कुत्रे भुंकल्याचा जाब विचारल्यामुळे राग अनावर; दोघांवर चाकूने सपासप वार केले अन्...
इचलकरंजी : राज्यासह देशभरात गुन्हेगारी वाढली आहे. दररोज वेगवेगळ्या भागातून खून, खुनाचा प्रयत्न, हाणामाऱ्या, दरोडे, लुटमार यासारख्या घटना उघडकीस येत असतात. गुन्हेगारांमुळे नागरिकांमध्ये भिती पसरत आहे. अशातच आता एक मोठी बातमी समोर आली आहे. कुत्रे भुंकल्याचा जाब विचारल्याच्या कारणावरून झालेल्या वादातून चाकूने वार केल्याने दोघेजण जखमी झाल्याची घटना घडली आहे. ही घटना खोतवाडीतील आयोध्यानगर येथे घडली आहे.
अक्षय भरमा गौरोजी (वय ३०) व त्याचे वडील भरमा गौरोजी (दोघे रा. आयोध्यानगर) अशी जखमी झालेल्या दोघांची नांवे आहेत. याप्रकरणी श्रेयश जोशी व मंजिरी जोशी (दोघे रा. आयोध्यानगर) व अन्य एकजण अशा तिघांवर शहापूर पोलिसांत गुन्हा दाखल करण्यात आला आहे.
गौरोजी व जोशी कुटुंबिय हे खोतवाडी (ता. हातकणंगले) आयोध्यानगर येथे शेजारी राहण्यास आहेत. रात्री साडेदहा वाजण्याच्या सुमारास श्रेयस व मंजिरी जोशी व श्रेयशचा मित्र या तिघांनी गौराजे यांच्या घरी जात कुत्रे भुंकल्याच्या कारणावरून माझ्या मुलास बोलतोस काय असे म्हणत अक्षय याची कॉलर पकडून कानशिलात मारली. तर श्रेयश व त्याच्या मित्राने त्यांना जिवंत सोडू नको, मारून टाक असे म्हणत चाकूने अक्षयवर वार केला. त्यामध्ये अक्षय याच्या डाव्या बाजूस बरगडीच्या खाली वार बसल्याने जखमी झाला. तर अक्षय याच्या बचावासाठी आलेल्या भरमा गौराजे यांच्यावरही श्रेयस व त्याच्या मित्राने चाकूने वार केल्याने तेही जखमी झाले. या प्रकरणी शहापूर पोलिसांत तिघांवर गुन्हा दाखल करण्यात आला आहे.
हे सुद्धा वाचा : बिजलीनगर झोपडपट्टीत तरुणाची हत्या; उजवा हात धारदार हत्याराने तोडला अन्…
भररस्त्यात एकावर कोयत्याने सपासप वार
स्वारगेट भागात दुधानी गँगने दहशत माजवली आहे. मोक्का रिर्टन आणि सराईतांनी दहशत माजवून एकावर कोयत्याने वार केले आहेत. कोयत्याने वार करुन जीवे ठार मारण्याचा प्रयत्नही केला आहे. नंतर परिसरात हवेत हत्यारे फिरवून दहशत माजवत गोंधळ घातला. शनिवारी रात्री साडे नऊच्या सुमारास डायसप्लॉट येथे ही घटना घडली. त्यामुळे शहरातील गुन्हेगारांची दहशत कायम असल्याचेही दिसत आहे. याप्रकरणी स्वारगेट पोलिस ठाण्यात भक्तीसिंग दुधानी, शक्तीसिंग दुधानी, गोविंदसिंग टाक, आकाशसिंग दुधानी याच्यासह सात जणांविरोधात भारतीय न्याय संहिता १०९, १८९, १८९(२), १९१(२), १९१(३), आर्म ४ (२५), मपोका ३७, (३) सह १३५, क्रिमीनल लॉ अमेंडमेंट ७ नुसार गुन्हा दाखल करण्यात आला आहे. याबाबत आबा सरोदे (वय ३९) यांनी तक्रार दाखल केली आहे.
.png "Videos"){kind=small}
