Andharapradesh Crime: टीव्हीचा आवाज कमी करण्यावरून पत्नीचा संताप; पतीवर चाकूने सपासप केला वार अन्….

आंध्र प्रदेश मधील मंगळागिरी येथे टीव्हीचा आवाज कमी करण्याच्या वादातून पत्नीने 27 वर्षीय शेख अहमद यांच्यावर चाकूने हल्ला केला. विजयवाडा येथील रुग्णालयात उपचारादरम्यान त्यांचा मृत्यू झाला. पोलिसांनी पत्नीला अटक केली आहे.

• टीव्हीचा आवाज कमी करण्यावरून वाद
• पत्नीने चाकूने सपासप केला वार
• विजयवाडा शासकीय रुग्णालयात उपचारादरम्यान मृत्यू

आंध्रप्रदेश: आंध्रप्रदेश येथून एक धक्कादायक घटना समोर आली आहे. एका 27 वर्षीय विवाहित तरुणाची हत्या झाल्याचे समोर आले आहे. हत्या करणारा व्यक्ती दुसरा तिसरा कोणी नसून त्याची पत्नीचं आहे. मृत्य झालेल्या तरुणाचे नाव 27 वर्षीय शेख अहमद असे आहे. शेख अहमद हे व्यवसायाने एसी मेकॅनिक होते आणि पत्नीसमवेत राहत होते. टीव्हीचा आवाज कमी करण्यावरून वाद झाला आणि या वादातून हत्या झाल्याचे समोर आले आहे. हि धक्कदायक घटना आंध्र प्रदेश राज्यातील गुंटूर जिल्ह्यातील मंगळागिरी येथील टिडको गृहनिर्माण वसाहतीत घडली.

काय घडलं नेमकं?

घटनेच्या दिवशी अहमद यांनी पत्नीला टीव्हीचा आवाज कमी करण्यास सांगितले. मात्र या किरकोळ कारणावरून दोघांमध्ये वाद झाला. हा वाद इतका वाढला की संतापाच्या भरात पत्नीने घरातील चाकू उचलून अहमद यांच्यावर सपासप वार केले. हा वार एवढा जोरदार होता की रक्ताच्या थारोळ्यात कोसळला. त्यांचा आरडाओरडा ऐकून शेजारी घटनास्थळी पोहोचले. तेव्हा शेजार्यांना अहमद रक्तबंबाळ अवस्थेत आढळला. शेजाऱ्यांनी अहमदला तातडीने विजयवाडा येथील शासकीय रुग्णालयात दाखल केले. मात्र गंभीर उपचारादरम्यान त्यांचा मृत्यू झाला.

तलवारीने केक कापणे पडलं महागात; बर्थडे बॉयला पोलिसांनी दाखवला चांगलाच इंगा

पोलिसांनी अहमदच्या पत्नीविरुद्ध हत्येचा गुन्हा दाखल करून तिला ताब्यात घेतले आहे. पोलीस या प्रकरणी तपास करत असून या घटनेने परिसरात खळबळ उडाली आहे. किरकोळ कारणावरून ही घटना घडल्याने आता अनेक प्रश्न उपस्थित होत आहे.

पत्नीबाबत आक्षेपार्ह विधान केल्याने पतीने केली मित्राची हत्या; थेट दगडानेच हल्ला चढवला

गेल्या काही दिवसांपासून गुन्हेगारीच्या घटनांमध्ये वाढ होताना दिसत आहे. किरकोळ कारणावरून खून, खुनाचा प्रयत्न यांसारख्या घटना घडत आहेत. असे असताना आता नाशिकमध्ये पत्नीबद्दल वाईट भावना ठेऊन अपशब्द वापरल्याच्या कारणावरून मित्रानेच मित्राचा दगडाने ठेचून खून केला. इगतपुरी तालुक्यातील वाडीव येथील पिंपळगाव डुकरा शिवारातील गिऱ्हेवाडी येथे ही घटना घडली.

इगतपुरी तालुक्यातील पिंपळगाव डुकरा शिवारातील अनिल एकनाथ गिरे (रा. गिडेवाडी) याचा खून झाला असल्याची घटना शुक्रवार (दि. २०) उघडकीस आली. वाडीव-हेचे पोलीस निरीक्षक भगवान मथुरे यांच्या मार्गदर्शनाखाली पोलीस उपनिरीक्षक पांडुरंग जाधव, पोलीस हवालदार रामकृष्ण लहामटे, मनोज येशी, भगवान खरोले, धोंडीराम बोंबले, विशाल सोनवणे यांनी दोन तासात संशयित आरोपीच्या मुसक्या आवळल्या. उपविभागीय पोलीस अधिकारी हरीश खेडकर यांनी घटनास्थळी भेट देऊन मार्गदर्शन केले.

Beed Crime: 21 जानेवारीपासून बेपत्ता विद्यार्थिनीचा शोध लागला, मात्र अल्पवयीन गरोदर असल्याची धक्कादायक माहिती; काय घडलं नेमकं?