भावकीतील वाद टोकाला; डोक्यात कोयत्याने वार करून जीवे मारण्याचा प्रयत्न

दरम्यान, रात्री साडेआठच्या सुमारास दादा भैरू कोळपे, मनोज भैरू कोळपे, शहाजी कारभारी कोळपे, अनिल शहाजी कोळपे यांच्यासह 13 ते 14 जणांनी तात्या कोळपे यांच्या घरासमोर येऊन, ‘तू देवाच्या कार्यक्रमात आमच्याशी वाद का घातलास? तुला जास्त माज आला आहे का?’ असे म्हणत दादा कोळपे यांनी कोयत्याने तात्या कोळपे यांच्या डोक्यावर वार केला.

यावेळी तात्या कोळपे यांना वाचवण्यास परसराम कोळपे धावले असता, त्यांनाही लाथाबुक्यांनी मारहाण करण्यात आली. दरम्यान, गंगाराम कोळपे, साळुबाई कोळपे व इतर नातेवाईक आवाज ऐकून बाहेर आले. तेव्हा मनोज कोळपे याने तलवारीसदृश हत्याराने गंगाराम कोळपे यांच्या डोक्यावर वार केला. शहाजी कोळपे यांनी धुळा कोळपे यांना लोखंडी रॉडने मारहाण करून त्यांचा हात फ्रॅक्चर केला. तसेच महिलांनाही दगड व हातांनी मारहाण केली.

जखमींना रुग्णालयात करण्यात आले दाखल

जखमींना तत्काळ वरदविनायक हॉस्पिटल येथे दाखल करण्यात आले. मात्र, उपचारासाठी जात असताना भिवा कोळपे यांच्यावर पुन्हा पांढऱ्या कारमधून पाठलाग करून सोन्या उर्फ तुशार खैरे (रा.शिरसगाव काटा, ता.शिरूर,जि.पुणे) याने चाकूने हल्ला केला. इतकेच नव्हे तर आरोपींनी पुन्हा हॉस्पिटलमध्ये जाऊन मनिषा कोळपे यांना पोटात लाथ मारून दुखापत केली. त्यामुळे फिर्यादीने दिलेल्या फिर्यादीवरून पोलिसांनी दादा भैरू कोळपे, मनोज भैरू कोळपे, भैरू कारभारी कोळपे, शहाजी कारभारी कोळपे, अनिल शहाजी कोळपे, बाबुराव विठ्ठल कोळपे, धुळा विठ्ठल कोळपे, सिद्धेश्वर शिवाजी कोळपे, शिवाजी कारभारी कोळपे, धुळा बाबू थोरात, भिवा बाबू थोरात, सोन्या उर्फ तुषार खैरे व दोन महिलांसह इतर 5 ते 6 अनोळखी लोकांवर गुन्हा दाखल केला आहे. या घटनेचा पुढील अधिक तपास शिरूर पोलिस करत आहेत.

संबंधित बातम्या