शरीरसुखासाठी मुलीची मागणी करणारा अकोल्यातील ‘तो’ एएसआय अखेर निलंबित

एएसआय राजेश जाधव असे आरोपीचे नाव असून, तो फरार झाला आहे. सायबर सेलकडे दाखल असलेल्या एका गुन्ह्यात अकोला पथकाने मुंबई येथून एक महिला व एक पुरुष अशा दोन आरोपींना अटक केली होती.

अकोला : अकोला पोलिस दलात खळबळजनक घटना पुढे आली आहे. सिव्हिल लाईन ठाण्यात कार्यरत सहाय्यक पोलिस उपनिरीक्षकाने (एएसआय) मंगळवारी रात्री पोलिस कोठडीतील आरोपी महिलेकडे मुलीला शरीरसुखासाठी पाठव, अशी धक्कादायक मागणी केली. या प्रकरणी वरिष्ठ पोलिस अधिकाऱ्यांनी गंभीर दखल घेऊन त्याला निलंबित केले. तसेच विनयभंगाचा गुन्हा दाखल केला.

एएसआय राजेश जाधव असे आरोपीचे नाव असून, तो फरार झाला आहे. सायबर सेलकडे दाखल असलेल्या एका गुन्ह्यात अकोला पथकाने मुंबई येथून एक महिला व एक पुरुष अशा दोन आरोपींना अटक केली होती. या आरोपींना सिव्हील लाईन पोलिस ठाण्यात ठेवण्यात आले. मंगळवारी रात्री कोठडीतील महिला आरोपीकडे ‘तुझी मुलगी माझ्याकडे पाठव, १० हजार रुपये देतो’, अशी मागणी केली.

वर्दी घातली आहेस, तरी लाज वाटली नाही का?’

वरिष्ठ पोलिस अधिकाऱ्यांनी संबंधित आरोपी एएसआयला खडेबोल सुनावले. ‘वर्दी घातली आहेस ना तू…असे कृत्य करताना तुला लाज वाटली नाही का?’ अशा शब्दांत त्याचा समाचार घेतला. या प्रकरणाचा एक व्हिडिओ सोशल मीडियातून व्हायरल झाला. त्यामध्ये वरिष्ठ अधिकाऱ्यांनी हात देखील उभारल्याचे दिसते. मात्र, संबंधिताने वर्दी घातली असल्याने त्यांनी स्वतःला आवरले.

AI च्या मदतीने मुलाने केली आईची हत्या

कृत्रिम बुद्धिमत्तेचा (Artificial Intelligence) जगभरात मोठ्या प्रमाणावर वापर केला जात आहे. वैद्यकीय औषधांपासून ते मुलांच्या गृहपाठापर्यंत प्रत्येक गोष्टीसाठी याचा वापर होत आहे. मात्र अनेक प्रकरणांमध्ये, याचे गंभीर परिणाम देखील होऊ लागले आहेत. युनायटेड किंगडममधील (UK) उत्तर वेल्समधून एक हृदयद्रावक बातमी समोर येत आहे. एका १८ वर्षीय मुलाने, एआयच्या (AI) मदतीने, आपल्याच आईची हत्या केली. खुनाची पद्धत अत्यंत भयानक होती. खुनापूर्वी, मुलाने एआयला (AI) खुनाच्या पद्धती आणि रक्त कसे साफ करावे याबद्दल टिप्स विचारल्या होत्या. आता न्यायालयाने मुलाला जन्मठेपेची शिक्षा सुनावली आहे.

धक्कादायक! “हत्येसाठी कोणते शस्त्र चांगले, हातोडा की चाकू?” 18 वर्षीय मुलाने AI ला विचारले अन् मग…