कॉलेजला गेलेली दामिनी घरी परतलीच नाही! वर्दे गावात एकतर्फी प्रेमातून तरुणीचा निर्घृण खून

कुडाळ पोलिस ठाण्याच्या हद्दीतील ओरोस खुर्दनजीकच्या वर्दे गावात शनिवारी रात्री दामिनी किरण पालव (वय २३) या महाविद्यालयीन तरुणीचा एकतर्फी प्रेमातून चाकूने वार करून खून करण्यात आल्याची धक्कादायक घटना घडली आहे.

• वर्दे गावात एकतर्फी प्रेमातून तरुणीची हत्या
• संशयित साहिल धुरीला काही तासांत अटक
• आरोपीला सात दिवसांची पोलीस कोठडी

सिंधुदुर्ग : कुडाळ पोलिस ठाण्याच्या हद्दीतील ओरोस खुर्दनजीकच्या वर्दे गावात शनिवारी रात्री दामिनी किरण पालव (वय २३) या महाविद्यालयीन तरुणीचा एकतर्फी प्रेमातून चाकूने वार करून खून करण्यात आल्याची धक्कादायक घटना घडली आहे. या थरारक घटनेने संपूर्ण परिसरात मोठी खळबळ उडाली आहे. या प्रकरणी संशयित आरोपी साहिल विश्राम धुरी (वय २२) याला कुडाळ पोलिसांनी अवघ्या काही तासांत जेरबंद केले आहे. कुडाळ न्यायालयाने त्याला २४ ऑक्टोबरपर्यंत ७ दिवसांची पोलीस कोठडी सुनावली आहे.

 

संबंधित तरुणी कुडाळ येथील हॉटेल मॅनेजमेंट महाविद्यालयात शिक्षण घेत होती. दामिनी पालव ही रोजच्या प्रमाणे सकाळी कॉलेजला जाण्यासाठी घरातून निघाली होती, पण ती संध्याकाळी घरी परतली नाही. सायंकाळी सहा वाजता तिचा खून झाल्याची माहिती तिच्या वडिलांना मिळाली. घटनास्थळी वडील पोहोचले असता रक्तबंबाळ स्थितीत तिचा मृतदेह पाहताच वडिलांनी हंबरडा फोडला. या गंभीर गुन्ह्याची जिल्हा पोलिस अधीक्षक आणि गंभीर दखल घेतली असून तत्काळ तपास काम सुरू केले आहे.

संशयिताच्या शोधासाठी कुडाळ, सिंधुदुर्गनगरी, निवती आणि सावंतवाडी पोलीस ठाण्यांसह स्थानिक गुन्हे अन्वेषण विभागाची पथके तैनात करण्यात आली. तपासादरम्यान मिळालेल्या माहितीच्या आधारे पोलिसांनी रात्री साहिलला ताब्यात घेतले. रविवारी संशयिताला कुडाळ न्यायालयात हजर करण्यात आले. हत्येसाठी वापरलेले शस्त्र शोधणे, गुन्ह्यात अन्य कोणी सहभागी होते का आणि हा प्रकार पूर्वनियोजित होता का, याचा तपास करण्यासाठी पोलिसांनी कोठडीची मागणी केली. न्यायालयाने ती मंजूर केली.

हे सुद्धा वाचा : जुन्या वादाचा भयंकर शेवट! निलंगा तालुक्यात २२ वर्षीय तरुणाची हत्या; परिसरात खळबळ

जुन्या वादातून थेट गोळीबार! 

नाशिकच्या आडगाव परिसरातील जुना न्यू इंग्लिश स्कूल रस्त्यावरील टी-पॉईंटजवळील पुलाखाली भरदिवसा दुचाकीवर आलेल्या संशयिताने गोळीबार केल्याची थरारक घटना घडली आहे. सुदैवाने दोन्ही गोळ्या हुकल्याने फिर्यादी थोडक्यात बचावले असून कोणतीही जीवितहानी वा दुखापत झालेली नाही. मात्र, या प्रकारामुळे परिसरात तीव्र घबराट पसरली आहे.