क्षुल्लक भांडणाचा भयंकर शेवट; पत्नीचा मृत्यू, आईला फोन लावला अन् घाबरलेल्या पतीनेही उचलले टोकाचे पाऊल

बंगळुरूमधून पती-पत्नीच्या वादाचा धक्कादायक शेवट समोर आला आहे. किरकोळ कारणावरून सुरू झालेल्या वादानंतर घडलेल्या घटनेने संपूर्ण परिसरात खळबळ उडाली असून, पोलिसांकडून पुढील तपास सुरू आहे.

• १४ ऑगस्टच्या रात्री पती-पत्नीमध्ये किरकोळ कारणावरून वाद झाल्याची माहिती.
• घटनेनंतर परिसरात एकच खळबळ उडाली आणि पोलिसांना माहिती देण्यात आली.
• प्रकरणातील घटनाक्रम आणि मृत्यूमागील नेमकी परिस्थिती जाणून घेण्यासाठी तपास सुरू.

पती-पत्नीमध्ये वाद होणे फार सामान्य गोष्ट आहे पण किरकोळ वाटणारे हे वाद भीषण रुप देखील धारण करु शकतात. अनेकदा रागाच्या भरात आपल्याकडून नकळत चुका घडून जातात ज्यांचा पश्चाताप आपल्याला पुढे जाऊन होतो. अशीच एक घटना अलिकडे बंगळुरूतील एका जोडप्यासोबत घडून आली ज्यात दोघांचाही जीव पणाला लागला. किरकोळ वादातून सुरु झालेल्या या भांडणाने पुढे भीषण रुप घेतले मारहाणीत पत्नीचा जागीच मृत्यू झाला. पत्नीच्या मृत्यूने पती घाबरला आणि आत्महत्या करत त्याने स्वत:चेही आयुष्य संपवून टाकले.

नागपुरात हत्येचा थरार; पूर्ववैमनस्यातून तरुणाची धारदार शस्त्राने सपासप वार करून हत्या

पती-पत्नीमध्ये वादाचे रुपांतर झाले मारहाणीत

सदर घटना ही १४ ऑगस्ट रोजी रात्रीच्या सुमारास घडली. सांगितले जात आहे की, पती-पत्नीमध्ये किरकोळ वाद सुरु होता ज्यांचे रुपांतर पुढे हाणामारीत झाले. पतीमे कथितरित्या पत्नी पद्मावतीवर हल्ला केला ज्यात तिच्या चेहऱ्यावर मोठी दुखापत झाली आणि ती बेशुद्ध पडली. यानंतर जेव्हा पतीने तिला उठवण्याचा प्रयत्न केला तिचा श्वास थांबला होता.

पत्नीच्या मृत्यूनंतर आईला फोन लावला

पत्नीच्या मृत्यूनंतर पती घाबरला आणि त्याने लगेच आपल्या आईला फोन केला. मृत्यूपूर्वी त्याने घडलेला संपूर्ण घटनाक्रम आईला फोनवर सांगितला आणि त्यानंतर कथितरित्या आईला एक मेसेज पाठवला आणि घरातील हाॅलमधील पंख्याला लटकत आत्महत्या केली.

Sambhajinagar Crime : माहेरहून पाच लाख रुपये घेऊन ये, नाहीतर…; संभाजीनगरमध्ये विवाहितेचा छळ

गळफास अवस्थेत सापडला मृतदेह

पतीची ओळख सुमंत जैन अशी पटली आहे. तर पत्नीची ओळख पद्मावती अशी पटली आहे. सांगितले जात आहे की, आईने मेसेच पाहिल्यानंतर काहीवेळातच घरमालकाला सूचना दिली. जेव्हा घराची तपासणी केली तेव्हा सुमंत गळफास घेतलेल्या अवस्थेत आढळला. यानंतर राजागोपाल नगर पोलिसांना घटनेची माहिती देण्यात आली. पोलिस घटनास्थळी दाखल झाली आणि त्यांनी दोघांच्या मृतदेहाला आपल्या ताब्यात घेतले. पोलिसांनी या प्रकरणात गुन्हा दाखल केला असून मृत्यूच्या सभोवतालच्या परिस्थितीचा तपास केला जात आहे.