पूर्णेकर हत्याकांडाच्या तपासावर सपकाळांचे प्रश्नचिन्ह; सरकारकडे केली 'ही' मोठी मागणी
काँग्रेस प्रदेशाध्यक्ष हर्षवर्धन सपकाळ यांनी आज ठाण्यात पूर्णेकर यांच्या कुटुंबियांची सांत्वनपर भेट घेतली. यावेळी प्रसार माध्यमांशी बोलताना ते म्हणाले की, पूर्णेकर यांच्या हत्येचा तपासात काहीही प्रगती दिसत नाही. पूर्णेकर कुटुंबानी जे पुरावे दिले, ज्यांचा या हत्येमागे संशय आहे त्यांची नावे दिली पण त्यांना वाचवण्याचा प्रयत्न केला जात आहे. एफआयआर दाखल करून घेण्यापासूनच हा तपास भरकटलेला आहे. आताची चौकशी ही वरवरची असून मुख्य आरोपींना अभय दिले जात आहे. जी एसआयटी स्थापन केली आहे ती स्थानिक पोलिसांची आहे. पूर्णेकर कुटुंब व ठाणेकरांचा या एसआयटीवर विश्वास नाही. ही हत्या अत्यंत गंभीर असून हत्येपूर्वी प्रदीप पूर्णेकर यांनीही त्यांच्या जीवाला धोका आहे हे सांगितले होते, त्याकडे तपासाची चक्रे फिरत नाहीत. सरकारने पूर्णेकर कुटुंबाला न्याय दिला पाहिजे. या कठीण प्रसंगात काँग्रेस पक्ष पुर्णेकर कुटुंबियांसोबत आहे असा विश्वासही सपकाळ यांनी व्यक्त केला.
यावेळी त्यांच्यासोबत ठाणे जिल्हा काँग्रेस कमिटीचे अध्यक्ष राहुल पिंगळे, प्रदेश काँग्रेसचे सरचिटणीस श्रीरंग बर्गे, माजी अध्यक्ष विक्रांत चव्हाण, काँग्रेस तालुकाध्यक्ष संगीता कोटल, सेवादलाचे अध्यरविंद्र कोळी यांच्यासह काँग्रेस पदाधिकारी व कार्यकर्ते उपस्थित होते.
एकूण पाच जणांना अटक
पूर्णेकर हत्या प्रकरणात आतापर्यंत एकूण पाच जणांना अटक करण्यात आली आहे. यात मुख्य आरोप पप्या शिंदे याच्यासह आणखी चार जणांचा समावेश आहे. पूर्णेकर यांचा मुलगा राम पूर्णेकर यांचा मुलगा राम पूर्णेकर यांनी ठाण्याच्या माजी महापौर आणि शिंदे गटाच्या नगरसेविका मिनाक्षी शिंदे आणि त्यांचे पती राजेंद्र शिंदे यांनीच कट रचून प्रदीप पूर्णेकर यांची हत्या केल्या आरोप केला आहे. या आरोपांनंतर पोलिसांनी राजेंद्र शिंदे यांना सातवेळा चौकशीसाठी बोलवल्याची माहिती आहे.
Ans: हत्याकांडाचा संपूर्ण तपास उच्च न्यायालयाच्या देखरेखीखाली करावा आणि ठाण्याबाहेरील IPS अधिकाऱ्याच्या नेतृत्वाखाली विशेष तपास पथक (SIT) स्थापन करावे, अशी मागणी हर्षवर्धन सपकाळ यांनी केली.
Ans: सध्याची SIT म्हणजे केवळ धूळफेक असल्याचा आरोप करत सपकाळ यांनी स्थानिक पोलिसांच्या तपासावर प्रश्नचिन्ह उपस्थित केले. या तपासावर पूर्णेकर कुटुंबीयांचा विश्वास नसल्याचेही त्यांनी सांगितले.
Ans: प्रदीप पूर्णेकर यांच्या हत्येमागे कोणती शक्ती आहे, हे चौकशीतून समोर आले पाहिजे, असे सपकाळ म्हणाले. तसेच, संशयितांना वाचवण्याचा प्रयत्न होत असल्याचा आरोप करून त्यांनी कुटुंबीयांना न्याय देण्याची मागणी केली.
.png "Videos"){kind=small}
