मद्यधुंद महिलेचा धिंगाणा! महिला पोलिस कर्मचाऱ्याच्या लगावली कानशिलात; पुण्यातील प्रकार

मद्यधुंद अवस्थेतील महिलेने महिला पोलिस कर्मचाऱ्याच्या कानशिलात मारत त्यांना शिवीगाळ केल्याचा प्रकार समोर आला आहे. कोरेगाव पार्क परिसरात ही घटना घडली आहे.

• मद्यधुंद महिलेने महिला पोलिसाला मारली चापट
• लायटर मागण्यावरून वाद; शिवीगाळ केल्याचा आरोप
• पोलिसांत गुन्हा दाखल; तपास सुरू

पुणे : मद्यधुंद अवस्थेतील महिलेने महिला पोलिस कर्मचाऱ्याच्या कानशिलात मारत त्यांना शिवीगाळ केल्याचा प्रकार समोर आला आहे. कर्तव्य बजावत असताना मद्याच्या अवस्थेत असताना तिने महिला कर्मचाऱ्यांना लायटर मागितले. महिला कर्मचारी यांनी तु मला लायटर कशी काय मागणी करते, असे म्हटंल्याने हा प्रकार घडला आहे. कोरेगाव पार्क परिसरात ही घटना घडली आहे. याप्रकरणी कोरेगाव पार्क पोलिस ठाण्यात शितल सुधाकर मोरे (वय ४८, रा. नोबल हॉस्पिटलजवळ, हडपसर) हिच्यावर गुन्हा दाखल करण्यात आला आहे. याबाबत ययाती मोतीगीर बामणे (वय ३०) यांनी तक्रार दिली आहे.

 

ही घटना दि. १८ ऑक्टोबर रोजी रात्री साडेबारा वाजण्याच्या सुमारास कोरेगाव पार्कमधील लेन क्रमांक ७ येथील अ‍ॅनिस हॉटेलजवळ घडली आहे. पोलिसांच्या माहितीनुसार, बामणे या कोरेगाव पार्क पोलिस ठाण्यात कार्यरत आहेत. रात्री गस्तीवर असताना वाहतूक कोंडी झाल्याने त्यांनी सीआर मोबाइल वाहन बाजूला लावले होते. त्यावेळी आरोपी महिला तेथे आली. विनाकारण शिवीगाळ करुन लायटर मागितले. तक्रारदार यांनी मला तु कसे काय लायटर मागितले असा विचारणा केली असता आरोपी महिलेने पुन्हा शिवीगाळ करत त्यांच्या गालावर चापट मारली व गोंधळ घातला, असे तक्रारीत म्हटले आहे. पोलिस उपनिरीक्षक मोरे पुढील तपास करीत आहेत.

हे सुद्धा वाचा : कॉलेजला गेलेली दामिनी घरी परतलीच नाही! वर्दे गावात एकतर्फी प्रेमातून तरुणीचा निर्घृण खून

औंधमध्ये १८ वर्षीय तरुणावर लोखंडी हत्याराने हल्ला

औंधमधील डी. पी. रोडवर अठरा वर्षीय तरुणाच्या डोक्यात लोखंडी हत्याराने मारून त्याला जखमी करण्यात आल्याची घटना घडली आहे. एका आरोपीने हत्याराने हल्ला केला, तर दुसऱ्याने तरुणाला पकडून लाथाबुक्क्यांनी मारहाण केल्याची पोलिसांत तक्रार दिली आहे. याप्रकरणी प्रज्वल ओम कांबळे (वय १९, रा. पीएमसी बिल्डिंग, नागरस रोड, औंध) आणि गुरुराज देविदास फंड (वय २२, रा. पीएमसी बिल्डिंग, मेडीपॉइंटसमोर, डी. पी. रोड, औंध) यांच्यावर चतुःशृंगी पोलिसांत गुन्हा दाखल करण्यात आला आहे. याबाबत सिद्धेश राजू गायकवाड (वय १८, रा. पीएमसी बिल्डिंग, डी. पी. रोड, औंध) यांनी तक्रार दिली आहे. मिळालेल्या माहितीनुसार, १५ ऑक्टोबर रोजी मध्यरात्रीनंतर एक वाजून पाच मिनिटांनी अमेय अपार्टमेंटजवळ ही घटना घडली आहे. गायकवाड यांना काही समजण्यापूर्वीच कांबळे याने त्यांच्या डोक्याच्या मागील बाजूस लोखंडी हत्याराने मारले. फंड याने त्यांना पकडून लाथाबुक्क्यांनी मारहाण व शिवीगाळ केली. पोलिस उपनिरीक्षक दबडे तपास करीत आहेत.