दारूसाठी पैसे मागितले, नकार मिळताच चाकूने हल्ला; संभाजीनगरमधील घटनेनं खळबळ
प्रविण अशोक खरात (रा. सावित्रीबाई फुलेनगर), वैभम रमेश खरात, सागर बाळू खरात (दोघे रा. भिमराजनगर) अशी चाकू हल्ला करणाऱ्यांची नावे असून त्यांच्याविरोधात बेगमपुरा पोलिस ठाण्यात गुन्हा दाखल करण्यात आला आहे. या प्रकरणात अभय बाळू नावकर (वय २१, रा. भिमराजनगर, हिमायतबाग) याने फिर्याद दिली.
अभय हा महानगरपालिकेच्या घनकचरा विभागात कामाला आहे. शुक्रवारी रात्री तो मोठा भाऊ आकाश याच्यासोबत शहरातून दिवाळीची खरेदी करून मोपेडने घरी परतत होता. उद्धवराव पाटील शाळेच्या पाठीमागे आले असता, ओळखीच्या प्रविण खरात याने आकाशला आवाज देऊन थांबवले. त्यावेळी वैभव आणि सागर हे दोघेही त्याच्यासोबत होते. प्रविणने आकाशकडे दारू पिण्यासाठी पैशांची मागणी केली. पैसे नसल्याचे सांगत आकाशने नकार दिल्यानंतर प्रविणने त्याचा मोबाइल मागितला.
मोबाइल देण्यास विरोध करताच तिघांनी तुला आता मारून टाकतो अशी धमकी देत चाकूने आकाशच्या पाठीवर, पोटावर, कमरेवर, डाव्या मांडीवर आणि उजव्या गुडघ्यावर वार केले. भावाला वाचवण्यासाठी गेलेल्या अभयच्या डाव्या गुडघ्यावरही प्रविणने चाकूने वार केला. त्यानंतर तिघेही घटनास्थळावरून पसार झाले. या प्रकरणात बेगमपुरा पोलिस ठाण्यात गुन्हा दाखल करण्यात आला आहे. पुढील तपास उपनिरीक्षक राम यादव करित आहेत.
Ans: दारू पिण्यासाठी पैसे देण्यास आकाशने नकार दिला आणि मोबाइल देण्यासही विरोध केला. त्यामुळे तिघांनी त्याच्यावर चाकूने हल्ला केला.
Ans: या हल्ल्यात आकाश नावकर गंभीर जखमी झाला असून त्याच्यावर घाटी रुग्णालयात आयसीयूमध्ये उपचार सुरू आहेत. तसेच त्याचा भाऊ अभय याच्या डाव्या गुडघ्याला चाकूने दुखापत झाली.
Ans: प्रविण अशोक खरात, वैभव रमेश खरात आणि सागर बाळू खरात अशी आरोपींची नावे आहेत. त्यांच्याविरोधात बेगमपुरा पोलीस ठाण्यात गुन्हा दाखल करण्यात आला असून पुढील तपास उपनिरीक्षक राम यादव करीत आहेत.
.png "Videos"){kind=small}
