Karnataka Crime : ‘तू जास्त पीस का खाल्ले?’ चिकनवरून वाद अन् मित्रानेच पोटात खुपसला सुरा

कर्नाटकच्या बेळगावीमध्ये चिकनच्या एका तुकड्यावरून झालेला किरकोळ वाद थेट हत्येपर्यंत पोहोचला. मित्राने रागाच्या भरात बेस्ट फ्रेंडवर चाकूने हल्ला केल्याची धक्कादायक घटना समोर आली आहे.

• चिकनच्या एका पीसवरून दोन मित्रांमध्ये वाद
• रागाच्या भरात मित्राच्या पोटात चाकू खुपसला
• अपघाताचा बनाव करणाऱ्या आरोपीचा पोलिसांनी लावला छडा

जेवणावरुन अनेकदा किरकोळ वाद हे होतंच असतात. पण जास्त खाल्ल्यामुळे वाद मर्डरपर्यंत पोहचू शकतो असा विचार तुम्ही कधी तुम्ही केलाय का? कर्नाटकच्या बेळगावी जिल्ह्यातून हत्येचे एक धक्कादायक प्रकरण समोर येत आहे. चिकनचा एक एक्सट्रा पीस काय खाल्ला संतापलेल्या मित्राने थेट चाकूच बेस्ट फ्रेंडच्या पोटात खुपसन टाकला. ही संपूर्ण घटना बेळगावी जिल्ह्यातील मुदळगी तालुक्याच्या हुनस्याल पीजी गावात घडल्याचे वृत्त आहे. उत्तर प्रदेशच्या पीलीभीत जिल्ह्यातील कबीरगंज गावचा रहिवाशी सीताराम मुदळगीच्या प्रिया स्टील कंपनीत काम करत होता. त्याच्यासोबत त्याच्याच गावचा मित्र अरुण कुमार देखील त्याच कंपनीत कामाला होता.

धक्कादायक ! बहिणीशी बोलत नसल्याने पतीने केली पत्नीची हत्या; आरडाओरड करणाऱ्या स्वत: च्या मुलाला…

रागाच्या भरात नको ते घडलं…

मिळालेल्या माहितीनुसार, सीताराम आणि अरुण दोघेही त्या दिवशी पार्टी करत होते. याचवेळी दोघांंमध्ये चिकनच्या एका पीसवरुन वाद सुरु झाला. गोष्ट इतकीच होती की, एकाने दुसऱ्याहून जास्त चिकनचे पीस खाल्ले. यावरुन दोघांमध्ये सुरुवातील किरकोळ वाद सुरु झाला आणि नंतर याच वादाचे हत्येत रुपांतर झाले. चिकनच्या पीसवरुन सुरु झालेला हा वाद पुढे इतका भीषण बनला की अरुण कुमारने मित्र सीतारामवर चाकूने हल्ला केला. बाजूला असलेली सुरी त्याने सीतारामच्या पोटात खुपसली. सीताराम जमिनीवर कोसळला, त्याचे शरीर रक्ताने माखले होते.
गुन्हा लपविण्याचा केला होता प्रयत्न

मित्राला मारल्यानंतर अरुण कुमार घाबरला आणि त्याने हा एक अपघात आहे असं भासवण्यासाठी एक खोटी कहाणी बनवली. जखमी सीतारामला घेऊन तो गोकाक येथील सरकारी रुग्णालयात गेला. रुग्णालयात मित्राला दाखल केल्यानंतर अरुणने मित्राच्या अपघाताची खोटी कथा सांगितली. त्याने डाॅक्टर आणि पोलिसांची दिशाभूल करण्यासाठी सीताराम बिल्डिंगवरुन खाली पडल्याचा दावा केला.

Pune Crime : तंबाखू न दिल्याचा राग अनावर; तरुणाला लाथाबुक्क्यांनी अन् लोखंडी रॉडने मारहाण

पोलिसांनी लावला छडा

अरुणच्या खोट्या दाव्यावर डाॅक्टर आणि पोलिसांना लगेच संशय आला. रुग्णालयात पोहचलेल्या पोलिसांनी तातडीने कारवाई करण्यास सुरुवात केली आणि आरोपी अरुणला आपल्या ताब्यात घेतले. पोलिसांनी सक्तीने चाैकशी केल्यानंतर अरुणने आपला गुन्हा कबूल केला आणि मित्राची हत्या त्यानेच केल्याची कबूली दिली. चाकूने केलेला वार इतका खोल होता की, उपचारादरम्यान सीतारामचा मृत्यू झाला. पोलिसांनी हत्येचा गुन्हा दाखल केला असून आरोपी अरुणवर लवकरच योग्य ती कायदेशीर कारवाई करण्यात येईल.