रविवार, 27 सप्टेंबर 2026
संग्रहित फोटो
पुणे : राज्यासह देशभरात गुन्हेगारी वाढली असून, वाढत्या गुन्हेगारीमुळे नागरिकांमध्ये दहशत निर्माण होत आहे. अशातच आता मिरवणुकीनंतर झालेल्या किरकोळ वादातून तरुणाला भात वाढणीने मारहाण केल्याची घटना घडली आहे. भात वाढणी डोक्यात घातल्याने तरुण गंभीर जखमी झाला आहे. गणेश पेठेतील बुरुड आळीत ही घटना घडली आहे. या प्रकरणी फरासखाना पोलिसांनी एकाविरुद्ध गुन्हा दाखल केला आहे. विनायक घोरपडे असे जखमी झालेल्याचे नाव आहे. या प्रकरणी अक्षय हादगे (वय २५, रा. बुरुड आळी, गणेश पेठ) याच्यावर गुन्हा दाखल करण्यात आला आहे. याबाबत अविनाश दत्तात्रय येनपुरे (वय ४५, रा. भाग्यश्री अपार्टमेंट, जीवनधारानगर, धनकवडी) यांनी फरासखाना पोलिसांत तक्रार दिली आहे.
पोलिसांच्या माहितीनुसार, विसर्जन मिरवणुकीनिमित्त घोरपडे हे त्यांचे मित्र विनायक घोरपडे यांच्याकडे आले होते. बुरूड आळीतील एका मंडळाच्या एका मिरवणुकीत ते सहभागी झाले होते. मिरवणुकीनंतर कार्यकर्त्यांसाठी जेवणाचा कार्यक्रम आयोजित करण्यात आला होता. मध्यरात्री एकच्या सुमारास जेवण सुरू असताना घोरपडे यांनी महिलांना पहिले जेवण द्या, असे सांगितले. या कारणावरुन आरोपीने घोरपडे यांच्याशी वाद घालण्यास सुरुवात केली. आरोपीने घोरपडे यांच्या डोक्यात लोखंडी भात वाढणी घातली. घोरपडे यांच्या डोक्याला गंभीर दुखापत झाली. घोरपडे यांना तातडीने रुग्णालयात दाखल करण्यात आले. पसार झालेल्या आरोपीचा शोध घेण्यात येत असून, पोलीस हवालदार संदीप धनवटे तपास करत आहेत.
हे सुद्धा वाचा : माळशेज घाटात एसटी बस आणि आयशर टेम्पोचा भीषण अपघात; जखमींचा आकाडाही आला समोर
मोबाइलच्या वादातून तरुणाची दगडाने ठेचून हत्या
दारूच्या नशेत मोबाईलच्या कारणावरून झालेल्या वादाचे पर्यवसान थेट खुनात झाल्याची धक्कादायक घटना यवतमाळ शहरात घडली आहे. एका ३८ वर्षीय मजुराचा दगडाने ठेचून खून करण्यात आल्याची घटना मंगळवारी (दि.२२) सकाळी उघडकीस आली आहे. शेख मुश्ताक शेख मस्तान (वय ३८ रा. अशोक नगर यवतमाळ) असे मृताचे नाव आहे. या प्रकरणी फिर्यादी अशपाक शेख मुस्ताक शेख (वय १९, रा. अशोकनगर, यवतमाळ) यांच्या तक्रारीवरून यवतमाळ शहर पोलिसांनी सोनू अली शराफत अली (वय २५, रा. अशोकनगर) आणि शेख समीर शेख असलम (वय २३, रा. अलकबीरनगर) या दोघांविरुद्ध गुन्हा दाखल करत दोघांना अटक करण्यात आली आहे.
