Beed Suicide News: 'त्या' चिठ्ठीने उघड केले हॉटेल मालकांचे काळे कारनामे! बीडमध्ये मॅनेजरच्या आत्महत्येने खळबळ
Beed Suicide News: बीड तालुक्यातील चौसाळा येथून एक अत्यंत धक्कादायक आणि हळहळ व्यक्त करणारी घटना समोर आली आहे. स्थानिक ‘हॉटेल जानकी’चे मॅनेजर सतीश जाधव यांनी हॉटेलच्याच एका खोलीत गळफास घेऊन आपली जीवनयात्रा संपवली. हॉटेल मालक आणि त्यांच्या भावाकडून सुरू असलेल्या सततच्या मानसिक व आर्थिक छळाला कंटाळूनच त्यांनी हे टोकाचे पाऊल उचलल्याचे स्पष्ट झाले आहे. याप्रकरणी पोलिसांनी गुन्हा दाखल केला असून परिसरात मोठी खळबळ उडाली आहे.
पोलिसांनी दिलेल्या माहितीनुसार, सतीश जाधव हे चौसाळा येथील ‘हॉटेल जानकी’मध्ये मॅनेजर म्हणून कार्यरत होते. मागील काही काळापासून हॉटेल मालक दशरथ थोरात आणि त्यांचा भाऊ विकी थोरात हे ग्राहकांच्या उधारीच्या पैशांवरून व इतर व्यावसायिक कारणांवरून सतीश यांच्यावर सतत दबाव टाकत होते. उधारीच्या वसुलीवरून त्यांना वारंवार शिवीगाळ करणे आणि अपमानास्पद वागणूक देणे सुरू होते. या सततच्या त्रासामुळे सतीश जाधव तीव्र मानसिक तणावाखाली होते.
घटनेची माहिती मिळताच नेकनूर पोलीस ठाण्याचे पथक त्वरित घटनास्थळी दाखल झाले. पोलिसांनी पंचनामा करून मृतदेह ताब्यात घेतला असता, मयत सतीश जाधव यांच्या खिशात एक चिठ्ठी (सुसाईड नोट) आढळून आली. या सुसाईड नोटमध्ये हॉटेल मालक दशरथ थोरात आणि विकी थोरात यांच्या त्रासाचा व छळाचा सविस्तर उल्लेख त्यांनी केला होता. मालकांच्या त्रासाला कंटाळूनच आपण जीवन संपवत असल्याचे त्यांनी स्पष्ट लिहिले होते.
मृत सतीश जाधव यांच्या पत्नीने दिलेल्या फिर्यादीवरून नेकनूर पोलीस ठाण्यात हॉटेल मालक दशरथ थोरात आणि विकी थोरात या दोघांविरुद्ध आत्महत्येस प्रवृत्त केल्याप्रकरणी गुन्हा दाखल करण्यात आला आहे. मयताच्या नातेवाईकांनी दोषींवर कडक कारवाईची मागणी केली असून नेकनूर पोलीस या प्रकरणाचा पुढील सखोल तपास करत आहेत
Ans: ही घटना बीड तालुक्यातील चौसाळा येथील 'हॉटेल जानकी'मध्ये घडली.
Ans: हॉटेल मालक दशरथ थोरात आणि विकी थोरात यांच्याकडून उधारीच्या पैशांवरून सुरू असलेला सततचा मानसिक व आर्थिक छळ या आत्महत्येचे कारण ठरले.
Ans: नेकनूर पोलिसांनी मयताच्या पत्नीच्या फिर्यादीवरून हॉटेल मालक दशरथ थोरात आणि विकी थोरात यांच्यावर आत्महत्येस प्रवृत्त केल्याप्रकरणी गुन्हा दाखल केला आहे.
.png "Videos"){kind=small}
