यात आला. या परिसरातून जात असताना रिक्षाचा धक्का लागल्याने प्रदीप परदेशी हे खड्ड्यात पडल्याचे सांगण्यात येत आहे. या दुर्घटनेत त्यांना गंभीर दुखापत झाली. त्यानंतर त्यांना उपचारासाठी रुग्णालयात दाखल करण्यात आले होते. मात्र, उपचार सुरू असताना त्यांचा मृत्यू झाला.
खड्ड्याभोवती सुरक्षेच्या उपाययोजना होत्या का?
स्थानिक नागरिकांच्या म्हणण्यानुसार, ड्रेनेजच्या कामासाठी खोदण्यात आलेला खड्डा सुमारे १० ते १५ फूट खोल होता. इतका खोल खड्डा असतानाही त्याच्या परिसरात नागरिकांच्या सुरक्षेसाठी आवश्यक त्या उपाययोजना करण्यात आल्या नव्हत्या, असा आरोप स्थानिकांकडून करण्यात येत आहे. खड्ड्याभोवती योग्य बॅरिकेडिंग किंवा इतर सुरक्षा व्यवस्था होती का, याबाबत प्रश्न उपस्थित केले जात आहेत.
परिसरात यापूर्वीही अशा प्रकारचे अपघात घडल्याचे स्थानिक नागरिकांचे म्हणणे आहे. त्यामुळे सार्वजनिक ठिकाणी सुरू असलेल्या कामांच्या ठिकाणी सुरक्षेचे नियम पाळले जातात का, याची तपासणी करण्याची मागणी होत आहे. या घटनेनंतर मृत प्रदीप परदेशी यांच्या नातेवाइकांनी लक्ष्मीनगर पोलीस ठाण्यात धाव घेतली. या दुर्घटनेला जबाबदार कोण, तसेच नागरिकांच्या सुरक्षेसाठी आवश्यक उपाययोजना का करण्यात आल्या नाहीत, असे प्रश्न त्यांनी उपस्थित केले आहेत. दरम्यान, या प्रकरणी पोलीस अधिक तपास करत आहेत. तपासातून दुर्घटनेची नेमकी कारणे आणि संभाव्य निष्काळजीपणाबाबत काय समोर येते, याकडे नागरिकांचे लक्ष लागले आहे.
Ans: प्रदीप परदेशी (वय ५५) असे मृत व्यक्तीचे नाव आहे. येरवड्यातील मच्छी मार्केट परिसरात ही दुर्घटना घडली.
Ans: महापालिकेच्या ड्रेनेजच्या कामासाठी खोदलेल्या खड्ड्यात रिक्षाचा धक्का लागल्याने प्रदीप परदेशी पडल्याचे सांगण्यात येत आहे. गंभीर दुखापतीनंतर रुग्णालयात उपचार सुरू असताना त्यांचा मृत्यू झाला.
Ans: खड्ड्याभोवती सुरक्षेच्या योग्य उपाययोजना करण्यात आल्या होत्या का आणि दुर्घटनेला जबाबदार कोण, असे प्रश्न नागरिक व मृताच्या नातेवाइकांनी उपस्थित केले आहेत. या प्रकरणी पोलीस तपास सुरू आहे.
.png "Videos"){kind=small}
